NJOFTIM PËR VENDE TË LIRA PUNE: “TEKNIK I MESËM I SPECIALITETEVE TË NDRYSHME” NË FAKULTETIN E MJEKËSISË, TIRANË

Bazuar në Ligjin nr.80/2015 “Për arsimin e  lartë dhe kërkimin shkencor në institucionet e arsimit të lartë në Republikën e Shqipërisë”, Universiteti i Mjekësisë, Tiranë, shpall konkursin për pozicionin e punës personel administrativ “Teknik i mesëm i specialiteteve të ndryshme në Fakultetin e Mjekësisë”.

A. Përshkrimi përgjithësues i punës:

• Mirëmban rrjetin elektrik, hidraulik dhe kaldajën;
• Kontrollon në çdo kohë gjendjen e rrjetit dhe të njoftojë menjëherë për çdo difekt dhe avari në rrjet;
• Kujdeset për ndezjen dhe fikjen e kaldajës në periudhën e përdorimit të saj;
• Administron dhe mirëmban të gjitha pajisjet dhe veglat e punës që ka në ngarkim për shkak të detyrave që realizon.

B. Kriteret:

Kandidati për vendin e punës “Teknik i mesëm i specialiteteve të ndryshme në Fakultetin e Mjekësisë” duhet të plotësojë këto kritere :

1. Të ketë përfunduar arsimin e mesëm
2. Të ketë eksperiencë pune
3. Të zotërojë certifikatë kualifikimi për enët nën presion/kaldajat
4. Të jetë shtetas shqiptar
5. Të ketë zotësi të plotë për të vepruar
6. Të zotërojë gjuhën shqipe, të shkruar dhe të folur
7. Të jetë në kushte shëndetësore që e lejojnë të kryejë detyrën përkatëse
8. Të mos jetë i dënuar me vendim të formës së prerë për kryerjen e një krimi apo për kryerjen e një kundërvajtjeje penale me dashje
9. Të mos jetë marrë ndaj tij masa disiplinore, që nuk është shuar sipas ligjit.

C. Dokumentacioni i kërkuar:

Kandidatët duhet të dorëzojnë pranë Sektorit të Protokollit dhe Arkivës në Rektoratin e Universitetit të Mjekësisë, Tiranë këto dokumente:

1. Kërkesë me shkrim për aplikim
2. Jetëshkrim sipas formatit standard (europass)
3. Fotokopje të letërnjoftimit (ID)
4. Kopje të noterizuar të diplomës së shkollës së mesme
5. Kopje të noterizuar e librezës së punës (të gjitha faqet që vërtetojnë eksperiencën në punë)
6. Vërtetim të gjendjes shëndetësore të marrë brenda tre muajve të fundit (Raport mjekësor për aftësitë në punë)
7. Vërtetim i gjëndjes gjyqësore, vetë deklarim sipas formës së kërkuar nga ligji
8. Vërtetim nga punëdhënësi i fundit që nuk ka masë disiplinore në fuqi
9. Çdo dokumentacion tjetër që vërteton trajnimet, arsimin shtesë, vlerësimet pozitive apo të tjera në jetëshkrimin tuaj
10. Të paktën dy referenca nga punëdhënësit e fundit, që provojnë vlerësimet pozitive në punë
11. Dëshmi penaliteti të marrë brenda tre muajve të fundit.

 D. Mënyra e vlerësimit:

Përzgjedhja e kandidatit fitues do të bëhet nëpërmjët konkurimit me dosje dhe me intervista të drejtëpërdrejta.

Kandidatët e interesuar, duhet të dorëzojnë dokumentacionin e kërkuar origjinal ose të njësuar me origjinalin në Sektorin e Protokoll-Arkivës në Universitetin e Mjekësisë, Tiranë (Adresa: Rruga e Dibrës, Nr. 371, 1005,  Tiranë)

Afati i dorëzimit të dokumentacionit: 20.08.2018 – 03.09.2018  (10 ditë pune).

Për çdo paqartësi mund të dërgohet email në adresën info@umed.edu.al