Mbështetur në ligjin nr. 80/2015 “Për arsimin e lartë dhe kërkimin shkencor në institucionet e arsimit të lartë në Republikën e Shqipërisë”, neni 67; në Statutin e UMT-së, neni 79; në Rregulloren e UMT-së, nenet 59 dhe 60; në Vendimin e Bordit të Administrimit nr. 63, datë 08.10.2021 “Për miratimin e kritereve të punësimit të personelit administrativ të UMT-së”, i ndryshuar, si edhe në Urdhrin e Administratorit të UMT-së nr.36, datë 11.03.2025 “Për fillimin e procedurës së punësimit për 1 (një) vend vakant në pozicionin e punës “Specialist Finance” personel administrativ në Fakultetin e Shkencave Mjekësore Teknike, Universiteti i Mjekësisë, Tiranë.
Kandidatët për “Specialist Finance”, personel administrativ me kohë të plotë, në Fakultetin e Shkencave Mjekësore Teknike, Universiteti i Mjekësisë, Tiranë, duhet të plotësojnë këto kritere:
Përshkrimi përgjithësues i punës:
• Ndjek dhe zbaton të gjitha procedurat të lidhura me veprimetqë gjenerojnë shpenzimet dhe të ardhurat dhe garantonpërputhshmëri me ligjin.
• Ndjek dhe kryen regjistrimet në librat e llogarisë të të gjitha veprimeve që lidhen me të ardhurat.
• Ndjek dhe kryen regjistrimet në librat e llogarisë të të gjithaveprimeve që lidhen me shpenzimet e njësisë kryesore.
• Regjistron në bazë të dokumentacionit, të gjitha veprimet ekonomike financiare në mënyrë kronologjike dhe sistematike në regjistrat kontabël, ditarë: (ditari i shpenzimeve, ditari i bankës, ditari i magazinës, ditari Transcripts of records for previous levels of study, notarised and translated into Englishpagave, ditari Transcripts of records for previous levels of study, notarised and translated into English veprimeve të ndryshme).
• Përgatit e përpilon situacionet e raportimit të të ardhurave dhe shpenzimeve si njësi, si dhe tabelat e raportimitprogresiv, periodikisht çdo 4-mujor.
• Mban dhe përditëson në mënyrë kronologjike gjendjen e Aktiveve të Qendrueshme, kartelat e AQT-ve në përdorim(zyre dhe çdo punonjës) për njësinë kryesore si dhe llogaritamortizimin e tyre.
• Mban, përditëson dhe kontabilizon të gjitha veprimet e magazinës dhe pergatit raportet mujore të gjendjes.
• Mban, përditëson dhe kontabilizon të gjitha veprimet e pagave të punonjësve dhe të gjitha detyrimet që rrjedhin prej tyre (sig. shoqërore, pensionet etj).
• Raporton për punën e kryer dhe problemet e konstatuara përpara kryetarit të degës.
• Realizon çdo detyrë tjetër të ngarkuar nga eprorët.
• Detyrat e tjera janë specifikuar në rregulloren e përgjithshme.
Kriteret e përzgjedhjes së kandidatëve si dhe dokumentacioni përkatës për pozicionin e punës “Specialist Finance”,personel administrativ në Fakultetin e Shkencave Mjekësore Teknike, janë si më poshtë:
Kritere:
• Të zotërojnë diplomë në Shkenca Ekonomike, të ciklit të parë të studimeve “Bachelor”, ose të ciklit të dytë të studimeve“Master Profesional” ose “Master i Shkencave”.
• Të ketë 1 (një) vit eksperiencë pune në profesion;
• Të ketë aftësi të mira kompjuterike, njohja e programeve bazë;
• Njohuri të gjuhës së huaj anglisht, dhe/ose ndonjë gjuhë tjetër;
Kushtet:
• Të ketë zotësi të plotë për të vepruar;
• Të jetë në kushte shëndetësore që e lejojnë të kryejë detyrën përkatëse;
• Të mos jetë dënuar me vendim të formës së prerë të gjykatës për kryerjen e një vepre penale me dashje;
• Ndaj tij/saj të mos jetë marrë ndonjë masë disiplinore, për largimin nga detyra dhe që nuk është shuar sipas ligjit.
