NJOFTIM-KRITERET E PUNËSIMIT PËR VEND PUNE, “PERSONEL AKADEMIK ME KONTRATË 1-VJEÇARE” NË UNIVERSITETIN E MJEKËSISË, TIRANË

Bazuar në ligjin nr. 80/2015, “Për arsimin e lartë dhe kërkimin shkencor në institucionet e arsimit të lartë në Republikën e Shqipërisë”, Universiteti i Mjekësisë, Tiranë, shpall konkursin për pozicionin “Personel akademik me kontratë 1-vjeçare nga kategoria”Asistent Lektor“per Lëndët Paraklinike,në Departamentin e Kirurgjisë OMF&Paraklinike,të Fakultetit të Mjekësisë Dentare.

A.Kriteret

Kandidatët për Personel Akademik me kontratë 1-vjeçare nga kategoria “Asistent Lektor”per Lëndët Paraklinike , në Departamentin e Kirurgjise OMF&Paraklinike të Fakultetit të Mjekësisë Dentare duhet të plotësojnë këto kritere:

Kritere të përgjithshme:

Të ketë shtetësi shqiptare me zotësi të plotë për të vepruar;
Te jetë diplomuar në “Master i Shkencave ne Stomatologji” brenda ose jashtë vendit;
Të zoterojë aftesitë e nevojshme profesionale për vendin e punës për të cilin konkuron;
Të zotërojë me dëshmi një gjuhë të huaj të BE (Anglisht, Frengjisht, Gjermanisht, Italisht, Spanjisht);
Të zotëroj gjuhën shqipe, të shkruar dhe të folur;
Të jetë në kushte shëndetësore që e lejojnë të kryejë detyrën përkatëse;
Të mos jetë i dënuar me vendim të formës së prerë nga Gjykata per kryerjen e nje vepre penale.

Kritere specifike:

Të ketë notën mesatare te ponderuar te diplomes Master I Shkencave ne Stomatologji baras/mbi 9.5;
Të ketë marrë gradën shkencore Doktor;
Të ketë jo më pak se 5 vite eksperiencë profesionale nga perfundimi I studimeve;
Të ketë liçencë nga Urdhëri I Stomatologut në specialitetin përkates;
Preferohen kandidatë që kane mbi 3 vjet eksperience ne mesimdhenie;
Të ketë publikime në revista shkencore dhe pjesëmarrje në aktivitete shkencore brenda dhe jashtë vendit;
Të ketë kualifikime kombëtare dhe ndërkombëtare;
Të kenë aftësi të mira komunikuese.

Dokumentacioni i kërkuar

Kandidatët që aplikojnë, duhet të dorëzojnë pranë Zyrës së Protokollit, në Fakultetin e Mjekësisë Dentare, dosjen personale ( të inventarizuar), me dokumentat si më poshtë:

Kërkesë me shkrim për aplikim;
Jetëshkrimin (CV) sipas formatit standard (europass);
Fotokopje të pasaportës ose kartës së identitetit;
Kopje e noterizuar e diplomës/diplomave dhe njëhsimin e tyre në MAS (për diplomat e marra jashtë vendit), bashkë me listën e notave të noterizuara (për secilin program përkatës studimi);
Dëshmi të kualifikimeve pasuniversitare ose të gradave dhe titujve (fotokopje të noteruara). Për diplomat master ose PhD të marra në universitetet e huaja, duhet të dorëzohet fotokopje e noteruar e çertifikatës së njohjes nga organi kompetent ose vërtetim që janë në proçes njohje.
Kopje e noterizuar e liçencës për ushtrimin individual të profesionit, lëshuar nga Urdhri i Mjekëve.
Dëshmi të pjesëmarrjes në konferenca apo seminare etj.
Çdo dokumentacon tjetër që vërteton trajnimet,arsimin shtesë,vlerësimet positive apo të tjera të përmendura në jetëshkrimin tuaj;
Të paktën dy referenca nga profesorë;
Kopje e noterizuar e librezës së punës (të gjitha faqet që vërtetojnë eksperiencën në punë);
Kopje e noterizuar e dëshmisë së njohjes së gjuhës së huaj;
Kopje të artikujve, teksteve, revista, projekte shkencore etj;
Vërtetim i gjendjes shëndetësore të marrë brenda tre muajve të fundit (raport mjekësor për aftësinë në punë);
Formular vetdeklarimi sipas formës së kerkuar nga ligji nr.138/2015;
Vërtetim I Gjendjes Gjygjesore(Dëshmi Penaliteti të marrë brenda tre muajve të fundit);

Afati i dorëzimit të dokumentacionit: 21.12.2020 – 06.01.2021(10 ditë pune)

Fusha e njohurive, aftësive dhe cilësitë të cilat do të zhvillohet intervista:

Njohuri mbi ligjin nr. 80/2015 datë 22.07.2015, “Për arsimin e lartë dhe kërkimin shkencor në institucionet e arsimit të lartë në Republikën e Shqipërisë”.
Njohuri të akteve ligjore dhe nënligjore në fuqi për fushën e mësimëdhënies në institucionet e arsimit të lartë.

Mënyra e vlerësimit:

Përzgjedhja e kandidatit fitues do të bëhet nëpërmjët konkurimit me dosje dhe me intervista të drejtëpërdrejta.

Në lidhje me dokumentacionin e dorëzuar kandidatët do të vlerësohen për përvojën, trajnimet apo kualifikimet e lidhura me fushën.

Në lidhje me intervistën e punës kandidatët do të vlerësohen për njohuritë mbi legjislacionin e sipërcituar, aftësitë, kompetencat, eksperiencën e tyre të mëparshme, motivimin, aspiratat si dhe pritshmëritë e tyre për karrierën.

Vlerësimi do të bëhet sipas formularit të vlerësimit të kandidatëve për personel akademik i miratuar nga Senati Akademik i Universitetit të Mjekësisë, Tiranë, i publikuar në faqen zyrtare www.umed.edu.al

Për çdo paqartësi mund të dërgohet email në adresën info@umed.edu.al

21 December, 2020 |