HAPET THIRRJA PËR BURSA PËR STUDENTËT DHE STAFIN AKADEMIK TË UNIVERSITETIT TË MJEKËSISË, TIRANË NË UNIVERSITETIN E BOLONJËS, ITALI NË KUADËR TË PROGRAMIT ERASMUS+
Në kuadër të programit Erasmus+ hapet thirrja për aplikime për bursa për mobilitete për studentët dhe stafin akademik të Universitetit të Mjekësisë, Tiranë në Universitetin e Bolonjës, Itali.
Llojet e mobilitetit përfshijnë
- Shkëmbimin e specializantëve për studime
- Mësimdhënie për stafin akademik
Nivelet e mobilitetit për studentët
- Specializim afatgjatë në Kirurgji të Përgjithshme (me përjashtim të studentëve specializantë që ndjekin vitin e parë të specializimit.
Kohëzgjatja e mobilitetit
- Specializim afatgjatë ( 5 muaj)
- 14 ditë + 2 ditët e udhëtimit (për stafin akademik)
Fusha e studimit
- Kirurgji e Përgjithshme
Për t’u njohur me katalogun e programeve të studimit në gjuhën italiane, që ofron Universiteti i Bolonjës, Itali klikoni në linkun e mëposhtëm;
http://www.unibo.it/it/didattica/scuole-di-specializzazione
Bursat përfshijnë
- Kompesimin mujor (850 euro për studentët)
- Kompesimin ditor (140 euro në ditë për stafin)
- Kostot e udhëtimit në varësi të distances midis universitetit pritës dhe universitetit të origjinë
Për të përcaktuar distancën , klikoni në link-un e mëposhtëm:
http://ec.europa.eu/programmes/erasmus-plus/tools/distance_en.htm
Dokumentet që nevojiten për aplikim për studentët e nivelit Master
- CV në gjuhën angleze
- Kopje e pasaportës
- Vërtetim studenti
- Letër motivimi në gjuhën angleze
- Certifikatë e gjuhës së huaj (Italisht A2)
- Learning Agreement
* Learning Agreement është një kontratë midis universitetit të origjinës dhe aplikantit dhe shërben për të përcaktuar lëndët që do të zhvilloni në universitetin pritës.
Ju duhet të plotësoni vetëm seksionin e parë ‘‘Before the mobility“.
Në tabelën A përcaktohet aktiviteti që do të zhvillohet në universitetin pritës.
Në tabelën B përcaktohet se cili prej aktiveteve të Tabelës A do të njihen në Universitetin e Mjekësisë, kur ju të keni përfunduar periudhën e shkëmbimit.
Dokumenti ‘‘Learning Agreement’’ tek seksioni ‘‘Commitment’’ firmoset nga aplikanti, më pas nga koordinatori akademik në nivel fakulteti Prof.Dr. Xheladin Draçini dhe në fund në Rektorat nga Koordinatori Institucional i Erasmus + Prof.Dr. Suela Këlliçi.
Për të shkarkuar formatin e Learning Agreement klikoni në adresën:
http://umed.edu.al/wp-content/uploads/2018/01/Learning_Agreement.docx
Dokumentet që nevojiten për aplikim për stafin akademik
- CV + Listën e Publikimeve në gjuhën angleze
- Kopje e Pasaportës
- Letër Motivimi në gjuhën angleze
- Vërtetim punësimi (në gjuhën shqipe)
- Certifikata e gjuhës që vërteton njohuritë e gjuhës angleze dhe italiane në nivelin B2.
- Plani i Mobilitetit
- Vërtetim nga Dekani i Fakultetit tuaj që ju lejon të shkëputeni për të kryer mobilitetin
Për të shkarkuar formatin e planit të Mobilitetit klikoni në adresën:
http://umed.edu.al/wp-content/uploads/2018/01/mobility-agreement-teaching_en
KUJDES! Kur të dorëzoni në Rektorat planin e Mobilitetit për t’u firmosur nga Koordinatori Institucional i Erasmus + për Universitetin e Mjekësisë, Tiranë Prof.Dr. Suela Këlliçi duhet të bashkëngjisni edhe dokumentin e vërtetimit nga Dekani juaj që ju lejon të shkëputeni gjatë kohës së mobilitetit.
Afati për aplikim: 1 – 28 Shkurt 2018
Dokumentet duhen dorëzuar dorazi,në Rektoratin e Universitetit të Mjekësisë, Tiranë në Sektorin e Komunikimit dhe Marrëdhënieve me Jashtë si edhe të skanuara në adresën international.office@umed.edu.al .
Universiteti i Mjekësisë, Tiranë ju uron suksese në aplikimin tuaj!