Kërkesat e përgjithshme që duhet të plotësojë kandidati janë:
• Të jetë shtetas shqiptar;
• Të plotësojë kërkesat e posaçme për nivelin e arsimit, përvojës dhe kërkesave të tjera të posaçme për kategorinë, klasën, grupin dhe pozicionin përkatës;
• Të ketë vlerësime pozitive të përvojave të mëparshme të punës;
• Të zotërojë gjuhën shqipe të shkruar e të folur.
Dokumentacioni i kërkuar:
Kandidatët që aplikojnë, duhet të dorëzojnë pranë Zyrës së Protokollit në Rektoratin e Universitetit të Mjekësisë, Tiranë, dosjen personale (të inventarizuar) me dokumentet si më poshtë:
1. Kërkesë me shkrim për aplikim;
2. Jetëshkrimin (CV) sipas formatit standard (europass);
3. Fotokopje të pasaportës ose kartës së identitetit;
4. Kopje e noterizuar e diplomës/diplomave dhe njehsimin e tyre në MAS (për diplomat e marra jashtë vendit), bashkë me listën e notave të noterizuara (për ciklet përkatëse të studimit);
5. Kopje e noterizuar e librezës së punës (të gjitha faqet që vërtetojnë eksperiencën në punë)
6. Vërtetim i gjendjes shëndetësore të marrë brenda tre muajve të fundit (raport mjekësor për aftësinë në punë);
7. Vërtetim i Gjendjes Gjyqësore (Dëshmi Penaliteti të marrë brenda tre muajve të fundit).
8. Formular vetëdeklarimi kërkuar nga ligji nr.138/2015;
9. Vërtetim nga punëdhënës të mëparshëm, që nuk ka masë disiplinore në fuqi;
10. Dëshmi të njohjes së gjuhës së huaj të noterizuar;
11. Certifikatë/Dëshmi të noterizuar që vërtetojnë njohuritë kompjuterike në programet bazë;
12. Dokument tjetër që vërteton trajnimet, kualifikimet, arsimin shtesë, apo të tjera të përmendura në jetëshkrimin tuaj;
13. Referenca nga punëdhënës të mëparshëm, që provojnë vlerësimet pozitive në punë.
Mungesa e një prej dokumenteve të kërkuara më sipër, sjell skualifikim të kandidatit. Dokumentacioni i dorëzuar nuk do të kthehet mbrapsht, pasi bëhet pjesë e arkivës së Institucionit.
Afati i dorëzimi të dokumentacionit është 15 (pesëmbëdhjetë) ditë kalendarike duke filluar nga dita e shpalljes në Buletinin e APP-së.
Fusha e njohurive, aftësive dhe cilësitë të cilat do të zhvillohet intervista:
− Njohuri mbi ligjin nr. 80/2015 datë 22.07.2015, “Për arsimin e lartë dhe kërkimin shkencor në institucionet e arsimit të lartë në Republikën e Shqipërisë”;
− Njohuri mbi ligjin nr. 10296, datë 08.07.2010, “Për menaxhimin financiar dhe kontrollin”, i ndryshuar;
− Njohuri mbi ligjin nr. 9936, datë 26.6.2008, “Për menaxhimin e sistemit buxhetor në Republikën e Shqipërisë”, i ndryshuar;
− Njohuri mbi ligjin nr. 44/2015, “Kodi i procedurave administrative i Republikës së Shqipërisë”;
− Njohuri të akteve nënligjore në fuqi në fushën e arsimit të lartë, procedurave administrative, prokurimit publik dhe buxhetit.
Mënyra e vlerësimit:
Përzgjedhja e kandidatit fitues do të bëhet nëpërmjet konkurrimit me dosje dhe me intervista të drejtpërdrejta. Në lidhje me dokumentacionin e dorëzuar, kandidatët do të vlerësohen për përvojën, trajnimet apo kualifikimet e lidhura me fushën. Në lidhje me intervistën e punës kandidatët do të vlerësohen për njohuritë mbi legjislacionin e sipërcituar, aftësitë, kompetencat, eksperiencën e tyre të mëparshme, motivimin, aspiratat si dhe pritshmëritë e tyre për karrierën.
Për çdo paqartësi mund të kontaktoni në adresën info@umed.edu.al