VIZITË ZYRTARE NË UNIVERSITETIN E PARMËS, NË ITALI
Rektori i Universitetit të Mjekësisë, i shoqëruar nga Dekani i Fakultetit të Mjekësisë, Prof.Dr. Xheladin Draçini dhe Dekanja e Fakultetit të Mjekësisë Dentare Prof.Dr. Edit Xhajanka, zhvilloi një vizitë zyrtare në Universitetin e Parmës në Itali.
Gjatë vizitës në këtë Universitet, u zhvillua një takim me përfaqësues të këtij Universiteti, mes të cilëve Prof.Antonio Mutti , Dekan i Fakultetit të Mjekësisë dhe Kirurgjisë, dhe Prof. Guido Macaluso. Dekani i Fakultetit të Mjekësisë Dentare.
Kryefjala e këtij takimi ishte bashkëpunimi në terma konkretë mes dy Universiteteve dhe zhvillimi i projekteve të përbashkët , të cilët do të sillnin një shkëmbim sistematik përvoje mes studentëve dhe stafit akademik dhe do të mundësonin një zhvillim të mëtejshëm institucional në kontekst europian.
