MUNDËSI PJESËMARRJE NË KONFERENCËN E 1-rë NDËRKOMBËTARE MBI VLERËSIMIN E RISKUT TË PRODUKTEVE FARMACEUTIKE NË MJEDIS
Universiteti i Mjekësisë, Tiranë informon studiuesit e interesuar të fushave të Farmacisë dhe të Shëndetit Publik mbi mundësinë e pjesëmarrjes në Konferencën e 1-rë Ndërkombëtare mbi Vlerësimin e Riskut të Produkteve Farmaceutike në Mjedis (1st International Conference on Risk Assessment of Pharmaceuticals in the Environment (ICRAPHE 2016)), që organizohet nga Akademia Franceze e Shkencave Farmaceutike, në datat 8-9 Shtator 2016, pranë godinës historike “Les Cordeliers” të Fakultetit të Mjekësisë të Universitetit “Decartes” të Parisit, në Paris, Francë. Në këtë event do të mblidhen studiues nga e gjithë bota, të cilët do të sintetizojnë të dhënat më të fundit të shkencës për të identifikuar, matur dhe menaxhuar rreziqet mjedisore dhe shëndetësore që dalin nga mbetjet farmaceutike në mjedis.
Akademia Franceze e Shkencave Farmaceutike është një institucion i pavarur që është themeluar në vitin 1803 dhe është i orientuar në të gjetjet shkencore dhe profesionale. Akademia është e përbërë prej rreth 500 anëtarëve shkencëtarët dhe profesionistët të zgjedhur nga kolegët e tyre, kryesisht nga profesionet farmaceutike.
FUSHAT E PREZANTIMIT NË KONFERENCË JANË:
Ekotoksikologjia, Shëndeti Publik, Ndotja e Tokës, Mbetjet Bujqësore dhe Menaxhimi i Strategjive mbi Ujin e Pijshëm dhe Ujërat e Zeza.
Për informacione të mëtejshme, mund të konsultoni websitin zyrtar të Forumit në linkun e mëposhtëm:
http://www.icraphe.com/en/programme
http://www.icraphe.com/en/registration-accommodation
http://www.icraphe.com/en/practical-information
REKTORATI I UNIVERSITETIT TË MJEKËSISË, TIRANË
Publikuar më 28.07.2016
