Në kuadër të promovimit të Programeve të Shkëmbimit "Erasmus Mundus", informojmë studentët, doktorantët dhe stafin akademik të Universitetit të Mjekësisë, Tiranë (UMT), të interesuar rreth procedurës së shkëmbimeve, se po afrohet afati i mbylljes së aplikimeve për Programin e Shkëmbimit "ERA-WEB".

"ERA-WEB" është një mundësi unike për një karrierë ndërkombëtare kërkimore në fushat e mjekësisë dhe shkencat e shëndetit!

"ERA-WEB" është Programi i Rrjetit Evropian të Universiteteve që ofrojnë studime mjekësore, i cili ofron bursa studimi për shkëmbime akademike ndërmjet Universiteteve të Bashkimit Evropian dhe atyre të Ballkanit Perëndimor. Shkëmbimet janë të ndara në katër nivele universitare të studimit: Bachelor, Master, Doktoraturë dhe Post-Doktoraturë. Gjithashtu, shkëmbimet ofrohen edhe për stafin akademik, i cili mund të aplikojë për trajnime dhe veprimtari shkencore të ndryshme. Periudha e qëndrimit është e përcaktuar brenda një periudhë prej 1 deri në 36 muaj, në bazë të projekteve shkencore që do të ndërmerren në Universitetin pritës. Programi financon shpenzimet ku janë të përfshira shpenzimet e udhëtimit, dietat ditore, shpenzimet e sigurimit dhe tarifat e pjesëmarrjes.

Temat:

Fokusi i kërkimit është i ndarë në fusha shkencore të menduara për të përmirësuar shëndetin dhe kujdesin shëndetësor, si dhe për të reduktuar pabarazitë social-ekonomike. Temat e përfshira janë si më poshtë:

• • Menaxhimi klinik;
  • Dallimet socio-ekonomike në shëndetësi dhe në pjesëmarrjen në të;
  • Menaxhimi i sëmundjeve infektive;
  • Sëmundjet seksualisht të transmetueshme;
  • Faktorët e punës dhe mënyrat e jetësës me rrezik për shëndetin;
  • Përcaktuesit gjenetikë dhe mjedisorë të shëndetit (të tilla si çmenduria, glaukoma, goditje e zemrës, sëmundjet kardiovaskulare, kanceri, miopia, sëmundjet neuropsikiatrike, sëmundjet pediatrike dhe sëmundjet kronike të frymëmarrjes)​​;
  • Reduktimi i numrit të vdekjeve me anë të faktorëve parandalues.

Për më tepër informacione rreth fushave shkencore mund të konsultoni academic offerings në linkun e mëposhtëm: http://erasmus-westernbalkans.eu/academic-offerings-2/

Kriteret e Aplikimit:

• • Letër motivimi;
  • Curriculum Vitae;
  • Propozim kërkimi shkencor;
  • Diplomë e mbrojtjes së gjuhës angleze;
  • Diplomë e mbrojtjes së gjuhëve të tjera;
  • Listë notash;
  • Vërtetim i regjistrimit në një cikël studimi;
  • Letër pranimi të firmosur nga Koordinatori i Programit;
  • Dy letra rekomandimi;
  • Fotokopje të skanerizuar të pasaportës.

Aplikimi bëhet online në adresën: http://erasmus-westernbalkans.eu/online-application-2/

Kërkesa është e vlefshme vetëm nëse të gjithë dokumentat e detyrueshëm janë uploduara. Aplikimi është në gjuhën angleze.

Universitetet:

Universitetet që bëjnë pjesë në këtë Program janë të rënditura si më poshtë:

Universitetet Evropiane

• • Erasmus University Medical Center Rotterdam, the Netherlands
  • Ludwig-Maximilians-University Munich, Germany
  • Università Cattolica del Sacro Cuore, Italy
  • University for Health Sciences, Medical Informatics and Technology, Austria
  • University of Leuven, Belgium
  • University of Torino, Italy

Universitetet e Ballkanit Perendimor

• • Ss. Cyril and Methodius University in Skopje, Macedonia
  • University of Belgrade, Serbia
  • University of Nis, Serbia
  • University of Novi Sad, Serbia
  • University of Sarajevo, Bosnia and Herzegovina
  • University of Medicine, Tirana, Albania
  • University of Montenegro, Montenegro
  • University of Prishtina 'Hasan Prishtina', Kosovo

Njoftojmë studentët se Universiteti i Mjekësisë, Tiranë është Universitet Partnet në Rrjet dhe është Target Group 1 (TG1). Për informacione të metejshme rreth Programit "ERA-WEB", ju ftojmë të konsultoheni me Prof. Xheladin Dracini (Koordinatori i programit ERA-WEB në UMT) dhe Dr. Eralda Turkeshi, dhe për informacione të mëtejshme të kontaktoni në adresën email: Questo indirizzo email è protetto dagli spambots. E' necessario abilitare JavaScript per vederlo.Questo indirizzo email è protetto dagli spambots. E' necessario abilitare JavaScript per vederlo..">.

