Bazuar në Ligjin nr. 80/2015 “On higher education and scientific research in higher education institutions in the Republic of Albania,” Statutin dhe Rregulloren e Universitetit të Mjekësisë, Tiranë, të ndryshuar, si dhe në Urdhrin e Rektorit të UMT-së nr. 137, datë 08.10.2026 “Për miratimin e kritereve dhe fillimin procedurës së punësimit për pozicionin e punës personel ndihmës akademik me karakter administrativ në Universitetin e Mjekësisë, Tiranë”, shpallet konkursi për 1 (një) vend të lirë pune “Drejtor” në Drejtorinë e Burimeve Njerëzore dhe Protokoll-Arkivës, Universiteti i Mjekësisë, Tiranë me përcaktimet si më poshtë:
- Kritere të përgjithshme:
- Të jetë shtetas shqiptar me zotësi të plotë për të vepruar;
- Të zotërojë gjuhën shqipe të shkruar dhe të folur;
- Të zotërojë diplomë të nivelit “Master i Shkencave” ose ekuivalente me të (DIND) në shkenca juridike ose ekonomike;
- Të ketë eksperiencë pune jo më pak se 5 (pesë) vite në institucionet publike;
- Të ketë njohuri të mira të njohjes së programeve bazë kompjuterike;
- Të zotërojë me dëshmi një nga gjuhët e huaja perëndimore (Anglisht, Frëngjisht, Spanjisht, Italisht, Gjermanisht);
- Të zotërojë aftësitë e nevojshme profesionale për vendin e punës, për të cilin konkurron;
- Të mos jetë i dënuar me vendim të formës së prerë të gjykatës për kryerjen e një vepre penale;
- Të jetë në kushte shëndetësore që e lejojnë të kryejë detyrën përkatëse;
- Të ketë aftësi të mira në menaxhimit të punës në grup;
- Ndaj tij/saj të mos jetë marrë ndonjë masë disiplinore, që nuk është shuar sipas ligjit;
- Të ketë eksperiencë pune në struktura të Burimeve Njerëzore në institucione publike.
- Dokumentacioni i kërkuar:
1. Kërkesë me shkrim për aplikim;
2. Jetëshkrimin (CV) sipas formatit standard (europass) i përditësuar;
3. Fotokopje të pasaportës ose kartës së identitetit;
4. Kopje e noterizuar e diplomës/diplomave dhe njehsimet e tyre në MA (për diplomat e marra jashtë vendit), bashkë me listën e notave të noterizuara (për secilin program përkatës studimi);
5. Kopje e noterizuar e librezës së punës (të gjitha faqet që vërtetojnë eksperiencën në punë);
6. Kopje e noterizuar e dëshmisë së njohjes së gjuhës së huaj;
7. Kopje e noterizuar e dëshmisë së njohjes së programeve bazë kompjuterike;
8. Vërtetim i gjendjes shëndetësore të marrë brenda 3 (tri) muajve të fundit nga data e aplikimit (raport mjekësor për aftësinë në punë);
9. Dëshmi penaliteti të marrë brenda 3 (tri) muajve të fundit nga data e aplikimit;
10. Formular vetëdeklarimi sipas formës së kërkuar nga ligji nr. 138/2015 “Për garantimin e integritetit të personave që zgjidhen, emërohen, ose ushtrojnë funksione publike”;
11. Referenca nga punëdhënës të mëparshëm, që provojnë vlerësimet pozitive në punë;
12. Vërtetim nga punëdhënësi i fundit në kohë, që nuk ka masë disiplinore në fuqi;
13. Çdo dokumentacion tjetër që vërteton trajnimet, kualifikimet, arsimin shtesë, apo të tjera të përmendura në jetëshkrim.
- Dorëzimi i dokumentacionit dhe afati i dorëzimit :
Kandidatët e interesuar, duhet të dorëzojnë dokumentacionin e kërkuar (të inventarizuar), sipas përcaktimeve të mësipërme, në Zyrën e Protokoll Arkivës të Universitetit të Mjekësisë, Tiranë (Adresa: Rruga e Dibrës, Nr.371, 1005, Tiranë).
Mosdorëzimi i dokumentacionit të plotë të kërkuar më sipër apo dorëzimi jo në formën e specifikuar, sjell skualifikim të kandidatit.
Afati i aplikimit dhe dorëzimit të dokumentacionit nga kandidatët është brenda 15 (pesëmbëdhjetë) ditëve nga shpallja e njoftimit në buletinin e APP-së.
- Fusha e njohurive për të cilat do të zhvillohet intervista:
- Njohuri mbi ligjin nr. 80/2015 datë 22.07.2015, “on higher education and scientific research in higher education institutions in the Republic of Albania.”;
- Njohuri mbi aktet ligjore e nënligjore të cilat rregullojnë fushën e veprimtarisë së strukturave të Burimeve Njerëzore;
- Njohuri mbi Statutin e Universitetit të Mjekësisë, Tiranë;
- Njohuri mbi praktika administrative.
- Mënyra e vlerësimit:
Në lidhje me dokumentacionin e dorëzuar kandidatët do të vlerësohen për arsimimin, përvojën, trajnimet apo kualifikimet e lidhura me fushën.
Në lidhje me intervistën e punës kandidatët do të vlerësohen për njohuritë, aftësitë, kompetencën në lidhje me motivimin, aspiratat dhe pritshmëritë e tyre për karrierën dhe pozicionin e punës për të cilin kanë aplikuar.
Përzgjedhja e kandidatit fitues do të bëhet nëpërmjet konkurrimit me dosje dhe me intervista të drejtpërdrejta.
Për çdo paqartësi kandidatët mund të dërgojnë email në adresën info@umed.edu.al
English (UK) 
Shqip