PËR VENDIN E PUNËS PËR PERSONEL NDIHMËS AKADEMIK ME KARAKTER ADMINISTRATIV, “SPECIALIST IT”, NË SEKTORIN E KURRIKULËS DHE PRANIMEVE, PRANË DREJTORISË SË ADMINISTRIMIT AKADEMIK DHE KURRIKULËS, NË REKTORATIN E UNIVERSITETIT TË MJEKËSISË, TIRANË

Bazuar në ligjin nr. 80/2015, “Për arsimin e lartë dhe kërkimin shkencor në institucionet e arsimit të lartë në Republikën e Shqipërisë”, Universiteti i Mjekësisë, Tiranë, në Statutin dhe Rregulloren e Universitetit të Mjekësisë, Tiranë, si dhe në Urdhrin e Rektorit nr. 151, datë 16.10.2023, shpall konkursin për pozicionin e punës, 1 (një) vend personel ndihmës akademik me karakter administrativ, “Specialist IT”, në Sektorin e Kurrikulës dhe Pranimeve, pranë Drejtorisë së Administrimit Akademik dhe Kurrikulës, në Rektoratin e Universitetit të Mjekësisë, Tiranë.

Kandidatët konkurrentë për vendin e punës për personel ndihmës akademik me karakter administrativ, “Specialist IT”, në Sektorin e Kurrikulës dhe Pranimeve, pranë Drejtorisë së Administrimit Akademik dhe Kurrikulës, në Rektoratin e Universitetit të Mjekësisë, Tiranë të duhet të plotësojnë:

Kritere të përgjithshme:

Të zotërojë diplomë të nivelit “Bachelor” ose ekuivalente me të, preferohet në fushën e shkencave kompjuterike ose aplikative;
Të jetë shtetas shqiptar me zotësi të plotë për të vepruar;
Të zotërojë aftësitë e nevojshme profesionale për vendin e punës, për të cilin konkurron;
Të mos jetë i dënuar me vendim të formës së prerë të gjykatës për kryerjen e një vepre penale;
Të njohë një nga gjuhët e huaja perëndimore (Anglisht, Frëngjisht, Spanjisht, Italisht, Gjermanisht);
Të jetë në kushte shëndetësore që e lejojnë të kryejë detyrën përkatëse;

Kritere preferenciale:

Të ketë njohuri mbi legjislacionin bazë të arsimit të lartë në Shqipëri dhe njohuri mbi aktet ligjore dhe nënligjore në fuqi;
Të shfaqë aftësi organizative dhe bashkëpunimi në grup.

Dokumentacioni i kërkuar:

Kandidatët që aplikojnë për një nga vendet vakante të sipërcituara, duhet të dorëzojnë pranë Sektorit të Protokoll Arkivës, në Rektoratin e Universitetit të Mjekësisë, Tiranë, dokumentet si

më poshtë:

Kërkesë me shkrim për aplikim;
Jetëshkrim (CV) sipas formatit standard (europass), i përditësuar;
Fotokopje të pasaportës ose kartës së identitetit;
Kopje e noterizuar e diplomës/diplomave dhe njehsimet e tyre në MASR (për diplomat e marra jashtë vendit), bashkë me listën e notave të noterizuar (për secilin program përkatës studimit);
Kopje e noterizuar e njohjes së gjuhës së huaj;
Vërtetim i gjendjes shëndetësore të marrë brenda tri muajve të fundit (raport mjekësor për aftësinë në punë);
Formular vetëdeklarimi sipas formës së kërkuar nga ligji nr.138/2015”Për garantimin e integritetit të personave që zgjidhen, emërohen, ose ushtrojnë funksione publike”;
Çdo dokument tjetër që vërtetojnë trajnimet, kualifikimet, arsimin shtesë apo të tjera të përmendura në jetëshkrim;
Vërtetim i gjendjes gjyqësore, të marrë brenda tri muajve të fundit (dëshmi penaliteti);

Mungesa e një prej dokumentave të kërkuara më sipër, s’jell skualifikim të kandidatit.

Dokumentacioni i dorëzuar nuk do të kthehet mbrapsht, pasi bëhet pjesë e arkivës së institucionit.

Kandidatët e interesuar, duhet të dorëzojnë dokumentacionin e kërkuar të inventarizuar në zyrën e Protokoll-Arkivës, në Universitetin e Mjekësisë, Tiranë (Adresa: Rruga e Dibrës, Nr.371, 1005, Tiranë).

Afati i dorëzimit të dokumentacionit: 10 ditë pune nga data e shpalljes në buletinin e APP-së

Fusha e njohurive, aftësive dhe cilësitë të cilat do të zhvillohet intervista:

Të ketë njohuri mbi legjislacionin bazë të arsimit të lartë në Shqipëri dhe njohuri mbi aktet ligjore dhe nënligjore në fuqi;
Të ketë njohuri mbi sigurinë e sistemeve informatike dhe rrjetave kompjuterike, zhvillimin e software-ve/website-ve, si dhe në mirëmbajtjen e pajisjeve kompjuterike;
Të shfaqë aftësi organizative dhe bashkëpunimi në grup.

Mënyra e vlerësimit:

Vlerësimi i kandidatëve do të bëhet me sistem pikëzimi prej 100 pikësh, mbi bazën e dokumentacionit (60 pikë) dhe përmes intervistës (40 pikë) në prani të Komisionit të ngritur për këtë qëllim.

Në lidhje me dokumentacionin e dorëzuar kandidatët do të vlerësohen për përvojën, trajnimet apo kualifikimet e lidhura me fushën.
Në lidhje me intervistën e punës kandidatët do të vlerësohen për njohuritë mbi legjislacionin e sipërcituar, aftësitë, kompetencat, eksperiencën e tyre të mëparshme (nëse kanë), motivimin, aspiratat si dhe pritshmëritë e tyre për karrierën.

Kandidatët kualifikohen vetëm kur kanë grumbulluar mbi 50 pikë nga vlerësimi i dosjes dhe intervistës.

Për çdo paqartësi kandidatët mund të dërgojnë email në adresën info@umed.edu.al.

23 October, 2023 |