NJOFTIM PËR 1 (NJË) VEND PUNE NË POZICIONIN “KRYESEKRETAR” NË FAKULTETIN E SHKENCAVE MJEKËSORE TEKNIKE, UNIVERSITETI I MJEKËSISË, TIRANË

Mbështetur në ligjin nr. 80/2015, “Për arsimin e lartë dhe kërkimin shkencor në institucionet e arsimit të lartë në Republikën e Shqipërisë”, në Statutin e Universitetit të Mjekësisë, si dhe në Urdhërin e Rektorit Nr.116, datë 06.10.2022, “Kërkesë për fillimin e procedurave të konkurimit për pozicionin e punës personel ndihmës akademik me karakter mësimor “Kryesekretar”, në Fakultetin e Shkencave Mjekësore Teknike, Universiteti i Mjekësisë, Tiranë”.

Kriteret e përzgjedhjes së kandidatëve si edhe dokumentacioni përkatës për personel ndihmës akademik me karakter mësimor me kontratë me afat të pacaktuar në pozicionin e punës “Kryesekretar” në Fakultetin e Shkencave Mjekësore Teknike, Universiteti i Mjekësisë, Tiranë, janë si më poshtë vijon:

Kritere të përgjithshme:

Të jetë shtetas shqiptar me zotësi të plotë për të vepruar;
Të zotërojë gjuhën shqipe të shkruar dhe të folur;
Të zotërojë aftësitë e nevojshme profesionale për vendin e punës për të cilin konkuron;
Të ketë përfunduar Arsimin e Lartë brenda/jashtë vendit, të njohura nga MASR;
Të zotërojë me dëshmi një nga gjuhët e huaja perëndimore (Anglisht, Frengjisht,)
Të mos jetë i dënuar me vendim të formës së prerë të gjykatës për kryerjen e një vepre penale;
Të mos jetë marrë ndonjë masë disiplinore, që nuk është shuar sipas ligjit;
Të jetë në kushte shëndetësore që e lejojnë të kryejë detyrën përkatëse;
Të ketë vlerësime pozitive të eksperiencave të mëparshmne të punës.
Të ketë njohuri të mira të përdorimit të kompjuterit dhe të programit (Microsoft Office Exel) të vërtetuara me dëshmi përkatëse.

Kandidatët konkurentë preferohet të plotësojnë këto kritere të veçanta:

Të ketë përfunduar studimet universitare niveli (Master Shkencor);
Të ketë aftësi të mira organizative, menaxheriale dhe komunikuese;
Të ketë aftësi të punuarit në grup.

Dokumentacioni i kërkuar:

Kandidatët që aplikojnë, duhet të dorëzojnë pranë Zyrës së Protokoll-Arkivës, në Fakultetin e Shkencave Mjekësore Teknike, në Universitetin e Mjekësisë, Tiranë, (Adresa:Rruga e Dibrës, brenda QSU “Nënë Tereza”, Tiranë) dosjen personale (të inventarizuar), me dokumentet si më poshtë:

Kërkesë me shkrim për aplikim;
Jetëshkrimin (CV) sipas formatit standard (europass);
Fotokopje të pasaportës ose kartës së identitetit;
Kopje e noteruar e diplomës/diplomave dhe njehsimin e tyre në MAS (për diplomat e marra jashtë vendit), bashkë me listën e notave;
Kopje e noteruar e librezës së punës (të gjitha faqet që vërtetojnë eksperiencën në punë);
Dokument/Çertifikatë e noteruar që vërteton zotërimin e një gjuhe të huaj;
Kopje e noteruar e dëshmisë së paketës Microsoft Office;
Vërtetim i gjendjes shëndetësore të marrë brenda tre muajve të fundit (raport mjekësor për aftësinë në punë);
Formular vetdeklarimi sipas formës së kërkuar nga ligji nr.138/2015;
Çdo dokumentacion tjetër që vërteton trajnimet, kualifikimet, arsimin shtesë, apo të tjera të përmendura në jetëshkrim;
Vërtetim që nuk ka masë disiplinore, që nuk është shuar sipas ligjit;
Referenca që provojnë vlerësimet pozitive;
Vërtetim i gjendjes gjygjësore (Dëshmi Penaliteti), të marrë brenda (tre muajve të fundit);

Mungesa e një prej dokumentave të kërkuara më sipër, sjell s’kualifikim të kandidatit.

Dokumentacioni i dorëzuar nuk do të kthehet mbrapsht, pasi bëhet pjesë e arkivës së Institucionit.

Afati i dorëzimi të dokumentacionit është 10 (dhjetë) ditë pune nga publikimi në Buletinin e APP-së.

Fusha e njohurive, aftësive dhe cilësitë të cilat do të zhvillohet intervista:

Njohuri mbi ligjin nr. 80/2015 datë 22.07.2015, “Për arsimin e lartë dhe kërkimin shkencor në institucionet e arsimit të lartë në Republikën e Shqipërisë”.
Njohuri mbi Statutin e Universitetit të Mjekësisë, Tiranë.

Mënyra e vlerësimit:

Përzgjedhja e kandidatit fitues do të bëhet nëpërmjet konkurimit me dosje dhe me intervista të drejtëpërdrejta.

Në lidhje me dokumentacionin e dorëzuar kandidatët do të vlerësohen për përvojën, trajnimet apo kualifikimet e lidhura me fushën.

Në lidhje me intervistën e punës kandidatët do të vlerësohen për njohuritë mbi legjislacionin e sipërcituar, aftësitë, kompetencat, eksperiencën e tyre të mëparshme, motivimin, aspiratat si dhe pritshmëritë e tyre për karrierën.

Për çdo paqartësi mund të dërgohet email në adresën info@umed.edu.al

10 October, 2022 |