HAPET THIRRJA PËR BURSA PËR STUDENTËT E FAKULTETIT TË MJEKËSISË, DEGA FARMACI PËR NË UNIVERSITETIN E SAARLANDIT, GJERMANI NË KUADËR TË PROGRAMIT ERASMUS+
Në kuadër të programit Erasmus+ hapet thirrja për aplikime për bursa për mobilitete për studentët e Universitetit të Mjekësisë, Tiranë në Universitetin e Saarlandit, Gjermani për semestrin e dytë të vitit akademik 2021/2022
Llojet e mobilitetit përfshijnë
- Shkëmbimin e studentëve të vitit të fundit (4 kuota)
Nivelet e mobilitetit për studentët
- Program i integruar studimi i ciklit të dytë
Kohëzgjatja e mobilitetit
- 3 muaj
Fusha e studimit
- Farmaci
Për t’u njohur me katalogun e programeve të studimit në gjuhën gjermane, që ofron Universiteti i Saarlandit, në Gjermani klikoni në linkun e mëposhtëm;
http://www.pharma.uni-saarland.de/Stundenplan.pdf
Afati i aplikimit
02.06.2021
Dokumentet që nevojiten për aplikim për studentët janë:
- Kërkesë me shkrim
- CV në gjuhën angleze
- Kopje e pasaportës
- Vërtetim student
- Listë e notave (Në shqip dhe anglisht)
- Letër motivimi në gjuhën angleze
- Certifikatë e gjuhës së huaj Gjermanisht (minimumi B1) / Anglisht (minimumi B2)
- Marrëveshja e Studimit (Learning Agreement)
* Learning Agreement është një kontratë midis universitetit të origjinës dhe aplikantit dhe shërben për të përcaktuar lëndët që do të zhvilloni në universitetin pritës. Ju duhet të plotësoni vetëm seksionin e parë ‘‘Before the mobility“.
Në tabelën A përcaktohet aktiviteti që do të zhvillohet në universitetin pritës.
Në tabelën B përcaktohet se cili prej aktiveteve të Tabelës A do të njihen në Universitetin e Mjekësisë, kur ju të keni përfunduar periudhën e shkëmbimit.
Dokumenti ‘‘Learning Agreement’’ tek seksioni ‘‘Commitment’’ firmoset nga aplikanti, më pas nga koordinatori akademik në nivel fakulteti Prof. Dr. Vilma Papajani dhe në fund në Rektorat nga Koordinatori Institucional i Erasmus +, Prof.Dr.Suela Këlliçi.
Për të shkarkuar formatin e Learning Agreement klikoni në adresën:
http://umed.edu.al/wp-content/uploads/2021/05/Learning_Agreement_2021-22.docx
Dokumentet duhen dorëzuar dorazi,në Rektoratin e Universitetit të Mjekësisë, Tiranë në zyrën e protokollit si edhe të skanuara në adresën international.office@umed.edu.al .
Vini re! – Përzgjedhja e kandidatëve fitues do të kryhet nga një Komision me anëtarë të stafit akademik në Universitetin e Mjekësisë. Lista e fituesve do t’i përcillet Universitetit të Saarlandit. Komisioni akademik i këtij Universiteti mes kandidatëve fitues të përzgjedhur nga Universiteti i Mjekësisë do të vendosë se cilët kandidatë do të jenë pjesë e projektit të shkëmbimit.
Universiteti i Mjekësisë, Tiranë ju uron suksese në aplikimin tuaj!
