Njoftim për pozicionin e punës 1(një) vend vakant “Teknik i mesëm i Specialiteteve të ndryshme”, personel administrativ me kohë të plotë dhe kontratë me afat të pacaktuar në Fakultetin e Mjekësisë, Universiteti i Mjekësisë, Tiranë

Bazuar në ligjin nr. 80/2015 “Për arsimin e lartë dhe kërkimin shkencor në institucionet e arsimit të lartë në Republikën e Shqipërisë”, në Statutin dhe Rregulloren e Universitetit të Mjekësisë, Tiranë, në Vendimin e Bordit të Administrimit nr. 63, datë 08.10.2021“Për miratimin e kritereve të punësimit të personelit administrativ të Universitetit të Mjekësisë, Tiranë”, i ndryshuar, si dhe në Urdhrin e Administratorit të UMT-së nr. 225, datë 31.10.2024, “Për fillimin e procedurës së punësimit për 1 (një) vend vakant në pozicionin e punës “Teknik i mesëm i specialiteteve të ndryshme”, personel administrativ me kohë të plotë dhe kontratë me afat të pacaktuar në Fakultetin e Mjekësisë, Universiteti i Mjekësisë, Tiranë”, shpall konkursin për 1 (një) vend të lirë pune si më poshtë:

Kandidatët për pozicionin e punës 1 (një) vend vakant “Teknik i mesëm i Specialiteteve të ndryshme”, personel administrativ me kohë të plotë dhe kontratë me afat të pacaktuar në Fakultetin e Mjekësisë, Universiteti i Mjekësisë, Tiranë, duhet të plotësojnë këto kritere: 

Përshkrimi përgjithësues i punës:

• Mirëmban në vazhdimësi të gjitha ambjentet e Fakultetit ku përfshin auditorë, zyrat, laboratorët, nyjet hidrosanitare, dyert dhe dritaret.
• Mirëmban dhe vë në funksionim sistemin e ngrohjes, ftohjes dhe aspirimit.
• Ka në mbikqyrje të përditshme sistemin elektrik si dhe të gjitha nyjet hidrosanitare, evidenton mangësitë dhe i raporton ato tek Kryetari i Degës së Shërbimeve.
• Ka në mbikqyrje ambientet e brendshme dhe të jashtme të fakultetit dhe merr masa për të korrigjuar e meremetuar defektet.
• Përveç detyrave kryesore, ndjek dhe realizon edhe detyra të tjera rastësore sipas nevojave të
• Realizon çdo detyrë tjetër të ngarkuar nga eprorët.

Kriteret:

1. Të kenë përfunduar studimet e mesme për teknik i specialiteteve të ndryshme;
2. Të kenë certifikatë/diploma për specialitetin në varësi të specifikave  të punës;
3. Të kenë të paktën 2 vite përvojë pune;
4. Të kenë aftësi të mira komunikuese;
5. Të jenë shtetas shqiptar;
6. Të zotërojë gjuhën shqipe, të shkruar dhe të folur;

Kushte:

1. Të kenë zotësi të plotë për të vepruar;
2. Të jenë në kushte shëndetësore që e lejojnë të kryejë detyrën përkatëse;
3. Të mos jenë dënuar me vendim te formës së prerë të gjykatës për kryerjen e një krimi apo për kryerjen e një kundravajtje penale me dashje;
4. Të plotësojnë kërkesat e posaçme për nivelin e arsimit, përvojës dhe kërkesave të tjera të posaçme për kategorinë, klasën, grupin dhe pozicionin përkatës;
5. Ndaj tij të mos jetë marrë ndonjë masë disiplinore për largimin nga

Dokumentacioni i kërkuar:

1. Kërkesë me shkrim për aplikim;
2. Jetëshkrimin (CV) sipas formatit standard (europass);
3. Fotokopje të pasaportës ose kartës së identitetit;
4. Kopje e noterizuar e diplomës/diplomave dhe njehsimin e tyre në MAS (për diplomat e marra jashtë vendit), bashkë me listën e notave, për secilin program përkatës studimi;
5. Kopje e noterizuar e librezës së punës (të gjitha faqet që vërtetojnë eksperiencën në punë),
6. Vërtetim i gjendjes shëndetësore të marrë brenda 3 (tri) muajve të fundit (raport mjekësor për aftësinë në punë);
7. Vërtetim i gjendjes gjygjësore (Dëshmi Penaliteti), të marrë brenda 3 (tri) muajve të fundit;
8. Vërtetim nga punëdhënësi aktual (nëse është në marrëdhënie pune) ose punëdhënësi i mëparshëm (nëse aktualisht  nuk është në marrëdhënie pune), që nuk ka masë disiplinore në fuqi;
9. Formular vetdeklarimi sipas formës së kërkuar nga ligji nr.138/2015;
10. Referenca nga punëdhënës të mëparshëm, që provojnë vlerësimet positive në punë;
11. Çdo dokumentacion tjetër që vërteton trajnimet, kualifikimet, arsimin shtesë, apo të tjera të përmendura në jetëshkrim;

 Mungesa e një prej dokumentave të kërkuara më sipër, sjell skualifikim të kandidatit.

Dokumentacioni i dorëzuar nuk do të kthehet mbrapsht, pasi bëhet pjesë e arkivës së  Institucionit.

Kandidatët e interesuar, duhet të dorëzojnë dokumentacionin e kërkuar origjinal ose të njësuar me origjinalin, të inventarizuar në Sektorin e Protokoll- Arkivës, në Universitetin e Mjekësisë, Tiranë. Adresa: Rruga e Dibrës, Nr.371, 1005, Tiranë.

Afati i dorëzimit të dokumentacionit është brenda 15 (pesëmbëdhjetë) ditëve  kalendarike, që nga dita e shpalljes së njoftimit në Buletinin e APP-së.

Mënyra e vlerësimit:

Përzgjedhja e kandidatit fitues do të bëhet nëpërmjet konkurimit me dosje dhe me intervista të drejtëpërdrejta.

Vlerësimi do të bëhet sipas formularit të vlerësimit të kandidatëve për personel administrativ i miratuar nga Bordi i Administrimit të Universitetit të Mjekësisë, Tiranë, sipas Vendimit nr. 63, datë 08.10.2021, i ndryshuar, i publikuar në faqen zyrtare www.umed.edu.al

Për çdo paqartësi mund të dërgohet email në adresën info@umed.edu.al