NJOFTIM PËR 1 (NJË) VEND PUNE “KRYETAR I DEGËS SË BURIMEVE NJERËZORE DHE IT” ME KONTRATË ME AFAT TË PACAKTUAR NË FAKULTETIN E SHKENCAVE MJEKËSORE TEKNIKE, UNIVERSITETI I MJEKËSISË, TIRANË.

Bazuar në ligjin nr. 80/2015, “Për arsimin e lartë dhe kërkimin shkencor në institucionet e arsimit të lartë në Republikën e Shqipërisë”, në Statutin e Universitetit të Mjekësisë, Tiranë, në shkresën e Fakultetit të Shkencave Mjekësore Teknike Nr. 569 prot., datë 17.05.2021, protokolluar me tonën Nr.1161 prot.,datë 17.05.2021, si edhe në Urdhërin e Rektorit Nr. 52, datë 17.05.2021, shpall konkursin për pozicionin e punës, ndihmës akademik me karakter administrativ “Kryetar i Degës së Burimeve Njerëzore dhe IT” me kontratë me afat të pacaktuar në Fakultetin e Shkencave Mjekësore Teknike, Universiteti i Mjekësisë, Tiranë.

Kriteret që duhet të plotësojnë kandidatët janë :

Kritere të përgjithshme:

Të zotërojë diplomë universitare të nivelit të dytë (Master Shkencor);
Të ketë eksperience pune, jo më pak se 5 (pesë) vite;
Të ketë njohuri të mira të paketës Microsoft Office;
Të zotërojë me dëshmi një gjuhë të huaj perëndimore (Anglisht, Frengjisht, Gjermanisht, Italisht, Spanjisht;
Të jetë shtetas shqiptar me zotësi të plotë për të vepruar ;
Të zotërojë gjuhën shqipe, të shkruar dhe të folur;
Të zotërojë aftësitë e nevojshme profesionale për vendin e punës për të cilin konkuron;
Të jetë në kushte shëndetësore që e lejojnë të kryejë detyrën përkatëse;
Të mos jetë i dënuar me vendim të formës së prerë nga Gjykata për kryerjen e një vepre penale;
Të mos jetë marrë ndaj tyre masa disiplinore e largimit nga puna, nga Universiteti i Mjekësisë, Tiranë ose në institucione të tjera.

Dokumentacioni i kërkuar

Kandidatët që aplikojnë, duhet të dorëzojnë pranë Zyrës së Protokollit, në Fakultetin e Shkencave Mjekësore Teknike, Tiranë, dosjen personale (të inventarizuar), me dokumentat si më poshtë:

Kërkesë me shkrim për aplikim;
Jetëshkrimin (CV) sipas formatit standard (europass);
Fotokopje të pasaportës ose kartës së identitetit;
Kopje e noterizuar e diplomës/diplomave dhe njehsimin e tyre në MAS (për diplomat e marra jashtë vendit), bashkë me listën e notave;
Kopje e noterizuar e dëshmisë së njohjes së gjuhës së huaj;
Kopje e noterizuar e librezës së punës;
Kopje e noterizuar e dëshmisë së paketës Microsoft Office;
Vërtetim i gjendjes shëndetësore të marrë brenda tre muajve të fundit (raport mjekësor për aftësinë në punë);
Formular vetdeklarimi sipas formës së kërkuar nga ligji nr.138/2015
Çdo dokumentacion tjetër që vërteton trajnimet, kualifikimet, arsimin shtesë, apo të tjera të përmendura në jetëshkrim;
Referenca që provojnë vlerësimet pozitive;
Vërtetim i gjendjes gjygjësore (Dëshmi penaliteti) të marrë brenda tre muajve të fundit;

Mungesa e një prej dokumentave të kërkuara më sipër, sjell s’kualifikim të kandidatit. Dokumentacioni i dorëzuar nuk do të kthehet mbrapsht, pasi bëhet pjesë e Arkivës së Insititucionit.

Afati i dorëzimit të dokumentacionit është 10 ditë pune nga data e shpalljes në Buletinin e APP-së

Fusha e njohurive, aftësive dhe cilësitë të cilat do të zhvillohet intervista:

Njohuri mbi ligjin nr. 80/2015 datë 22.07.2015, “Për arsimin e lartë dhe kërkimin shkencor në institucionet e arsimit të lartë në Republikën e Shqipërisë”.
Njohuri mbi ligjin NR. 7961 dt. 12. 07. 1995 kodi i Punës i RSH, i ndryshuar.
Njohuri mbi Kodin Administrativ.

Mënyra e vlerësimit:

Përzgjedhja e kandidatit fitues do të bëhet nëpërmjët konkurimit me dosje dhe me intervista të drejtëpërdrejta.

Në lidhje me dokumentacionin e dorëzuar kandidatët do të vlerësohen për përvojën, trajnimet apo kualifikimet e lidhura me fushën.

Në lidhje me intervistën e punës kandidatët do të vlerësohen për njohuritë mbi legjislacionin e sipërcituar, aftësitë, kompetencat, eksperiencën e tyre të mëparshme, motivimin, aspiratat si dhe pritshmëritë e tyre për karrierën.

Vlerësimi do të bëhet sipas formularit të vlerësimit të kandidatëve për personel ndihmës akademik i miratuar nga Senati Akademik i Universitetit të Mjekësisë, Tiranë, i publikuar në faqen zyrtare www.umed.edu.al

Për çdo paqartësi mund të dërgohet email në adresën info@umed.edu.al

24 May, 2021 |