Shkenca, kërkimi dhe inovacioni në shërbim të pacientëve me sëmundje neuroimunologjike ishin në fokus të konferencës kombëtare “AMSA MS Day Albania 2026”, e organizuar nga Shoqata AMSA dhe e mbështetur nga Universiteti i Mjekësisë, Tiranë!
Ky aktivitet mblodhi së bashku neurologë, profesionistë të shëndetësisë, pedagogë, studiues dhe studentë, të cilët diskutuan mbi zhvillimet më të fundit në diagnozën, trajtimin dhe ndjekjen e pacientëve me Sklerozë Multiple dhe sëmundje të tjera neuroimunologjike.
Në ceremoninë e hapjes, Universiteti i Mjekësisë, Tiranë, u përfaqësua nga Prof. Dr. Ilirjana Klironomi Bakalli, e cila në fjalën e saj përshëndetëse vlerësoi rëndësinë e aktiviteteve të tilla shkencore në avancimin e njohurive mjekësore dhe forcimin e bashkëpunimit ndërdisiplinor në fushën e neuroimunologjisë.
Prof. Dr. Ilirjana Klironomi Bakalli theksoi se Universiteti i Mjekësisë, Tiranë mbetet i përkushtuar në mbështetjen e kërkimit shkencor, edukimit të vazhdueshëm profesional dhe promovimit të inovacionit në shërbim të përmirësimit të kujdesit ndaj pacientëve.
Konferenca shërbeu si një platformë e rëndësishme për shkëmbimin e eksperiencave profesionale dhe prezantimin e risive bashkëkohore në neurologji dhe neuroimunologji, duke kontribuar në forcimin e bashkëpunimit akademik dhe klinik në vend.
English (UK) 
Shqip