✨“Doctor Honoris Causa”✨

 Rektori i UMT-së Prof. Arben Gjata i akordon në cilësinë e Kryetarit të Senatit Akademik, titullin “Doctor Honoris Causa” Prof. Dr. Giuseppe D’Amato.

 Mjeku obsteter – gjinekolog Giuseppe D’Amato ka dhënë një kontribut të shquar në aktivitetin shkencor dhe pedagogjik të Departamentit tonë që prej vitit 1995, në Konferencën e I-rë Shkencore mbi Shëndetin Riprodhues, të organizuar në Shqipëri, në Bashkëpunim me OBSH dhe Universitetin e Barit – Itali.

Me pas ai ka qenë prezent dhe ka dhënë kontributin e tij të çmuar në shumë aktivitete shkencore kombëtare dhe ndërkombëtare të organizuara në Shqipëri në fushën e obstetri – gjinekologjisë.

  Prof. D’Amato ka bashkëpunuar ngushtësisht me Fakultetin e Mjekësisë si dhe me Ministrinë tonë të Shëndetësisë, për hartimin e programeve rajonale të shëndetit riprodhues në bashkëpunim me OBSH-në.

Prof. D’Amato, jo vetëm që ka marrë pjesë aktivisht në këto aktivitete, por ka sjellë me vete edhe shumë mjekë e profesorë, italiane e të huaj, eminenca të fushave përkatëse, duke ngritur kështu nivelin shkencor të këtyre aktiviteteve.

Përveç kësaj, Prof. D’Amato ka dhënë edhe një kontribut të çmuar akademik pranë Departamentit të Obsetri-Gjinekologjisë, duke mbajtur disa here leksione me mjekët dhe specializantët e obstetrike – gjinekologjisë gjatë këtyre viteve.

Ai ka qenë anëtar i Bordit Editorial të “Buletinit të Shkencave Mjekësore” për disa vjet radhazi.

Me Dekret të 1 tetorit 2003, Dekani i Fakultetit të Mjekësisë të UT-së e pranon si Profesor të huaj të Asociuar pranë Departamentit të Obstetrike-Gjinekologjisë.

Prof. D’Amato është një erudit me një bagazh kultural për t’u admiruar, me një memorie ekselente dhe zemër të madhe.

Recensat u mbajtën nga Prof. Orion Gliozheni dhe Prof. Myftar Barbullushi.

Në fjalën referuese Prof. Giuseppe D’Amato falenderoi Rektorin e UMT-së, Senatin Akademik për titullin e akorduar si dhe kolegët, miqtë shqiptarë për gjithë bashkëpunimin ndër vite!