PUBLIKOHEN KRITERET E PUNËSIMIT PERSONEL AKADEMIK, ME KOHË TË PLOTË, NË SHËRBIMIN E NEFROLOGJISË, NË UNIVERSITETIN E MJEKËSISË, TIRANË

Bazuar në ligjin nr. 80/2015, “Për arsimin e lartë dhe kërkimin shkencor në institucionet  e arsimit të lartë në Republikën e Shqipërisë”, Universiteti i Mjekësisë, Tiranë, shpall konkursin për pozicionin e punës, Personel Akademik, me kohë të plotë, në shërbimin e Nefrologjisë, në Departamentin e Sëmundjeve të Brendshme, në Fakultetin e Mjekësisë.

Kriteret

Kandidatët për personel akademik, me kohë të plotë, në shërbimin e Nefrologjisë, në Departamentin e Sëmundjeve të Brendshme, në Fakultetin e Mjekësisë, duhet të plotësojnë këto kritere:

Kritere të përgjithshme:

1. Të jetë diplomuar në Fakultetin e Mjekësisë, dega Mjekësi e Përgjithshme, studime Universitare brenda ose jashtë vendit.
2. Të ketë mbaruar specializimin në fushën e Nefrologjisë.
3. Të zotëroj me dëshmi një gjuhë të huaj perëndimore (Anglisht, Frengjisht, Gjermanisht, Italisht, Spanjisht)
4. Të ketë liçencën për ushtrim individual të profesionit, lëshuar nga Urdhri I Mjekëve të Shqipërisë.
5. Të ketë mbaruar studimet universitare me notë mesatare mbi 8 (tetë).
6. Të jetë shtetas shqiptar
7. Të zotëroj gjuhën shqipe, të shkruar dhe të folur;
8. Të ketë zotësi të plotë për të vepruar;
9. Të jetë në kushte shëndetësore që e lejojnë të kryejë detyrën përkatëse;
10. Të mos jetë i dënuar me vendim të formës së prerë nga gjykata;
11. Të mos jetë marrë ndaj tij masa disiplinore e largimit nga puna nga Universiteti i Mjekësisë Tiranë dhe nga Insitucione të tjera të edukimit.

 Kritere preferenciale:

1. Të ketë mbaruar studimet universitare me notë mesatare të ponderuar mbi 9 (nëntë).
2. Të jetë doktor i shkencave mjekësore në fushën e Nefrologjisë;
3. Të ketë eksperiencë pune në Qëndrën Spitalore Universitare “Nënë Tereza” mbi 10 vjet.
4. Të ketë eksperiencë mësimëdhënie si pedagog i jashtëm në Universitetin e Mjekësisë, Tiranë.
5. Të ketë marrë pjesë në studime kërkimore, projekte, aktivitete shkencore kombëtare dhe ndërkombëtare me referime, kanë publikime në revista kombëtare e ndërkombëtare.
6. Janë të favorizuara specializimet me vërtetimet përkatëse të bëra në klinika të ndryshme jashtë vendit.

Dokumentacioni i kërkuar

Kandidatët që aplikojnë, duhet të dorëzojnë pranë Zyrës së Burimeve Njerëzore, në Fakultetin e Mjekësisë, dosjen personale ( të inventarizuar), me dokumentat si më poshtë:

1. Kërkesë me shkrim për aplikim;
2. Jetëshkrimin (CV) sipas formatit standard (europass);
3. Fotokopje të pasaportës ose kartës së identitetit;
4. Kopje e noterizuar e diplomës/diplomave dhe njëhsimin e tyre në MAS (për diplomat e marra jashtë vendit), bashkë me listën e notave të noterizuara (për secilin program përkatës studimi);
5. Dëshmi të kualifikimeve pasuniversitare ose të gradave dhe titujve (fotokopje të noteruara). Për diplomat master ose PhD të marra në universitetet e huaja, duhet të dorëzohet fotokopje e noteruar e çertifikatës së njohjes nga organi competent ose vërtetim që janë në proçes njohje;
6. Kopje e noterizuar e liçencës për ushtrimin individual të profesionit, lëshuar nga Urdhri i Mjekëve.
7. Dëshmi të pjesëmarrjes në konferenca apo seminare etj.
8. Të paktën dy referenca nga profesorë.
9. Kopje e noterizuar e librezës së punës(të gjitha faqet që vërtetojnë eksperiencën në punë);
10. Kopje e noterizuar e dëshmisë së njohjes së gjuhës së huaj;
11. Kopje të artikujve, teksteve, revista, projekte shkencore etj.
12. Vërtetim i gjendjes shëndetësore të marrë brenda tre muajve të fundit (raport mjekësor për aftësinë në punë);
13. Vërtetim nga gjykata dhe prokuroria.
14. Dëshmi penaliteti të marrë brenda tre muajve të fundit.

Afati i dorëzimit të dokumentacionit: 27.05.2019-07.06.2019 (10 ditë pune)

 Fusha e njohurive, aftësive dhe cilësitë të cilat do të zhvillohet intervista:

• Njohuri mbi ligjin nr. 80/2015 datë 22.07.2015, “Për arsimin e lartë dhe kërkimin shkencor në institucionet e arsimit të lartë në Republikën e Shqipërisë”.
• Njohuri të akteve ligjore dhe nënligjore në fuqi për fushën e mësimëdhënies në institucionet e arsimit të lartë.

Mënyra e vlerësimit:

Përzgjedhja e kandidatit fitues do të bëhet nëpërmjët konkurimit me dosje dhe me intervista të drejtëpërdrejta.

Në lidhje me dokumentacionin e dorëzuar kandidatët do të vlerësohen për përvojën, trajnimet apo kualifikimet e lidhura me fushën.

Në lidhje me intervistën e punës kandidatët do të vlerësohen për njohuritë mbi legjislacionin e sipërcituar, aftësitë, kompetencat, eksperiencën e tyre të mëparshme, motivimin, aspiratat si dhe pritshmëritë e tyre për karrierën.

Vlerësimi do të bëhet sipas formularit të vlerësimit të kandidatëve për personel akademik i miratuar nga Senati Akademik i Universitetit të Mjekësisë, Tiranë, i publikuar në faqen zyrtare  www.umed.edu.al

Për çdo paqartësi mund të dërgohet email në adresën info@umed.edu.al