Më 22 qershor 2026 u zhvillua Konferenca e 4-t Ndërkombëtare për Shëndetin Publik dhe Mjedisin (ICPHE 2026), një aktivitet i rëndësishëm shkencor që mblodhi studiues, akademikë, ekspertë dhe profesionistë nga fusha të ndryshme të shëndetit publik, mjedisit, biologjisë dhe shkencave mjekësore.Konferenca u organizua nga Akademia e Shkencave e Shqipërisë në bashkëpunim me George Mason University (SHBA) dhe Collegium Ramazzini (Itali), duke krijuar një platformë të rëndësishme për shkëmbimin e njohurive, prezantimin e rezultateve më të fundit shkencore dhe forcimin e bashkëpunimit akademik ndërkombëtar.
Rektori i Universitetit të Mjekësisë, Tiranë, Prof. Dr. Xheladin Draçini, në fjalën e tij përshëndetëse theksoi rëndësinë e konferencave shkencore ndërkombëtare në promovimin e kërkimit shkencor, inovacionit dhe shkëmbimit të përvojave akademike. Ai vlerësoi kontributin e studiuesve dhe ekspertëve pjesëmarrës, duke nënvizuar se sfidat që lidhen me shëndetin publik dhe mjedisin kërkojnë bashkëpunim të ngushtë ndërinstitucional dhe zgjidhje të mbështetura në evidencë shkencore.
Gjatë konferencës u prezantuan punime shkencore dhe u zhvilluan diskutime mbi çështje aktuale të shëndetit publik, mbrojtjes së mjedisit dhe zhvillimit të qëndrueshëm, duke ofruar rekomandime dhe perspektiva të reja për kërkimin dhe politikat në këto fusha.
Shqip 
English (UK)