{"id":18826,"date":"2024-10-07T13:11:39","date_gmt":"2024-10-07T11:11:39","guid":{"rendered":"http:\/\/umed.edu.al\/?p=18826"},"modified":"2024-10-07T13:11:39","modified_gmt":"2024-10-07T11:11:39","slug":"ceremonia-e-bluzave-te-bardha","status":"publish","type":"post","link":"https:\/\/umed.edu.al\/en\/ceremonia-e-bluzave-te-bardha\/","title":{"rendered":"CEREMONIA E BLUZAVE TE BARDHA"},"content":{"rendered":"
\n\t
\n\t\t
\n\t\t\t

Sot, pran\u00eb Universitetit t\u00eb Mjek\u00ebsis\u00eb, Tiran\u00eb, u zhvillua Ceremonia e Bluzave t\u00eb Bardha, e cila sh\u00ebnon nisjen zyrtare t\u00eb rrug\u00ebtimit akademik p\u00ebr student\u00ebt m\u00eb t\u00eb rinj.<\/p>\n

Tre Dekan\u00ebt e fakulteteve, n\u00eb fjalimet e tyre p\u00ebrsh\u00ebndet\u00ebse, i uruan nj\u00eb mir\u00ebseardhje t\u00eb ngroht\u00eb student\u00ebve duke shprehur krenarin\u00eb q\u00eb ata po i bashkohen nj\u00eb komuniteti q\u00eb p\u00ebrpiqet p\u00ebr p\u00ebrkushtim, shkenc\u00eb dhe humaniz\u00ebm.<\/p>\n

N\u00eb vijim t\u00eb ceremonis\u00eb, Rektori i UMT Prof. Xheladin Dra\u00e7ini, uroi t\u00eb gjith\u00eb student\u00ebt p\u00ebr zgjedhjen e rrug\u00ebs s\u00eb tyre t\u00eb jet\u00ebs dhe karrierat q\u00eb sapo kan\u00eb nisur, duke paraqitur edhe vizionin e s\u00eb ardhmes t\u00eb universitetit.<\/p>\n

N\u00eb momentin m\u00eb t\u00eb pritur t\u00eb ceremonis\u00eb, pas Betimit t\u00eb Hipokratit, student\u00ebt e rinj vesh\u00ebn bluzat e bardha, duke sh\u00ebnuar k\u00ebshtu fillimin e rrug\u00ebs s\u00eb tyre drejt formimit si profesionist\u00eb t\u00eb sh\u00ebndetit. Ky gjest, i cili mban n\u00eb vetvete nj\u00eb simbolik\u00eb t\u00eb fuqishme, p\u00ebrfaq\u00ebson hyrjen n\u00eb nj\u00eb mjedis universitar ku profesionalizmi, p\u00ebrkushtimi dhe empatia jan\u00eb n\u00eb themel t\u00eb gjith\u00e7kaje.<\/p>\n

Fjala p\u00ebrsh\u00ebndet\u00ebse e Prof. Dra\u00e7init:<\/strong><\/p>\n

T\u00eb dashur student\u00eb dhe pedagog\u00eb t\u00eb nderuar!<\/p>\n

T\u00eb ftuar t\u00eb shquar q\u00eb na nderoni me pranin\u00eb Tuaj!<\/p>\n

\u00cbsht\u00eb nder dhe k\u00ebnaq\u00ebsi e ve\u00e7ant\u00eb p\u00ebr mua t\u2019Ju uroj p\u00ebrzem\u00ebrsisht mir\u00ebseardhjen n\u00eb vitin e ri akademik 2024-2025 n\u00eb Universitetin e Mjek\u00ebsis\u00eb, Tiran\u00eb!<\/p>\n

Duke uruar p\u00ebrzem\u00ebrsisht secilin nga 1624 student\u00ebt q\u00eb fillojn\u00eb sot rrug\u00ebtimin formues n\u00eb Universitetin e Mjek\u00ebsis\u00eb, Tiran\u00eb; d\u00ebshiroj t\u00eb ndaj me Ju vizionin e s\u00eb ardhmes t\u00eb institucionit ton\u00eb.<\/p>\n