Për më shumë informacione, mund të vizitoni faqen e Programit "ERA-WEB": http://www.erasmus-westernbalkans.eu/ dhe të konsultoni shpalljen zyrtare http://nihes.nl/eraweb/files/dlm_uploads/2014/02/ERAWEB-call-for-applications_2014_V17-02-14.pdf

Mbyllja e Aplikimit:

• • • Afati i fundit për aplikim është data 1 prill 2014.

Për informacione të mëtejshme dhe për konsultime mbi procedurat e shkëmbimeve studentore, Zyra e Komunikimit dhe Marrëdhënieve me Jashtë në Rektorat ofron orientime të vazhdueshme për studentët dhe pedagogët e Universitetit të Mjekësisë, Tiranë.

ZYRA E KOMUNIKIMIT DHE MARREDHENIEVE ME JASHTE

Kontakt: Questo indirizzo email è protetto dagli spambots. E' necessario abilitare JavaScript per vederlo.Questo indirizzo email è protetto dagli spambots. E' necessario abilitare JavaScript per vederlo.">

U mbyll me sukses, në datat 28-30 mars 2014, aktiviteti i rradhës “Shkolla Dimërore e Mjekësisë (Medical Winter School)”. Ky aktivitet vijon traditën e aktiviteve formuese studentore të krijuar nga Universiteti i Mjekësisë, Tiranë (UMT), pas zhvillimit me sukses të Shkolles Verore “Medical Summer School", e cila u realizua në muajin gusht 2013. 
Medical Winter School u organizua nga Universiteti i Mjekësisë, Tiranë në bashkëpunim të ngushtë me Këshillin Studentor të UMT-së dhe Organizatën studentore "Brainstorm". 
Vendi i zgjedhur për këtë aktivitet ishte Parku Kombëtar i Luginës së Valbonës, qendra magjepëse e Alpeve Shqiptare në Rrethin e Tropojës. Në këtë aktivitet morën pjesë rreth 90 studentë të fakulteteve të ndryshme, të cilët aplikuan përmes Këshillit Studentor të UMT-së dhe u përzgjodhën nga Komiteti shkencor i aktivitetit në bazë të cilësisë së punimeve. Studentët që prezantuan punimet e tyre shkencore ishin të udhëhequr nga Pedagogët e Universitetit të Mjekësisë, Tiranë.

Gjatë aktivitetit u referuan 10 tema shkencore dhe u simuluan 2 seanca ushtrimore praktike, në të cilat u ushtruan të gjithë studentet pjesëmarrës. Temat shkencore ishin të ndara sipas degëve të studimit në Universitetin e Mjekësisë, Tiranë dhe përfshinin një ekspertizë të gjërë studimesh dhe hulumtimesh ndërdisiplinore.
Temat teorike:
1. Gjendra surenale, anestezia;
2. Dimensionet e sëmundjeve infektive në vëmendjen e Shëndetit Publik;
3. Vetëekzaminimi i tumoreve;
4. Sëmundjet infektive në moshat pediatrike;
5. Çfarë është dermatiti, format e ndryshme të tij;
6. Adiksioni dhe efektet toksike të alkolit dhe drogës;
7. Metodat e zbardhimit të dhëmbëve;
8. Infertiliteti mashkullor;
9. Standartet e prodhimit të barnave;
10. Kirurgjia abdominale në një këndvështrim të përgjithshëm.

Temat praktike:
1. Urgjencë: CPR+ACLS+PALS;
2. Kirurgji: Kirurgjia abdominale në një këndvështrimin të përgjithshëm.

Universiteti i Mjekësisë, Tiranë falenderon njësitë e tij për organizimin e aktivitetit dhe fton të gjithë studentët të jenë pjesëmarrës aktivë në aktivitetet e tjera në vazhdim që do të organizohen nga njësitë e Universitetit.

UNIVERSITETI I MJEKËSISË, TIRANË

NJOFTIM PËR MUNDËSI APLIKIMI

Universiteti i Mjekësisë, Tiranë informon të gjithë Pedagogët, Studiuesit shkencorë dhe Doktorantët mbi mundësinë e aplikimit për bursa studimi në kuadër të programit “Scholarship Programme for Young Researchers from European Neighbouring Countries” të Rrjetit Universitar Coimbra Group.