Hapet thirrja për mobilitet për stafin akademik në Universitetin e Granadës, Spanjë, për mësimdhënie në kuadër të Programit Erasmus+, për vitin akademik 2024-2025
Në kuadër të programit Erasmus + hapet thirrja për aplikim për mobilitet në Universitetin e Granadës, Spanjë, për mësimdhënie në kuadër të Programit Erasmus+, për vitin akademik 2024-2025.
Mobiliteti përfshin:
- Shkëmbimin e stafit akademik
Kohëzgjatja e mobilitetit:
- 5 ditë + 2 ditë udhëtim
Periudha e mobilitetit: Mobiliteti duhet realizuar deri në 31 Korrik 2025
Bursa përfshin:
- Kompensimin ditor
- Koston e udhëtimit (në varësi të distancës midis universitetit pritës dhe atij të origjinës). Për të përcaktuar distancën, klikoni në linkun e mëposhtëm:
http://ec.europa.eu/programmes/erasmus-plus/tools/distance_en.htm
Për t’u njohur me katalogun e programeve të studimit që ofron Universiteti i Granadës, Spanjë klikoni në linqet e mëposhtëm:
Dokumentet që duhet të dorëzohen:
- Curriculum Vitae në gjuhën Angleze në formatin Europass;
- Fotokopje e pasaportës;
- Letër motivimi në gjuhën Angleze;
- Certifikata që vërteton njohuritë e gjuhës Angleze (B2), e përkthyer dhe e noterizuar në gjuhën Angleze;
- Vërtetim nga Dekani i Fakultetit që lejon shkëputjen nga puna për të kryer mobilitetin;
- Plani i Mobilitetit.
Plani i mobilitetit:
Për të shkarkuar formatin e planit të mobilitetit klikoni në linkun e mëposhtëm:
http://umed.edu.al/wp-content/uploads/2024/07/Plani-i-mobilitetit-1-1.docx
Plani i mobilitetit firmoset në Rektorat nga Koordinatori Institucional i Erasmus +, Prof. Dr. Alma Idrizi.
Afati i fundit për aplikim: 30 Gusht 2024
Dokumentet duhen dorëzuar në Zyrën e Protokollit në Rektoratin e Universitetit të Mjekësisë, Tiranë si dhe të skanuara në adresën: projects.office@umed.edu.al
Dokumentacioni i dorëzuar në zyrën e protokollit, duhet të shoqërohet me formularin e aplikimit që përmban të dhënat për çdo aplikant dhe duhet të firmoset nga ky i fundit. Për të shkarkuar formularin klikoni në linkun e mëposhtëm:
http://umed.edu.al/wp-content/uploads/2024/07/Formulari-i-aplikimit-per-stafin-akademik-1.docx
Vini re! – Përzgjedhja e kandidatëve fitues do të kryhet nga Komisioni Erasmus+ i Universitetit të Mjekësisë, Tiranë. Lista e fituesve do t’i përcillet Universitetit të Granadës, Spanjë. Komisioni akademik i këtij Universiteti mes kandidatëve fitues të përzgjedhur nga Universiteti i Mjekësisë, Tiranë, do të vendosë se cilët kandidatë do të jenë pjesë e këtij shkëmbimi.
Universiteti i Mjekësisë, Tiranë ju uron suksese në aplikimin tuaj!
