Në Universitetin e Mjekësisë, Tiranë u zhvillua një leksion i hapur nga Prof. İbrahim Eker, pedagog pranë University of Health Sciences of Afyonkarahisar.
Rektori i Universitetit të Mjekësisë, Tiranë, Prof. Dr. Xheladin Draçini, në fjalën e tij përshëndetëse, vlerësoi rëndësinë e bashkëpunimit akademik ndërkombëtar dhe të shkëmbimit të njohurive e përvojave ndërmjet institucioneve universitare.
Gjatë leksionit u trajtuan aspekte të rëndësishme të ndërtimit të kapaciteteve për transplantin pediatrik të qelizave staminale hematopoietike, me fokus te kujdesi i orientuar drejt familjes, ndjekja afatgjatë dhe mbijetesa, të dhënat dhe regjistrat, treguesit kryesorë, si dhe zbatimi i strukturuar në nivel kombëtar.
Gjatë aktivitetit u krijua një hapësirë për shkëmbimin e njohurive, përvojave dhe perspektivave akademike, duke nxitur dialogun dhe ndërveprimin me studentët dhe stafin akademik të Universitetit të Mjekësisë, Tiranë.
Aktiviteti u zhvillua në kuadër të Programit Erasmus+, duke kontribuar në forcimin e mobilitetit akademik dhe bashkëpunimit ndërkombëtar.
Shkëmbim njohurish, përvojash dhe mundësish për bashkëpunim të mëtejshëm akademik.
Shqip 
English (UK)