NJOFTIM PËR PERSONEL AKADEMIK, ME KOHË TË PLOTË, 1 (NJË) VEND, POZICIONI “ASISTENT LEKTOR”, NË DEPARTAMENTIN E LËNDËVE PARA KLINIKE, NË FAKULTETIN E SHKENCAVE MJEKËSORE TEKNIKE, UNIVERSITETI I MJEKËSISË, TIRANË

Mbështetur në ligjin nr. 80/2015, “Për arsimin e lartë dhe kërkimin shkencor në institucionet e arsimit të lartë në Republikën e Shqipërisë”, në Statutin e Universitetit të Mjekësisë, si edhe në Urdhrin e Rektorit Nr. 147 , datë 11.10.2023, “Për miratimin e kritereve për kanditatët për vendin e punës personel akademik me kohë të plotë në Fakultetin e Shkencave Mjekësore Teknike, Universiteti i Mjekësisë, Tiranë ”, shpall konkursin për 1 (një) vend, në pozicionin e punës “Asistent Lektor” me kohë të plotë, në Departamentin e Lëndëve Para Klinike, pranë Fakultetit të Shkencave Mjekësore Teknike, Universiteti i Mjekësisë, Tiranë.

Kandidatët për personel akademik, me kohë të plotë, 1 (një) vend, pozicioni “Asistent Lektor”, në Departamentin e Lëndëve Para Klinike, në Fakultetin e Shkencave Mjekësore Teknike, Universiteti i Mjekësisë, Tiranë, duhet të plotësojnë këto kritere:

Kritere të përgjithshme:

Të jetë shtetas shqiptar me zotësi të plotë për të vepruar;
Të mos jetë i/e dënuar me vendim të formës së prerë të Gjykatës;
Të jetë në kushte shëndetësore që e lejojnë të kryejnë detyrën përkatëse;
Të zotëroj me dëshmi të nivelit C1, të paktën një nga pesë gjuhët e huaja të Bashkimit Evropian, Anglisht, Frëngjisht, Gjermanisht, Italisht, Spanjisht
Të ketë së paku kualifikim të ciklit pasardhës, përkatësisht:
Të jetë diplomuar në Fakultetin e Mjekësisë, dega Mjekësi e Përgjithshme, studime universitare brenda ose jashtë vendit

Kritere specifike:

Të ketë notën mesatare të ponderuar të diplomës Bachelor >9.5;
Të ketë notën mesatare të ponderuar të diplomës Master i Shkencave >9.5;
Të ketë jo më pak se 3 vite eksperiencë profesionale nga përfundimi i ciklit të dytë;
Të ketë liçencën për ushtrimin e profesionit, të lëshuar nga Urdhri i Mjekëve;

Kritere preferenciale:

Të ketë marrë pjesë në veprimtari dhe/ose aktivitete shkencore;
Të ketë përvojë dhe pjesmarrje në projekte kombëtare ose ndërkombëtare;
Të ketë eksperiencë në fushën e mësimdhënies, si pedagog i jashtëm;
Të ketë botime dhe artikuj shkencorë;

Dokumentacioni i kërkuar:

Kandidatët që aplikojnë, duhet të dorëzojnë pranë Zyrës së Protokollit, Fakulteti i Shkencave Mjekësore Teknike, Universiteti i Mjekësisë Tiranë, dosjen personale (të inventarizuar), me dokumentet si më poshtë:

Kërkesë me shkrim për aplikim;
Jetëshkrimin (CV) sipas formatit standard (europass);
Fotokopje të pasaportës ose kartës së identitetit;
Kopje e noteruar e diplomës/diplomave dhe njehsimin e tyre në MAS (për diplomat e marra jashtë vendit), bashkë me listën e notave;
Kopje e noteruar e librezës së punës;
Kopje e noteruar e dëshmisë së njohjes së gjuhës së huaj;
Vërtetim i gjendjes shëndetësore të marrë brenda tre muajve të fundit (raport mjekësor për aftësinë në punë);
Formular vetdeklarimi sipas formës së kërkuar nga ligji nr.138/2015;
Çdo dokumentacion tjetër që vërteton trajnimet, kualifikimet, arsimin shtesë, apo të tjera të përmendura në jetëshkrim;
Vërtetim që nuk ka masë disiplinore, që nuk është shuar sipas ligjit;
Referenca që provojnë vlerësimet pozitive;
Vërtetim i gjendjes gjygjësore (Dëshmi Penaliteti), të marrë brenda (tre muajve të fundit);
Kopje e noterizuar e liçencës për ushtrimin individual të profesionit, lëshuar nga Urdhri i Mjekut.
Dëshmi të pjesëmarrjes në konferenca apo seminare, workshop etj.
Kopje të artikujve, teksteve, revista, projekte shkencore etj;

Mungesa e një prej dokumentave të kërkuara më sipër, sjell skualifikim të kandidatit.

Dokumentacioni i kërkuar nuk do të kthehet mbrapsht, pasi bëhet pjesë e Arkivës së Institucionit.

Afati i dorëzimit të dokumentacionit është 10 ditë pune nga data e shpalljes në Buletinin e APP-së.

Fusha e njohurive, aftësive dhe cilësitë të cilat do të zhvillohet intervista:

Njohuri mbi ligjin nr. 80/2015 datë 22.07.2015, “Për arsimin e lartë dhe kërkimin shkencor në Institucionet e Arsimit të Lartë në Republikën e Shqipërisë”.
Njohuri të akteve ligjore dhe nënligjore në fuqi për fushën e mësimdhënies në institucionet e arsimit të lartë.

Mënyra e vlerësimit:

Përzgjedhja e kandidatit fitues do të bëhet nëpërmjet konkurimit me dosje dhe me intervista të drejtëpërdrejta.

Në lidhje me dokumentacionin e dorëzuar kandidatët do të vlerësohen për përvojën, trajnimet apo kualifikimet e lidhura me fushën.

Në lidhje me intervistën e punës kandidatët do të vlerësohen për njohuritë mbi legjislacionin e sipërcituar, aftësitë, kompetencat, eksperiencën e tyre të mëparshme, motivimin, aspiratat si dhe pritshmëritë e tyre për karrierën.

Vlerësimi do të bëhet sipas formularit të vlerësimit të kandidatëve për personel akademik i miratuar nga Senati Akademik i Universitetit të Mjekësisë, Tiranë, i publikuar në faqen zyrtare www.umed.edu.al

Për çdo paqartësi mund të dërgohet email në adresën info@umed.edu.al

17 October, 2023 |