1 - NJOFTIM PËR VEND TË LIRË PUNE - 18.05.2015

NJOFTIM PËR VEND TË LIRË PUNE NË FAKULTETIN E MJEKËSISË

Universiteti i Mjekësisë Tiranë shpall konkursin për 1 (një) vend pune për punonjës mësimor në Fakultetin e Mjekësisë, si më poshtë:

Pozicioni i punës:

1. Punonjës mësimor në Profilin e Mjekësisë Ligjore në Fakultetin e Mjekësisë ( 1 vend pune)

Kandidati për vendin e punës “Punonjës mësimor në Profilin e Mjekësisë Ligjore në Fakultetin e Mjekësisë” duhet të plotësojë këto kritere bazë:

1. Të zotërojë diplomën e mjekut
2. Të ketë kryer specializimin pasuniversitar dhe të zotërojë diplomën në fushën përkatëse
3. Të ketë notën mesatare të studimeve universitare mbi 8. Për kandidatët që kanë fituar tituj apo grada shkencore në Universitetet perëndimore kriteri i mesatares nuk meret parasysh
4. Të ketë gradën shkencore “Doktor” në fushën e Mjekësisë
5. Të zotërojë me dëshmi një gjuhë të huaj perëndimore
6. Të mos jetë i dënuar me vendim të formës së prerë nga gjykata.

Kandidati konkurrent për vendin e punës “Punonjës mësimor në Profilin e Mjekësisë Ligjore në Fakultetin e Mjekësisë”, preferohet të plotësojë edhe këto kritere:

1. Të ketë eksperiencë në mësimdhënie në lëndën përkatëse mbi 3 vjet
2. Të ketë eksperiencë pune si Mjek Ligjor mbi 5 vjet
3. Të ketë diplomë në fushën e Drejtësisë, krahas diplomës së mjekut
4. Të ketë kualifikime apo specializime në fushën përkatëse
5. Të ketë botime shkencore (tekste, monografi, artikuj dhe referate shkencore) në revista brenda dhe jashtë vendit në fushën e Mjekësisë Ligjore.

Kandidatët për vendin e punës “Punonjës mësimor në Profilin e Mjekësisë Ligjore në Fakultetin e Mjekësisë” duhet të dorëzojnë pranë Zyrës së Burimeve Njerëzore në Fakultetin e Mjekësisë të Universitetit të Mjekësisë, Tiranë këto dokumenta:

1. Kërkesë me shkrim
2. Curriculum vitae
3. Diplomë dhe listë notash të studimeve universitare dhe pasuniversitare (fotokopje të noteruara). Për diplomat e marra në universitetet e huaja, duhet të dorëzohet fotokopje e noteruar e çertifikatës së njohjes nga organi kompetent
4. Dëshmi të kualifikimeve pasuniversitare ose të gradave dhe titujve (fotokopje të noteruara). Për diplomat master ose PhD të marra në universitetet e huaja, duhet të dorëzohet fotokopje e noteruar e çertifikatës së njohjes nga organi kompetent ose vërtetim që janë në proçes njohje
5. Dëshmi të pjesëmarrjes në konferenca apo seminare, workshop. etj.
6. Të paktën dy referenca nga profesorë të fakultetit
7. Dëshmi të njohjes të gjuhës së huaj (të noteruar)
8. Kopje të artikujve, teksteve, revista, projekte shkencore etj.
9. Kopje të librezës së punës dhe të kontributeve të sigurimeve shoqërore
10. Raport mjekësor për aftësitë në punë

Dokumentat pranohen nga data­ 18.05.2015 -29.05.2015.

Përzgjedhja e kandidatit fitues do të bëhet nëpërmjët konkurimit me dosje dhe me intervista të drejtëpërdrejta.

Për çdo paqartësi mund të dërgoni email në adresën erisa.luzi@umed.edu.al

Publikuar më 18.05.2015

 REKTORATI