NJOFTIM PËR PUNËSIM NË POZICIONIN “PËRGJEGJËS” NË SEKTORIN E PROJEKTEVE DHE ZHVILLIMIT PROFESIONAL PRANË DREJTORISË SË KËRKIMIT, PROMOVIMIT AKADEMIK DHE KOMUNIKIMIT NË REKTORATIN E UNIVERSITETIT TË MJEKËSISË, TIRANË

Mbështetur në ligjin nr. 80/2015, “Për arsimin e lartë dhe kërkimin shkencor në institucionet e arsimit të lartë në Republikën e Shqipërisë”, në Statutin e Universitetit të Mjekësisë, si dhe në Urdhërin nr. 142, datë 10.12.2021 “Përcillen kriteret për pozicionin vakant të punës personel ndihmës akademik me kontratë me afat të pacaktuar “Përgjegjës” në Sektorin e Projekteve dhe Zhvillimit Profesional pranë Drejtorisë së Kërkimit, Promovimit Akademik dhe Komunikimit në Rektoratin e Universitetit të Mjekësisë, Tiranë.

Kriteret e përzgjedhjes së kandidatëve si edhe dokumentacioni përkatës për personel ndihmës akademik me kontratë me afat të pacaktuar në pozicionin “Përgjegjës” në Sektorin e Projekteve dhe Zhvillimit Profesional pranë Drejtorisë së Kërkimit, Promovimit Akademik dhe Komunikimit në Rektoratin e Universitetit të Mjekësisë, Tiranë, janë si më poshtë vijon:

Kriteret:

Të zotërojë diplomë të nivelit Master i Shkencave ose ekuivalente me të (DIND), të fituar në Universitetet e Republikës së Shqipërisë ose diplomë të fituar në universitete të huaja të njohura nga MASR;
Të ketë experiencë pune në fushën e projekteve dhe menaxhimin e tyre, eksperienca e punës në institucionet e arsimit të lartë vendas apo të huaj përbën avantazh;
Të ketë njohuri të mira të paketës Microsoft Office;
Të zotërojë një nga gjuhët e huaja perëndimore (Anglisht, Frengjisht, Spanjisht, Italisht,Gjermanisht)
Të jetë shtetas shqiptar me zotësi të plotë për të vepruar;
Të zotërojë gjuhën shqipe të shkruar dhe të folur;
Të zotërojë aftësitë e nevojshme profesionale për vendin e punës për të cilin konkuron;
Të mos jetë i dënuar me vendim të formës së prerë të gjykatës për kryerjen e një vepre penale;
Të jetë në kushte shëndetësore që e lejojnë të kryejë detyrën përkatëse;
Ndaj tij të mos jetë marrë ndonjë masë disiplinore, që nuk është shuar sipas ligjit;

Dokumentacioni i kërkuar

Kandidatët që aplikojnë, duhet të dorëzojnë pranë Zyrës së Protokoll-Arkivës, në Rektoratin e Mjekësisë, pranë UMT-së, dosjen personale (të inventarizuar), me dokumentet si më poshtë:

Kërkesë me shkrim për aplikim;
Jetëshkrimin (CV) sipas formatit standard (europass);
Fotokopje të pasaportës ose kartës së identitetit;
Kopje e noteruar e diplomës/diplomave dhe njehsimin e tyre në MAS (për diplomat e marra jashtë vendit), bashkë me listën e notave;
Kopje e noteruar e librezës së punës (të gjitha faqet që vërtetojnë eksperiencën në punë);
Dokument/Çertifikatë e noteruar që vërteton zotërimin e një gjuhe të huaj;
Kopje e noteruar e dëshmisë së paketës Microsoft Office;
Vërtetim i gjendjes shëndetësore të marrë brenda tre muajve të fundit (raport mjekësor për aftësinë në punë);
Formular vetdeklarimi sipas formës së kërkuar nga ligji nr.138/2015;
Çdo dokumentacion tjetër që vërteton trajnimet, kualifikimet, arsimin shtesë, apo të tjera të përmendura në jetëshkrim;
Vërtetim që nuk ka masë disiplinore, që nuk është shuar sipas ligjit;
Referenca që provojnë vlerësimet pozitive;
Vërtetim i gjendjes gjygjësore (Dëshmi Penaliteti), të marrë brenda (tre muajve të fundit);

Mungesa e një prej dokumentave të kërkuara më sipër, sjell skualifikim të kandidatit.

Dokumentacioni i dorëzuar nuk do të kthehet mbrapsht, pasi bëhet pjesë e arkivës së Institucionit.

Afati i dorëzimi të dokumentacionit është 10 (dhjetë) ditë pune nga publikimi në Buletinin e APP-së.

Fusha e njohurive, aftësive dhe cilësitë të cilat do të zhvillohet intervista:

Njohuri mbi ligjin nr. 80/2015 datë 22.07.2015, “Për arsimin e lartë dhe kërkimin shkencor në institucionet e arsimit të lartë në Republikën e Shqipërisë”.
Njohuri mbi Statutin e Universitetit të Mjekësisë, Tiranë.
Njohuri mbi funksionimin dhe menaxhimin e projekteve.

Mënyra e vlerësimit:

Përzgjedhja e kandidatit fitues do të bëhet nëpërmjet konkurimit me dosje dhe me intervista të drejtëpërdrejta.

Në lidhje me dokumentacionin e dorëzuar kandidatët do të vlerësohen për përvojën, trajnimet apo kualifikimet e lidhura me fushën.

Në lidhje me intervistën e punës kandidatët do të vlerësohen për njohuritë mbi legjislacionin e sipërcituar, aftësitë, kompetencat, eksperiencën e tyre të mëparshme, motivimin, aspiratat si dhe pritshmëritë e tyre për karrierën.

Vlerësimi do të bëhet sipas formularit të vlerësimit të kandidatëve për personel akademik i miratuar nga Senati Akademik i Universitetit të Mjekësisë, Tiranë, i publikuar në faqen zyrtare www.umed.edu.al

Për çdo paqartësi mund të dërgohet email në adresën info@umed.edu.al

20 December, 2021 |