HAPET THIRRJA PËR APLIKIM PËR STUDENTËT E UNIVERSITETIT TË MJEKËSISË, TIRANË PËR MOBILITET NË UNIVERSITETIN “G. D’ANNUNZIO”, CHIETI-PESCARA, ITALI
Në kuadër të programit Erasmus+ hapet thirrja për aplikim për mobilitet për studentët e Universitetit të Mjekësisë, Tiranë në Universitetin “G. d’Annunzio”, Chieti-Pescara, Itali, për semestrin e dytë të vitit akademik 2025-2026
Lloji i mobilitetit përfshin:
- Shkëmbimin e studentëve në mjekësi e përgjithshme, farmaci, stomatologji, shëndet publik dhe infermieri
Kohëzgjatja e mobilitetit
- 5 muaj
- Periudha e zhvillimit të mobilitetit- 1 Mars- 31 Korrik 2026
Numri i kuotave:
- 3 kuota për Rajonin 1 (Western Balkans) – jo vetëm për Shqipërinë
Bursa përfshin:
- Kompensimin mujor- 850 Euro në muaj;
- Koston e udhëtimit (në varësi të distancës midis universitetit pritës dhe atij të origjinës).
Për të përcaktuar distancën, klikoni në linkun e mëposhtëm: www.ec.europa.eu/programmes/erasmus-plus/tools/distance_en.htm
Për t’u njohur me Universitetin “G. d’Annunzio”, Chieti-Pescara, Itali, klikoni në linkun e mëposhtëm:
Dokumentet që duhet të dorëzohen:
- Formular aplikimi; http://umed.edu.al/wp-content/uploads/2025/10/Formular-aplikimi-studentë-1-1.docx
- CV në gjuhën Angleze;
- Fotokopje e pasaportës;
- Vërtetim studenti (të noterizuar dhe përkthyer në gjuhën angleze);
- Letër motivimi në gjuhën Angleze;
- Certifikatë e gjuhës së huaj (Anglisht B2, Italisht B1) e njësuar me origjinalin;
- Listë notash (e përkthyer dhe e noterizuar në gjuhën angleze);
- Formular deklarimi. http://umed.edu.al/wp-content/uploads/2025/10/Formular-Deklarimi-13-1.docx
Dërgimi i dokumentacionit:
Me email: erasmus@umed.edu.al
Fizikisht: Pranë zyrës së Protokoll-Arkivës në Rektoratin e Universitetit të Mjekësisë, Tiranë
Dokumentacioni është i detyrueshëm të dorëzohet fizikisht pranë Zyrës së Protokoll-Arkivës në Rektorat. Në të kundërt aplikimi juaj nuk do të merret në shqyrtim.
Afati i fundit për aplikim: 28.10.2025
Universiteti i Mjekësisë, Tiranë ju uron suksese në aplikimin tuaj!
