Informimi i studentëve është gjëja më e rendësishme për një Universitet! Për këtë arsye Universiteti i Mjekësisë, Tiranë (UMT) çel dyert studentëve të tij duke organizuar aktivitetin "ORIENTATION DAY" në ditët e Martë, e Merkurë, e Enjte dhe e Premte, datë 5 nëntor, 6 nëntor, 7 nëntor dhe 8 nëntor 2013, nga ora 10:00 - 13:00, pranë Rektoratit të Universitetit të Mjekësisë, Tiranë (UMT), pranë Pediatrikut, Auditoriumi Galileo Galilei.

Ditën e premtë, 25.10.2013, në orën 18:00, në ambjentet e Pallatit të Kulturës të qytetit të Tiranës u zhvillua ceremonia e diplomimit e brezit të parë të mjekëve stomatologë të cilët u diplomuan në Universitetin e Mjekësisë, Tiranë. 
Në këtë ceremoni ishin të pranishëm Zv. Ministrja e Shëndetësise, Znj. Milva Ekonomi, Rektorja e Universitetit të Mjekësisë, Tiranë, Prof. Dr. Jera Kruja, Dekanja e Fakultetit të Mjekësisë Dentare, Prof. Dr. Ruzhdie Qafmolla dhe profesorët e nderuar të Fakultetit të Mjekësisë Dentare.

Ditën e dielë, më datë 27.10.2013, u zhvillua me sukses aktiviteti "KANCERI I GJIRIT PARANDALOHET" i organizuar nga Universiteti i Mjekësisë, Tiranë në bashkëpunim të ngushtë me Këshillin Studentor të Universitetit të Mjekësisë, Tiranë dhe Shoqatën "Brainstorm". Ky aktivitet u zhvillua me mbështetjen e Ministrisë së Shëndetësisë, në sajë të fushatës për informimin dhe ndërgjegjësimin e grave dhe të rejave mbi parandalimin e kancerit të gjirit në të gjithë qytetin e Tiranës.