NJOFTIM PËR PUNËSIM ME KONTRATE SHËRBIMI

Në zbatim të VKM nr. 914, datë 29.12.2014 “Për miratimin e rregullave të prokurimit publik” e ndryshuar, neni 58, Universiteti i Mjekësisë, Tiranë, kërkon të punësojë një ekspert të jashtëm të fushës, i cili plotëson kriteret e mëposhtëm: 

1. Të ketë përfunduar studimet universitare master shkencor, inxhinier ndërtimi;
2. Të ketë licencë profesionale të dhënë nga Ministria e Infrastrukturës dhe Energjisë (Licencë të pajisur nga Komisioni i posaçëm i dhënies së Licencave Profesionale në fushën e studim projektimit dhe mbikëqyrje e kolaudimit të punimeve të ndërtimit.)
3. Të ketë aftësi të mira komunikuese;
4. Të jetë shtetas shqiptar;
5. Të ketë zotësi të plotë për të vepruar;
6. Të ketë eksperiencë pune mbi 5 vjet.

Kandidatët duhet të dorëzojnë pranë Sektorit të Protokoll-Arkivës në Rektoratin e Universitetit të Mjekësisë, Tiranë këto dokumente:

1. Kërkesë me shkrim;
2. Jetëshkrim sipas formatit standard (europass);
3. Fotokopje të letërnjoftimit (ID);
4. Kopje e noterizuar e diplomës/diplomave dhe njehsimin e tyre në MAS (për diplomat e marra jashtë vendit), bashkë me listën e notave të noterizuar (për secilin program përkatës studimi);
5. Kopje të noterizuar të librezës së punës (të gjitha faqet që vërtetojnë eksperiencën në punë);
6. Kopje të noterizuar të licencës profesionale në fushën e studim projektimit dhe mbikëqyrje e kolaudimit të punimeve të ndërtimit

Mosparaqitja  e dokumenteve ose mosparaqitja e plotë e tyre, sjell s ‘kualifikim të kandidatit.

Afati i dorëzimit të dokumentacionit: brenda datës 15.08.2019

Mënyra e vlerësimit:

Përzgjedhja e kandidatit fitues do të bëhet nëpërmjet konkurrimit me dosje dhe me intervista të drejtpërdrejta.

Për çdo paqartësi mund të dërgohet email në adresën info@umed.edu.al