NJOFTIM PËR MIRATIMIN E KRITEREVE PËR EKSPERTË TË JASHTËM ME KONTRATË SHËRBIMI, TË SPECIALIZUAR NË FUSHËN E INXHINIERISË MEKANIKE OSE ELEKTRIKE, NË DREJTORINË E SHËRBIMEVE MBËSHTETËSE, NË UNIVERSITETIN E MJEKËSISË, TIRANË

Bazuar në ligjin nr. 80/2015 “Për arsimin e lartë dhe kërkimin shkencor në institucionet e  arsimit të lartë në Republikën e Shqipërisë”, në Statutin dhe Rregulloren e Universitetit të Mjekësisë, Tiranë, në pikën 2 të nenin 74 dhe pikën 2 të nenit 75 të Vendimit të KM nr. 285, datë 19.05.2021, “Për miratimin e rregullave të prokurimit publik” i ndryshuar, si dhe në shkresën e Drejtorisë së Shërbimeve Mbështetëse, UMT, protokolluar me nr. 2048 prot., datë 19.09.2025 “Kërkesë për angazhim me kontratë shërbimi ekspert fushe inxhinier ndërtimi dhe inxhinier mekanik ose elektrik”;

Miratimi i kritereve për ekspertët të jashtëm me kontratë shërbimi, të specializuar në fushën e inxhinierisë mekanike ose elektrike, në Drejtorinë e Shërbimeve Mbështetëse, në Universitetin e Mjekësisë, Tiranë, si më poshtë vijojnë:

Kritere të përgjithshme:

• Të jetë shtetas shqiptar;
• Të zotërojë gjuhën shqipe të shkruar dhe të folur;
• Të jetë në kushte shëndetësore që e lejojnë të kryejë detyrën përkatëse;
• Të ketë zotësi të plotë për të vepruar;
• Të ketë përfunduar studimet universitare ose pasuniversitare në fushën e inxhinierisë mekanike ose elektrike;
• Të ketë eksperiencë pune në fushën e kërkuar mbi 5 (pesë) vite;
• Të mos jetë i dënuar me vendim të formës së prerë për kryerjen e një krimi apo për kryerjen e një kundravajtje penale me dashje.

Kritere preferenciale:

• Të ketë eksperiencë angazhimi në komisionet e parashikuara në pikën 2 të nenit 74 dhe pikën 2 të nenit 75 të VKM-së nr. 285, datë 19.05.2021, “Për miratimin e rregullave të prokurimit publik”, i ndryshuar.

Dokumentacioni i kërkuar:

• Kërkesë me shkrim për aplikim;
• Jetëshkrimin (CV) sipas formatit standard (europass);
• Fotokopje të pasaportës ose kartës së identitetit;
• Kopje e noterizuar e diplomës/diplomave dhe/ose njësimin e tyre në MAS (për diplomat e marra jashtë vendit), bashkë me listën e notave të noterizuara (për ciklet përkatëse të studimit);
• Kopje e librezës së punës e noterizuar (të gjitha faqet që vërtetojnë eksperiencën në punë);
• Vërtetim nga punëdhënës të mëparshëm për eksperiencën në fushën e kërkuar;
• Vërtetim i gjendjes shëndetësore të marrë brenda tre muajve të fundit (raport mjekësor për aftësinë në punë nga data e aplikimit);
• Dëshmi Penaliteti të marrë brenda 3 (tri) muajve të fundit nga data e aplikimit;
• Dëshmi apo kualifikime në fushën e kërkuar.

Kandidatët e interesuar, duhet të dorëzojnë dokumentacionin të inventarizuar në Zyrën  e Protokoll- Arkivës, pranë Universitetit  të Mjekësisë, Tiranë, ose nëpërmjet postës në adresën: Rruga e Dibrës, Nr. 371, 1005, Tiranë.

Mosdorëzimi i dokumentacionit të plotë të kërkuar më sipër, apo dorëzimi jo në formën e specifikuar, sjell skualifikim të kandidatit.

 Afati i dorëzimit të dokumentacionit është nga data 26.09.2025 deri më 02.10.2025.

Mënyra e vlerësimit: Përzgjedhja e kandidatit fitues do të bëhet nëpërmjet konkurrimit me dosje dhe intervistë.