Ne synojm\u00eb t\u00eb nd\u00ebrtojm\u00eb nj\u00eb mjedis dhe komunitet vlerash duke zhvilluar universitetin ton\u00eb si n\u00eb nj\u00eb vend ku edukimi nuk \u00ebsht\u00eb vet\u00ebm transmetim dijesh, por edhe nj\u00eb dialog i vazhduesh\u00ebm, gjith\u00ebp\u00ebrfshir\u00ebs dhe kulturor nd\u00ebrmjet profesioneve t\u00eb ndryshme t\u00eb shkencave t\u00eb sh\u00ebndetit.<\/p>\n

Ju siguroj t\u00eb dashur student\u00eb se do t\u00eb japim maksimumin ton\u00eb p\u00ebr t\u2019Ju ofruar edukimin m\u00eb cil\u00ebsor drejt formimit Tuaj profesional dhe njer\u00ebzor t\u00eb nivelit m\u00eb t\u00eb lart\u00eb. Universiteti i Mjek\u00ebsis\u00eb, Tiran\u00eb p\u00ebrfaq\u00ebson nj\u00eb mjedis akademik produktiv dhe novator t\u00eb shkencave t\u00eb sh\u00ebndetit q\u00eb nxit shk\u00ebmbimin e dijes dhe kreativitetin n\u00ebp\u00ebrmjet k\u00ebrkimit shkencor dhe nd\u00ebrkomb\u00ebtarizimit. \u00c7do vit Ju do t\u00eb keni mund\u00ebsi t\u00eb shk\u00eblqyera shk\u00ebmbimesh studentore n\u00eb programet ERASMUS dhe jo vet\u00ebm, me dhjetra universitete partnere t\u00eb huaja; si edhe pjes\u00ebmarrje aktive n\u00eb projekte t\u00eb shumta t\u00eb k\u00ebrkimit shkencor.<\/p>\n

Universiteti mjek\u00ebsor i s\u00eb ardhmes synon t\u00eb b\u00ebhet qend\u00ebr reference p\u00ebr studimet mjek\u00ebsore n\u00eb rajon dhe m\u00eb gj\u00ebr\u00eb, duke i edukuar mjek\u00ebt, stomatolog\u00ebt, farmacist\u00ebt, infermier\u00ebt, fizioterapist\u00ebt, mamit\u00eb, teknik\u00ebt; gjith\u00eb profesionist\u00ebt e sh\u00ebndetit; me p\u00ebrgjegj\u00ebsi dhe p\u00ebrfaq\u00ebsim t\u00eb spikatur shoq\u00ebror n\u00eb drejtim t\u00eb kontributit specifik n\u00eb mir\u00ebqenien sh\u00ebndet\u00ebsore kolektive.<\/p>\n

N\u00eb universitetin ton\u00eb synojm\u00eb t\u00eb formojm\u00eb nj\u00eb format t\u00eb ri t\u00eb profesionistit sh\u00ebndet\u00ebsor; t\u00eb aft\u00eb t\u00eb integrohet natyrsh\u00ebm n\u00eb sistemet e kujdesit sh\u00ebndet\u00ebsor dhe spitalet bashk\u00ebkohore; aty ku kujdesi p\u00ebr pacient\u00ebt kombinohet me Edukimin dhe K\u00ebrkimin Shkencor.<\/p>\n

Nj\u00eb objektiv par\u00ebsor i universitetit mbetet integrimi dhe harmonizimi\u00a0 i profesioneve sh\u00ebndet\u00ebsore dhe programeve tona t\u00eb studimit t\u00eb \u00e7do niveli n\u00ebp\u00ebrmjet krijimit t\u00eb kultur\u00ebs nd\u00ebr-profesionale humaniste me n\u00eb qend\u00ebr pacientin si person me individualitet t\u00eb patjet\u00ebrsuesh\u00ebm.<\/p>\n

