TAKIMI REKTORIT TË UNIVERSITETIT TË MJEKËSISË, PROF.DR. XHELADIN DRAÇINI ME PRESIDENTIN E SHOQATËS NDËRKOMBËTARE PROF. LEONE MELILLO

Rektori i Universitetit të Mjekësisë, Tiranë, Prof. Dr. Xheladin Draçini, priti sot në një takim Prof. Leone Melillo, President i Shoqatës Ndërkombëtare “Filozofia e të Drejtave të Njeriut” dhe njëkohësisht kërkues shkencor në Universitetin e Studimeve të Napolit “Parthenope”.

Gjatë këtij takimi u diskutua për bashkëpunimet dhe projektet e ardhshme kërkimore, duke theksuar veçanërisht rëndësinë e rolit të psikiatrisë në “kontrollin dhe garantimin” e të drejtave të njeriut.

Ky takim shënon një hap të rëndësishëm në përforcimin e bashkëpunimeve ndërkombëtare dhe zhvillimin e kërkimeve shkencore në fusha me ndikim të gjerë shoqëror.