NJOFTIM PËR PERSONEL AKADEMIK ME KOHË TË PJESSHME (PEDAGOGË TË JASHTËM) NË FAKULTETIN E SHKENCAVE MJEKËSORE TEKNIKE, TIRANË, PËR VITIN AKADEMIK 2022-2023

Bazuar në nenin 3, 57 pika 2 e nenet në vijim të ligjit nr. 80/2015 “Për arsimin e lartë dhe kërkimin shkencor në institucionet e arsimit të lartë në Republikën e Shqipërisë”, në nenin 5, 59 pika 4, 61 pika 1,63 e vijues të Statutit të Universitetit të Mjekësisë, Tiranë (UMT),  në Urdhrin e Rektorit të UMT-së nr. 89, datë 06.09.2022 “Për punësimin e personelit akademik me kohë të pjesshme, për vitin akademik 2022-2023, në Universitetin e Mjekësisë, Tiranë”, si dhe në shkresën e Fakultetit të Shkencave Mjekësore Teknike nr. 1108/4 prot., datë 12.12.2022, protokolluar me tonën nr. 2448/33 prot., datë 12.12.2022 “Kërkesë për rishpallje për aplikim për staf akademik me kohë të pjesshme në Fakultetin e Shkencave Mjekësore Teknike”, Universiteti i Mjekësisë, Tiranë, shpall thirrjen publike për të gjithë të interesuarit që duan të konkurrojnë për personel akademik me kohë të pjesshme (Pedagogë të jashtëm) për vitin akademik 2022-2023, për vendet vakante si më poshtë:

PEDAGOGË ME KOHË TË PJESSHME:

Lëndët:

1. Gjuhë Angleze 3 (tri) vende  vakante
2. Linguistikë 1 (një) vend  vakant
3. Ortopedi- Traumatologji 1 (një) vend  vakant
4. Imazheri (Teknik) 3 (tri) vende  vakante
5. Laborator Profesional (Mjek)   3 (tri) vende vakante
6. Logopedi  1 (një) vend  vakant
7. Logopedi (Dentist) 1 (një) vend  vakant
8. Pediatri  1 (një) vend  vakant
9. Neurologji  1 (një) vend  vakant
10. Teknik Rehabilitimi në Psikiatri 2 (dy)  vende vakante
11. Imunologji 1(një)  vend  vakant
12. Biofizik/Biomekanik 1 (një)  vend vakant

MBIKQYRËS KLINIK

Lënda:

1. Logopedi 6 (gjashtë) vende vakante
2. Teknik Laboratori 3  (tri)     vende vakante
3. Fizioterapi 2  (dy)  vende vakante

Kandidatët për personel akademik me kohë të pjesshme, pranë Fakultetit të Shkencave Mjekësore Teknike, Universiteti i Mjekësisë, Tiranë, duhet të plotësojnë këto kritere:

Kriteret e përgjithshme: 

1. Të jetë diplomuar në programe të integruara ose Master Shkencor në degën përkatëse;
2. Të ketë përfunduar studimet universitare me notë mesatare mbi 8 (tetë);
3. Të zotërojë me dëshmi një nga pesë gjuhët e huaja të Bashkimit Evropian (Anglisht, Gjermanisht, Frëngjisht, Italisht, Spanjisht);
4. Të mos jetë i dënuar me vendim të formës së prerë nga Gjykata.

   Kriteret preferenciale:

1. Të ketë cikël të tretë studimi në fushën përkatëse (Specializim afatgjatë/Doktoraturë);
2. Të ketë eksperiencë pune në specialitetin përkatës;
3. Të ketë eksperiencë në mësimdhënie në fushën përkatëse;
4. Të ketë publikime në revista shkencore, konferenca ose pjesëmarrje në kërkim shkencor;
5. Të zotërojë aftësi profesionale për vendin e punës.

Dokumentacioni i kërkuar:

Kandidatët që aplikojnë, duhet të dorëzojnë pranë Zyrës së Protokollit, në Fakultetin e

Shkencave Mjekësore Teknike, Universiteti i Mjekësisë, Tiranë, dosjen personale (të     inventarizuar), me dokumentet si më poshtë:

1. Kërkesë me shkrim drejtuar njësisë bazë ku do të konkurrojë/ kandidojë;
2. Curriculum Vitae e detajuar me të gjithë aktivitetin shkencor dhe botues të kandidatit;
3. Leje nga punëdhënësi në organizatën ose institucionin ku punon;
4. Dokument identifikimi;
5. Fotokopje të noteruara të diplomës dhe listë së notave të të gjitha programeve të studimit (Bachelor, Master Shkencor, Program të Ciklit të Tretë të Studimeve (Specializim Afatgjatë në Fushën e Mjekësisë /Doktoraturë);
6. Fotokopje të noteruara të vërtetimit të ekuivalentimit të diplomës nga MAS, si diplomë, listë notash si dhe njohje të gradave për kandidatët që kanë studiuar jashtë shtetit;
7. Kopje të noteruara të dëshmive të gjuhëve të huaja të mbrojtura (e detyrueshme të paktën një);
8. Kopje të noteruar të librezës së punës;
9. Vërtetim page, shoqëruar me derdhjen e sigurimeve shoqërore nga qendra e punës;
10. Dëshmi penaliteti;
11. Dy referenca nga të cilat të paktën njëra të jetë nga një profesor i fakultetit që është diplomuar (dorëzohet vetëm nëse kandidati aplikon për herë të parë).

Mungesa e një prej dokumentacioneve të kërkuara më sipër, sjell s’kualifikim të kandidatit.  Dokumentacioni i dorëzuar nuk do të kthehet mbrapsht, pasi bëhet pjesë e Arkivës së Insititucionit.

Afati i dorëzimit të dokumentacionit është 7 ditë pune nga data e shpalljes në faqet zyrtare të UMED-it dhe të Fakultetit të Shkencave Mjekësore Teknike, Tiranë.

 MËNYRA E VLERËSIMIT:

Përzgjedhja e kandidatit fitues do të bëhet nëpërmjet konkurrimit me dosje dhe me intervista të drejtë për drejta.

Në lidhje me dokumentacionin e dorëzuar kandidatët do të vlerësohen për përvojën, trajnimet apo kualifikimet e lidhura me fushën.

Në lidhje me intervistën e punës kandidatët do të vlerësohen për njohuritë mbi legjislacionin e arsimit të lartë, aftësitë, kompetencat, eksperiencën e tyre të mëparshme, motivimin, aspiratat si dhe pritshmëritë e tyre për karrierën, etj.

Për çdo paqartësi mund të dërgohet e-mail në adresën info@umed.edu.al