KRITERET E PUNËSIMIT PËR “KRYETAR I DEGËS SË MENAXHIMIT TË SHËRBIMEVE”, DHE “SPECIALIST” NË DEGËN E FINANCËS PRANË FAKULTETIT TË MJEKËSISË DENTARE, UNIVERSITETI I MJEKËSISË TIRANË

Bazuar në ligjin nr. 80/2015, “Për arsimin e lartë dhe kërkimin shkencor në institucionet e arsimit të lartë në Republikën e Shqipërisë”, në vendimin e Bordit të Administrimit Nr.11, datë 03.02.2020 “Për miratimin e kritereve të punësimit të personelit administrativ të Universitetit të Mjekësisë, Tiranë”, si dhe në mbështetje të shkresës nr.162 prot, datë 20.01.2021 “Dërgohen kriteret për shpallje të vendeve vakant për punonjës administrativ në Fakultetin e Mjekësisë Dentare” si dhe Urdhri nr. 7 datë. 20.01.2021 , Administratori i UMT, shpall konkurimin per dy vende vakante pune, si me poshte:

Per një vend për personel administrativ në pozicionin “ Kryetar i Degës së Menaxhimit të Shërbimeve”, pranë Fakultetit të Mjekësisë Dentare, Universiteti i Mjekësisë Tiranë,

Përshkrimi përgjithësues i punës:

Kryetari i degës është përgjegjësi kryesor për mbarëvajtjen e punës në degën e menaxhimit të shërbimeve. Koordinon punën vertikalisht me strukturat që ka në varësi dhe raporton rregullisht te Administratori i njësisë kryesore.
Organizon dhe ndjek gjithë procesin për organizimin e prokurimeve publike për njësinë kryesore.
Organizon dhe ndjek të gjithë procesin për përcaktimin e kritereve ligjore për lidhjen e kontratave me operatorët fitues.
Monitoron zbatimin e kontratave të lidhura.
Përgjegjës për hedhjen në kohë të Regjistrit të parashikimit të prokurimeve publike dhe ndjekja e raportimeve në kohë në njësinë qëndrore të UMT-së.
Organizon punën për mirëfunksionimin e sistemeve dhe infrastrukturës elekromekanike, hidraulike, ndërtimore të godinave të njësisë, si dhe të pajisjeve të tjera që janë ne përdorim në përputhje me parametrat e duhura;
Organizon punën për mirëmbajtjen, pastrimin, transportin, shërbimet postare dhe korrierët.
Evidenton mallrat dhe materialet në magazinë, dokumentimin e qarkullimit të tyre, mbajtjen e kartelave dhe rakordimin me kontabilitetin;
Detyrat e tjera janë specifikuar në rregulloren e përgjithshme.

Kritere

Të ketë përfunduar studimet universitare dhe të jetë i pajisur me një diplomë të studimeve “master shkencor”, “master profesional” në shkencat “ekonomi”, “inxhinieri dhe teknologji”, “juridik”, “natyrore”, “humane”, apo të barasvlefshme me to, sipas kuadrit ligjor të arsimit të lartë;
Të ketë mbi 3 vite eksperiencë pune të mëparshme në të njëjtin pozicion ose pozicione të ngjashme;
Aftësi të mira kompjuterike, njohja e programeve bazë;
Njohuri të gjuhës së huaj anglisht dhe/ose ndonjë gjuhë tjetër.

Kushtet

Të ketë zotësi të plotë për të vepruar.
Të jete në kushte shëndetësore që e lejojnë të kryejë detyrën përkatëse.
Të mos jetë dënuar me vendim të formës së prerë të gjykatës për kryerjen e një krimi apo për kryerjen e një kundravajtje penale me dashje.
Ndaj tij të mos jetë marrë ndonjë masë disiplinore për largimin nga detyra.
Të jete shtetas shqiptar me zotësi te plotë për të vepruar;
Të zotërojne aftesitë e nevojshme profesionale për vendin e punës për të cilin konkurojnë;

DOKUMENTACIONI, MËNYRA DHE AFATI I DORËZIMIT

Kërkesa e kandidatit për vendin e lirë të punës duhet të shoqërohet me dokumentat që vërtetojnë plotësimin e kërkesave të publikuara. Dokumentat bazë janë:
Kërkesë me shkrim për aplikim;
Jetëshkrimin (CV) sipas formatit standard (europass);
Fotokopje të pasaportës ose kartës së identitetit;
Kopje e noteruar e diplomës/diplomave dhe/ose njëhsimin e tyre në MAS (për diplomat e marra jashtë vendit), bashkë me listë notash të noteruara (për ciklet përkatëse të studimit, sipas rastit);
Kopje e noterizuar e librezës së punës (të gjitha faqet që vërtetojnë eksperiencën në punë);
Vërtetim i gjendjes shëndetësore të marrë brenda tri muajve të fundit (raport mjekësor për aftësinë në punë);
Vërtetim i gjendjes gjyqësore (dëshmi penaliteti), të marrë brenda tri muajve të fundit
Formular Vetëdeklarimi sipas formës së kërkuar nga ligji nr.138/2015;
Vërtetim nga punëdhënës të mëparshëm, që nuk ka masë disiplinore në fuqi;
Dëshmi të njohjes së gjuhës së huaj të noteruar;
Dokument tjetër që vërteton trajnimet, kualifikimet, arsimin shtesë, apo të tjera të përmendura në jetëshkrim;
Referenca nga punëdhënës të mëparshëm, që provojnë vlerësimet pozitive në punë;

Kandidatët e interesuar, duhet ta dorëzojnë dokumentacionin e kërkuar origjinal ose të njësuar me origjinalin, brenda 15 (pesëmbëdhjet) ditëve nga shpallja e njoftimit, pranë zyrës së sekretari -arkivës (protokolli), Universiteti i Mjekësisë, Tiranë.

Fusha e njohurive, aftësive dhe cilësitë të cilat do të zhvillohet intervista:

Njohuritë mbi Ligjin nr.80/2015 “Per arsimin e larte dhe kerkimin shkencor ne IAL ne RSH”
Njohuritë mbi Ligjin nr.44/2015 “Kodi i Procedurave Administrative i Republikës së Shqipërisë”;
Njohuri mbi ligjin nr. 9936, datë 26.06.2006 “Për menaxhimin e sistemit buxhetor ne Rpublikën e Shqiperisë”, i ndryshuar;
Njohuri mbi ligjin nr. 9643, datë 20.11.2006, ndryshuar me ligjin ligjin Nr. 47/2017 “Për prokurimin publik”;
Njohuri të akteve nënligjore në fuqi për fushën e procedurave financiare e administrative.

Mënyra e vlerësimit:

Në lidhje me dokumentacionin e dorëzuar kandidatët do të vlerësohen për përvojën, trajnimet apo kualifikimet e lidhura me fushën.

Në lidhje me intervistën e punës kandidatët do të vlerësohen për njohuritë, aftësitë, kompetencën në lidhje me përshkrimin e pozicionit të punës; Eksperiencën e tyre të mëparshme; Motivimin, aspiratat dhe pritshmëritë e tyre për karrierën.

Afati i dorëzimit të dokumentacionit: 08.02.2021 – 15.02.2021.

Përzgjedhja e kandidatit fitues do të bëhet nëpërmjët konkurimit me dosje dhe me intervista të drejtëpërdrejta. Për çdo paqartësi mund të dërgohet email në adresën info@umed.edu.al

Per një vend për personel administrativ ne pozicionin “Specialist në Degën e Financës.”, pranë Fakultetit të Mjekësisë Dentare, Universiteti i Mjekesise Tirane,