Tashm\u00eb prej 9 vjet\u00ebsh, Ceremonia e Bluzave t\u00eb Bardha sh\u00ebnon fillimin e vitit akademik n\u00eb universitetin ton\u00eb, por ky \u00ebsht\u00eb viti i par\u00eb q\u00eb jemi t\u00eb gjith\u00eb bashk\u00eb, duke p\u00ebrcjell\u00eb mesazhin e r\u00ebnd\u00ebsish\u00ebm se bluza e bardh\u00eb nuk \u00ebsht\u00eb vet\u00ebm e mjekut; ajo p\u00ebrfaq\u00ebson nj\u00eb simbol unifikues dhe purifikues p\u00ebr t\u00eb gjitha profesionet e sh\u00ebndetit. Sot n\u00eb qend\u00ebr t\u00eb shkencave mjek\u00ebsore \u00ebsht\u00eb sh\u00ebndeti dhe jo s\u00ebmundja; sigurisht perqasja e duhur p\u00ebr k\u00ebt\u00eb paradig\u00ebm t\u00eb re \u00ebsht\u00eb multidimensionale, empatike dhe transversale p\u00ebrmes trajtimit multidisiplinar nga t\u00eb gjith\u00eb operator\u00ebt e kujdesit sh\u00ebndet\u00ebsor.<\/p>\n

T\u00eb nderuar koleg\u00eb pedagog\u00eb; sfida madhore q\u00eb na pret n\u00eb vitet n\u00eb vijim \u00ebsht\u00eb informatizimi dixhital dhe aplikimet e Inteligjenc\u00ebs Artificiale n\u00eb shkencat mjek\u00ebsore dhe procesin m\u00ebsimor. N\u00eb pak vite ka ndodhur nj\u00eb evoluim i p\u00ebrshpejtuar i zhvillimit t\u00eb teknologjive innovative dhe mjek\u00ebsis\u00eb s\u00eb precizionit. N\u00eb vizionin ton\u00eb, konsiderojm\u00eb q\u00eb aplikimi n\u00eb shkall\u00eb t\u00eb gj\u00ebr\u00eb i teknologjive t\u00eb p\u00ebrparuara dixhitale e plot\u00ebson, por nuk e z\u00ebvend\u00ebson vler\u00ebn thelb\u00ebsore t\u00eb njeriut si personalitet i patjet\u00ebrsuesh\u00ebm; gjithnj\u00eb n\u00eb qend\u00ebr t\u00eb \u00e7do vendimmarrjeje n\u00eb fush\u00ebn e mjek\u00ebsis\u00eb.<\/p>\n

N\u00eb k\u00ebt\u00eb p\u00ebrqasje, ku teknologjia e p\u00ebrparuar dhe njer\u00ebzit punojn\u00eb bashk\u00eb p\u00ebr t\u00eb mir\u00ebn e p\u00ebrbashk\u00ebt, Universiteti i Mjek\u00ebsis\u00eb, Tiran\u00eb p\u00ebrmbush edhe \u2018misionin e tret\u00eb\u2019<\/em> si p\u00ebrgjegj\u00ebsi shoq\u00ebrore p\u00ebr mir\u00ebqenien sh\u00ebndet\u00ebsore t\u00eb komunitetit n\u00ebp\u00ebrmjet v\u00ebmendjes drejt stileve t\u00eb sh\u00ebndetsh\u00ebm t\u00eb jetes\u00ebs dhe implementimit t\u00eb vlerave t\u00eb dialogut e komunikimit; edukimit; diversitetit, gjith\u00ebp\u00ebrfshirjes dhe shk\u00ebmbimeve kulturale.<\/p>\n

N\u00eb p\u00ebrfundim, edhe nj\u00eb her\u00eb Ju uroj t\u00eb gjith\u00ebve vit akademik t\u00eb mbar\u00eb, sh\u00ebndet, sukses dhe zhvillim personal n\u00eb t\u00eb gjitha nivelet e studimeve Tuaja!<\/p>\n

JU FALEMINDERIT!<\/p>\n\n\t\t<\/div>\n\t<\/div>\n<\/div><\/div><\/div><\/div>