KRITERET E PUNËSIMIT PËR NJË VEND PUNE PERSONEL NDIHMËS AKADEMIK ME KARAKTER ADMINISTRATIV, "SPECIALIST I PROTOKOLL­ ARKIVËS " NË SEKTORIN E BURIMEVE NJERËZORE DHE PROTOKOLL-ARKIVËS, NË UNIVERSITETIN E MJEKËSISË, TIRANË

Bazuar në ligjin nr. 80/2015, “Për arsimin e lartë dhe kërkimin shkencor në institucionet e arsimit të lartë në Republikën e Shqipërisë‘, Statuti i Universitetit i Mjekësisë, Tiranë, si dhe në Urdhërin e Rektorit nr. 12. datë 23.12.2021, Universiteti i Mjekësisë, Tiranë, shpall konkursin për pozicionin e punës, personel ndihmës  akademik  me  karakter  administrativ,  “Specialist  i  Protokoll­ Arkivës ” në Sektorin e Burimeve Njerëzore dhe Protokoll-Arkivës, në Universitetin e Mjekësisë, Tiranë, si më poshtë vijon:

Kriteret:

Kandidatët për pozicionin e punës “Specialist i Protokoll-Arkivës ” në Universitetin e Mjekësisë Tiranë, duhet të plotesojnë keto kritere:

Kritere të përgjithshme:

1. Të jetë shtetas shqiptar;
2. Të ketë zotësi të plotë për të vepruar;
3. Të zotëroj gjuhën shqipe të shkruar dhe të folur;
4. Të ketë përfunduar studimet Master Shkencor, ose diploma ekuivalente me to DIND;
5. Të ketë njohuri në përdorimin e kompjuterit dhe të programeve bazë (exel, word);
6. Të zoteroj një nga gjuhët e huaja perëndimore (Anglisht, Frengjisht, Spanjisht, Italisht, Gjermanisht);
7. Të ketë aftësi të mira komunikuese dhe për të punuar në grup;
8. Të mos jetë i dënuar me vendim të formës së prerë nga gjykata për kryerjen e një krimi, kundërvajtje penale apo vepre penale me dashje;
9. Të mos jetë marrë ndaj tij masa disiplinore e largimit nga puna;
10. Të jetë në kushte shëndetësore që e lejonë të kryejë detyrën përkatëse.

Dokumentacioni i kërkuar:

Kandidatët që aplikojnë, duhet të dorëzojnë në Rektoratin e Universitetit të Mjekësisë Tiranë, dokumentat si më poshtë:

1. Kërkesë me shkrim për aplikim;
2. Jetëshkrimin (CV) sipas formatit standard (europass);
3. Fotokopje të pasaportës ose kartës së identitetit;
4. Kopje e noterizuar e diplomes/diplomave dhe njëhsimin e tyre në MAS (për diplomat e marra jashte vendit), bashkë me listën e notave të noterizuara (për secilin program përkatës studimi);
5. Kopje e noterizuar e librezës së punës, të gjitha faqet që vërtetojnë eksperiencën në punë (nëse ka eksperiencë pune);
6. Kopje e noterizuar e dëshmisë së njohjes së gjuhës së huaj;
7. Kopje e noterizuar e dëshmisë së njohjes së kompjuterit;
8. Vërtetim i gjendjes shëndetësore të marrë brenda tre muajve të fundit (raport mjekësor për aftësinë në punë);
9. Vërtetim i Gjendjes Gjyqësore (Dëshmi penaliteti) të marrë brenda tre muajve të fundit;
10. Formular vetëdeklarimi sipas formës së kërkuar nga ligji 138/20 15;
11. Çdo dokument tjetër që vërteton trajnimet, kualifikimet, arsimin shtesë, apo të tjera të përmendura në jetëshkrim;
12. Vërtetim nga punëdhënës të mëparshëm, që nuk ka masë disiplinore në fuqi;
13. Referenca nga punëdhënës të mëparshëm, që provojnë vlerësimet pozitive në punë;

Mungesa e një prej dokumentacioneve të kërkuara më sipër, sjell s ‘kualifikim të kandidatit.

Dokumentacioni i dorëzuar nuk do të kthehet mbrapsht, pasi bëhet pjesë e arkivës së lnstitucionit.

Kandidatët e interesuar, duhet të dorëzojnë dokumentacionin e kërkuar brenda 10 (dhjetë) ditëve pune nga shpallja e njoftimit , pranë zyrës së Protokoll-Arkivës në Universitetin e Mjekësisë, Tiranë, (Adresa: Rruga e Dibrës, pranë QSUT, Nr.232, Tiranë)

Afati i dorëzimit të dokumentacionit: 10 ditë pune nga data e shpalljes në buletinin e APP- së.

Fusha e njohurive, aftësive dhe cilësitë të cilat do të zhvillohet intervista:

• Njohuri mbi ligjin nr. 80/2015 date 22.07.2015 , “Për arsimin e lartë dhe kërkimin shkencor në institucionet e arsimit të lartë në Republikën e Shqipërisë‘ ;
• Ligji 9154, date 06. 11.2003 “Për Arkivat”;
• Norma Tekniko-Profesionale  dhe  Metodologjike  të  Shërbimit  Arkivor  në  Republikën  e Shqipërisë;

Mënyra e vlerësimit:

Përzgjedhja e kandidatit fitues do të bëhet nëpërmjet konkurimit me dosje dhe  me intervista të drejtëpërdrejta.

Në lidhje me dokumentacionin e dorëzuar kandidatët do të vlerësohen për përvojën , trajnimet apo kualifikimet e lidhura me fushën.

Në lidhje me intervistën e punës kandidatët do të vlerësohen për njohuritë mbi legjislacionin e sipërcituar, aftësitë, kompetencat , eksperiencën e tyre të mëparshme , motivimin , aspiratat si dhe pritshmëritë e tyre për karrieren .

Për Çdo paqartësi mund të dërgohet email në adresën info@umed.edu.al