Njoftim për vend pune për “Personel ndihmës akademik” me karakter mësimor, pozicioni “Specialist për karrierën dhe marrëdhëniet me studentët”në Fakultetin e Mjekësisë, pranë UMT-së

Mbështetur në ligjin nr. 80/2015, “Për arsimin e lartë dhe kërkimin shkencor në Institucionet e Arsimit të Lartë në Republikën e Shqipërisë”, në Statutin e Universitetit të Mjekësisë, Tiranë,si dhe në Urdhërin Nr.23 prot; datë 30.03.2021 “Për miratimin e kritereve për kandidatët për personel ndihmës akademik në Fakultetin e Mjekësisë, Tiranë” shpall konkursin për vendin e lirë të punës, “Personel ndihmës akademik” me karakter mësimor, pozicioni “Specialist për karrierën dhe marrëdhënieve me studentët” me kohë të plotë në Fakultetin e Mjekësisë, Universiteti i Mjekësisë, Tiranë.

 Kandidatët për “Personel ndihmës akademik” me karakter mësimor, pozicioni “Specialist për karrierën dhe marrëdhëniet me studentët”në Fakultetin e Mjekësisë, pranë UMT-së, duhet të plotësojnë këto kritere;

Kritere të përgjithshme:

1. Të jetë shtetas shqipëtar me zotësi të plotë për të vepruar;
2. Të mos jetë dënuar me vendim të formës së prerë nga Gjykata për kryerjen e një vepre penale;
3. Të zotërojë aftësitë e nevojshme profesionale për vendin e punës, për të cilin konkuron;
4. Të jetë në kushte shëndetësore që e lejojnë të kryejë detyrën përkatëse;
5. Të ketë aftësi të mira komunikimi dhe bashkëpunimi;

Kritere të veçanta:

1. Të ketë përfunduar Ciklin e Dytë të Studimeve Universitare të nivelit “Master Profesional ose Master i Shkencave”, në shkencat “mjekësore” apo të barasvlefshme me to, sipas kuadrit ligjor të arsimit të lartë, me notë mesatare aritmetike mbi 7.5;
2.  Të zotërojë me dëshmi një gjuhë të huaj perëndimore (Anglisht, Frengjisht, Gjermanisht, Italisht, Spanjisht);
3. Të ketë aftësi të mira komjuterike, njohja e programeve bazë;
4. Të ketë referenca pozitive të përvojave të mëparshme.

Dokumentacioni i kërkuar

 Kandidatët që aplikojnë, duhet të dorëzojnë pranë Zyrës së Protokollit, në Fakultetin e Mjekësisë,pranë UMT-së, dosjen personale ( të inventarizuar), me dokumentat si më poshtë:

1. Kërkesë me shkrim për aplikim;
2. Jetëshkrimin (CV) sipas formatit standard (europass);
3. Fotokopje të pasaportës ose kartës së identitetit;
4. Kopje e noterizuar e diplomës/diplomave dhe njehsimin e tyre në MAS (për diplomat e marra jashtë vendit), bashkë me listën e notave;
5. Kopje e noterizuar e dëshmisë së njohjes së gjuhës së huaj;
6. Kopje e noterizuar e dëshmisë së paketës Microsoft Office;
7. Vërtetim i gjendjes shëndetësore të marrë brenda tre muajve të fundit (raport mjekësor për aftësinë në punë);
8. Formular vetdeklarimi sipas formës së kërkuar nga ligji nr.138/2015
9. Çdo dokumentacion tjetër që vërteton trajnimet, kualifikimet, arsimin shtesë, apo të tjera të përmendura në jetëshkrim;
10. Referenca që provojnë vlerësimet pozitive;
11. Dëshmi Penaliteti të marrë brenda (tre muajve të fundit);

Mungesa e një prej dokumentave të kërkuara më sipër, sjell skualifikim të kandidatit.

Dokumentacioni I kërkuar nuk do të kthehet mbrapsht, pasi bëhet pjesë e Arkivës së Institucionit.

Afati i dorëzimit të dokumentacionit është 10 ditë pune nga data e shpalljes në Buletinin e APP-së

 Fusha e njohurive, aftësive dhe cilësitë të cilat do të zhvillohet intervista:

• Njohuri mbi ligjin nr. 80/2015 datë 22.07.2015, “Për arsimin e lartë dhe kërkimin shkencor në Institucionet e Arsimit të Lartë në Republikën e Shqipërisë”.

 Mënyra e vlerësimit:

Përzgjedhja e kandidatit fitues do të bëhet nëpërmjet konkurimit me dosje dhe me intervista të drejtëpërdrejta.

Në lidhje me dokumentacionin e dorëzuar kandidatët do të vlerësohen për përvojën, trajnime apo kualifikimet e lidhura me fushën.

Në lidhje me intervistën e punës kandidatët do të vlerësohen për njohuritë mbi legjislacionin e sipërcituar, aftësitë, kompetencat, eksperiencën e tyre të mëparshme, motivimin, aspiratat si dhe pritshmëritë e tyre për karrierën.

Vlerësimi do të bëhet sipas formularit të vlerësimit të kandidatëve për personel ndihmës akademik i miratuar nga Senati Akademik i Universitetit të Mjekësisë, Tiranë, i publikuar në faqen zyrtare  www.umed.edu.al

Për çdo paqartësi mund të dërgohet email në adresën info@umed.edu.al