NJOFTIM PËR POZICIONIN E PUNËS 1(NJË) “LABORANTE” NË DEPARTAMENTIN E LPK, 1(NJË) “LABORANTE” NË DEPARTAMENTIN E DRSHIKOGJ NË FAKULTETIN E SHKENCAVE MJEKËSORE TEKNIKE, NË UNIVERSITETIN E MJEKËSISË, TIRANË

Bazuar në ligjin nr. 80/2015, “Për arsimin e lartë dhe kërkimin shkencor në institucionet  e arsimit të lartë në Republikën e Shqipërisë”, Universiteti i Mjekësisë, Tiranë, në Statutin e Universitetit të Mjekësisë, Tiranë, dhe në urdhërin e Rektorit nr. 27 prot, datë 07. 03. 2022  shpall konkursin për personel ndihmës akademik për pozicionin e punës 1(një) “Laborante” në Departamentin e LPK, 1(një) “Laborante” në Departamentin e DRSHIKOGJ në Fakultetin e Shkencave Mjekësore Teknike, në Universitetin e Mjekësisë, Tiranë.

Kandidatët konkurrentë për personel ndihmës akademik për vendin e punës 1(një) “Laborante” në Departamentin e LPK, 1(një) “Laborante” në Departamentin e DRSHIKOGJ në Fakultetin e Shkencave Mjekësore Teknike, në Universitetin e Mjekësisë, Tiranë duhet të plotësojnë:

Kritere të përgjithshme:

1. Të jetë shtetas shqiptar me zotësi të plotë për të vepruar;
2. Të zotërojë aftësitë e nevojshme profesionale për vendin e punës, për të cilin konkurron;
3. Të ketë përfunduar arsimin e lartë brenda/jashtë vendit, të njohura nga MASR;
4. Të zotërojë me dëshmi një nga gjuhët e huaja perëndimore (Anglisht, Frëngjisht, Spanjisht, Italisht, Gjermanisht);
5. Të mos jetë i dënuar me vendim të formës së prerë të gjykatës për kryerjen e një vepre penale;
6. Të mos jetë marrë masa disiplinore që nuk është shuar sipas ligjit;
7. Të jetë në kushte shëndetësore që e lejojnë të kryejë detyrën përkatëse;
8. Të ketë vlerësime pozitive të përvojave të mëparshme të punës;
9. Të ketë njohuri të përdorimit të programeve bazë kompjuterike.

Kandidatët konkurentë preferohet të plotësojnë edhe këto kritere të veçanta:

1. Të ketë përfunduar studimet universitare minimumi niveli (Bachelor);
2. Preferohet zotërimi i gjuhës angleze;
3. Të ketë arsimim, trajnime apo përvojë pune në fushën sipas pozicionit të kërkuar;
4. Të ketë aftësi të mira organizative dhe komunikuese;
5. Të ketë aftësi të punuarit në grup;

Dokumentacioni i kërkuar:

Kandidatët duhet të dorëzojnë dokumentacionin si më poshtë:

1. Kërkesë me shkrim për aplikim;
2. Jetëshkrim (CV) sipas formatit standard (europass) i përditësuar;
3. Kopje e noterizuar e diplomës/diplomave dhe njehsimet e tyre në MASR (për diplomat e marra jashtë vendit), bashkë me listën e notave të noterizuar (për secilin program përkatës studimit);
4. Kopje e noterizuar e librezës së punës (të gjitha faqet që vërtetojnë eksperiencën në punë, nëse ka qënë i punësuar);
5. Kopje e noterizuar e dëshmisë së njohjes së gjuhës së huaj;
6. Kopje e noterizuar e dëshmisë së njohjes së programeve bazë kompjuterike.
7. Referenca nga punëdhënës të mëparshëm, që provojnë vlerësimet pozitive në punë;
8. Çdo dokument tjetër që vërteton trajnimet, kualifikimet, arsimin shtesë apo të tjera të përmendura në jetëshkrim dhe në mbështetje të kritereve;
9. Vërtetim nga punëdhënësi që nuk ka masë disiplinore me fuqi;
10. Fotokopje të pasaportës ose kartës së identitetit;
11. Vërtetim i gjendjes shëndetësore të marrë brenda tri muajve të fundit (raport mjekësor për aftësinë në punë);
12. Formular vetëdeklarim sipas formës së kërkuar nga ligji138/2015”Për garantimin e integritetit të personave që zgjidhen, emërohen, ose ushtroijnë funksione publike”;
13. Vërtetim i gjendjes gjyqësore (dëshmi penaliteti) të marrë brenda tri muajve të fundit

Mungesa e një prej dokumentacioneve të kërkuara më sipër, sjell s’kualifikim të kandidatit.

Dokumentacioni i dorëzuar nuk do të kthehet mbrapsht, pasi bëhet pjesë e arkivës së Institucionit.

 Kandidatët e interesuar, duhet të dorëzojnë dokumentacionin e kërkuar në Sektorin e Protokoll Arkivës, në Fakultetin e Shkencave Mjekësore Teknike, në Universitetin e Mjekësisë, Tiranë (Adresa: Rruga e Dibrës, Brenda QSUT “Nënë Tereza” Tiranë)

Afati i dorëzimit të dokumentacionit: 10 ditë pune me datën e shpalljes në buletinin e APP-së

Fusha e njohurive, aftësive dhe cilësitë të cilat do të zhvillohet intervista:

• Njohuri mbi ligjin nr. 80/2015, datë 22.07.2015 “Për arsimin e lartë dhe kërkimin shkencor në IAL në RSH”;
• Njohuri mbi aktet nënligjore të arsimit të lartë

Mënyra e vlerësimit:

Përzgjedhja e kandidatit fitues do të bëhet nëpërmjet konkurimit me dosje dhe me intervista të drejtpërdrejta.

Në lidhje me dokumentacionin e dorëzuar kandidatët do të vlerësohen për përvojën, trajnimet apo kualifikimet e lidhura me fushën.

Në lidhje me intervistën e punës kandidatët do të vlerësohen për njohuritë mbi legjislacionin e sipërcituar, aftësitë, kompetencat, eksperiencën e tyre të mëparshme, motivimin, aspiratat si dhe pritshmëritë e tyre për karrierën.

Për çdo paqartësi mund të dërgohet email në adresën info@umed.edu.al