Në ditën botërore të gruas shuhet një grua, një nënë dhe një mjeke. Ky trinom i shenjtë në mjekësinë shqiptare mban emrin e Dr. Narina Sulçebe. Një emër i përveçëm në kujtesën e Qendrës Spitalore Universitare ”Nene Tereza” në Shërbimin e Otorinolaringologjisë.
Kontributi i saj i çmuar ngriti Shërbimin e Vestibulometrisë, duke e shenjuar si mjeken e parë që vendosi diagnozën e çrregullimeve vestibulare, duke u bazuar mbi mjetet moderne të diagnozës. Përmes kontributit akademik pranë Fakultetit të Mjekësisë, Dr. Narina Sulçebe do të përgatiste, breza specialistësh, të cilët, do të vazhdonin rrugën e nisur prej saj.
Dr. Narina Sulçebe ka qenë Kryetare e Shoqatës së Mjekëve ORL, përgjatë një dekade dhe e ka identifikuar këtë shoqatë në kontekst ndërkombëtar me Shoqatat analoge në botë.
Trinomi i Narina Sulçebe do të mbetet një kujtim në historinë e Mjekësisë Shqiptare, tek i cili, do të rikthehemi shpesh.
Universiteti i Mjekësisë shpreh ngushëllimet për familjarët, të afërmit, koleget dhe miqtë e saj.
English (UK) 
Shqip