NJOFTIM PËR “PËRGJEGJËS” NË SEKTORIN E STANDARDEVE TË CILËSISË DHE STATISTIKAVE NË REKTORATIN E UNIVERSITETIT TË MJEKËSISË, TIRANË

Bazuar në ligjin nr. 80/2015, “Për arsimin e lartë dhe kërkimin shkencor në institucionet  e arsimit të lartë në Republikën e Shqipërisë”, në nenin 78 të Statutit të Universitetit të Mjekësisë, Tiranë, si dhe në Urdhrin e Rektorit nr. 36, datë 21.04.2021 “Për miratimin e kritereve për personel ndihmës akademik me karakter administrativ në Rektoratin e Universitetit të Mjekësisë, Tiranë”, shpall konkursin për  vend në pozicionin e punës, personel ndihmës akademik me karakter administrativ, si më poshtë:

“Përgjegjës” në Sektorin e Standardeve të Cilësisë dhe Statistikave, në Drejtorinë e Administrimit Akademik dhe Kurrikulës në Rektoratin e Universitetit të Mjekësisë, Tiranë.

Kandidatët për pozicionin e punës “Përgjegjës” në Sektorin e Standardeve të Cilësisë dhe Statistikave duhet të plotësojnë këto kritere:

1. Të zotërojë diplomë të ciklit të dytë “Master i Shkencave” ose ekuivalente me të (DIND)
2. Të ketë eksperiencë pune në institucionet e arsimit të lartë jo më pak se 5 (pese) vite, si dhe të ketë eksperiencë në fushën e sigurimit të cilësisë të programeve të studimit dhe atë institucional;
3. Të zotërojë njohuri të mira të paketës Microsoft Office;
4. Të zotërojë një nga gjuhët e huaja perëndimore (Anglisht, Frëngjisht, Spanjisht, Italisht, Gjermanisht);
5. Të zotërojë gjuhën shqipe të shkruar dhe të folur;
6. Të jetë shtetas shqiptar me zotësi të plotë për të vepruar;
7. Të zotërojë aftësitë e nevojshme profesionale për vendin e punës, për të cilin konkurron;
8. Të mos jetë i dënuar me vendim të formës së prerë të gjykatës për kryerjen e një vepre penale;
9. Të jetë në kushte shëndetësore që e lejojnë të kryejë detyrën përkatëse;

Kritere preferenciale:

• Të njohë dhe të ketë eksperiencë pune në proceset e vlerësimit të brendshëm dhe/ose të jashtëm të cilësisë në institucionet e arsimit të lartë; të këtë njohuri mbi sistemin e sigurimit të brendshëm dhe/ ose të jashtëm të cilësisë
• Të shfaqë aftësi organizative dhe bashkëpunimi në grup;

Dokumentacioni i  kërkuar:

Kandidatët që aplikojnë, duhet të dorëzojnë pranë Sektorit të Protokoll Arkivës, në Rektoratin e Universitetit të Mjekësisë, Tiranë, dokumentet si më poshtë:

1. Kërkesë me shkrim për aplikim;
2. Jetëshkrim (CV) sipas formatit standard (europass);
3. Fotokopje të pasaportës ose kartës së identitetit;
4. Kopje e noterizuar e diplomës/diplomave dhe njehsimin/et e tyre në MASR (për diplomat e marra jashtë vendit), bashkë me listën e notave të noterizuar (për secilin program përkatës studimit);
5. Kopje e noterizuar e librezës së punës ose ekuivalent me të, që vërtetojnë vjetërsinë në punë;
6. Kopje e noterizuar e dëshmisë së njohjes së gjuhës së huaj;
7. Kopje e noterizuar e dëshmisë së njohjes së paketës Microsoft Office
8. Vërtetim i gjendjes shëndetësore të marrë brenda tri muajve të fundit (raport mjekësor për aftësinë në punë);
9. Vërtetim i gjendjes gjyqësore (dëshmi penaliteti) të marrë brenda tre muajve të fundit,
10. Vetë deklarim sipas formës së kërkuar nga ligji nr. 138/2015;
11. Dokument/e që vërtetojnë njohuri/eksperiencë në fushën e sigurimit të cilësisë në arsimin e lartë;
12. Çdo dokument tjetër që vërteton trajnimet, kualifikimet, arsimin shtesë apo të tjera të përmendura në jetëshkrim dhe në mbështetje të kritereve preferenciale;
13. Referenca nga punëdhënës ose epror direkt të mëparshëm, që provojnë vlerësimet pozitive në punë.

Mungesa e një prej dokumentacioneve të kërkuara më sipër, sjell s’kualifikim të kandidatit.

Dokumentacioni i dorëzuar nuk do të kthehet mbrapsht, pasi bëhet pjesë e arkivës së institucionit.

Kandidatët e interesuar, duhet të dorëzojnë dokumentacionin e kërkuar në Sektorin e Protokoll Arkivës, në Universitetin e Mjekësisë, Tiranë, (Adresa: Rruga e Dibrës, Nr. 371, 1005, Tiranë)

Afati i dorëzimit të dokumentacionit: 10 ditë pune nga publikimi i kritereve në buletinin e APP-së

Fusha e njohurive, aftësive dhe cilësitë të cilat do të zhvillohet intervista:

• Njohuri mbi ligjin nr. 80/2015 datë 22.07.2015, “Për arsimin e lartë dhe kërkimin shkencor në institucionet e arsimit të lartë në Republikën e Shqipërisë”.
• Njohuri mbi Statutin e Universitetit të Mjekësisë, Tiranë.
• Njohuri mbi standardet shtetërore të cilësisë në arsimin e lartë (Kodi i Cilësisë)
• Njohuri mbi vlerësimin e brendshëm/të jashtëm të cilësisë në institucionet e arsimit të lartë (në nivel programesh dhe institucional) .

Mënyra e vlerësimit:

Përzgjedhja e kandidatit fitues do të bëhet nëpërmjet konkurrimit me dosje dhe me intervista të drejtpërdrejta.

Në lidhje me dokumentacionin e dorëzuar kandidatët do të vlerësohen për përvojën, trajnimet apo kualifikimet e lidhura me fushën.

Në lidhje me intervistën e punës kandidatët do të vlerësohen për njohuritë mbi aktet ligjore dhe nënligjore të sipërcituara, aftësitë, kompetencat, eksperiencën e tyre të mëparshme, motivimin, aspiratat si dhe pritshmërinë e tyre për karrierën.

Për çdo paqartësi mund të dërgohet email në adresën info@umed.edu.al