NJOFTIM PËR PUNËSIMI PËR POZICIONIN E PUNËS “PERSONEL AKADEMIK” ME KOHË TË PLOTË ME KONTRATË 1 VJEÇARE PËR DEPARTAMENTIN E DRSHIKIOGJ, NË FAKULTETIN E SHKENCAVE MJEKËSORE TEKNIKE, UNIVERSITETI I MJEKËSISË, TIRANË

Bazuar në ligjin nr. 80/2015, “Për arsimin e lartë dhe kërkimin shkencor në institucionet e arsimit të lartë në Republikën e Shqipërisë”, Universiteti i Mjekësisë, Tiranë, në Statutin e Universitetit të Mjekësisë, Tiranë, dhe në urdhrin e Rektorit nr.125 prot, datë 29.10. 2021 shpall konkursin për pozicionin e punës “Personel Akademik” me kohë të plotë me kontratë 1 vjeçare për Departamentin e DRSHIKIOGJ, në Fakultetin e Shkencave Mjekësore Teknike, Universiteti i Mjekësisë, Tiranë.

Kandidatët konkurrentë për pozicionin e punës “Personel Akademik” me kohë të plotë me kontratë 1 vjeçare për Departamentin e DRSHIKIOGJ, në Fakultetin e Shkencave Mjekësore Teknike, Universiteti i Mjekësisë, Tiranë, duhet të plotësojnë:

Kritere të përgjithshme:

Të jetë diplomuar në Fakultetin e Mjekësisë, (studime universitare brenda ose jashtë vendit).
Të ketë përfunduar studimet universitare me notë mesatare të ponderuar mbi 8.5
Të jetë shtetas shqiptar me zotësi të plotë për të vepruar.
Të ketë përfunduar studimet në një program specializimi pasuniversitar në fushën e Kirurgjisë me note mesatare mbi 8.5.
Të ketë licencën për ushtrimin individual të profesionit, lëshuar nga Urdhri i Mjekëve
Të mos jetë i dënuar me vendim të formës së prerë të gjykatës për kryerjen e një vepre penale me dashje;
Të zotëroj me dëshmi, të paktën një nga pesë gjuhët e huaj të Bashkimit Evropian (Anglisht, Frëngjisht, Gjermanisht, Italisht, Spanjisht);
Të mos jetë mare ndaj tij masa disiplinore e pushimit nga puna.
Të jetë në kushte shëndetësore që e lejojnë të kryej detyrën përkatëse.
Të zotëroj aftësitë e nevojshme profesionale për vendin e punës për të cilin konkurron;

Kritere preferenciale:

Preferohen kandidatë që kanë përfunduar studimet universitare dhe të mëtejshme në Universitete të njohura jashtë vendit;
Preferohen kandidatë që kanë trajnime afatgjata jashtë vendit.
Preferohen kandidatë që kanë gradë apo Titull Shkencorë të fituar në Universitete të njohura jashtë vendit.
Preferohen kandidatë me përvojë dhe pjesëmarrje në projekte kombëtare ose ndërkombëtare.
Preferohen kandidatë me përvojë pune në fushën e kirurgjisë;
Preferohen kandidatë të kualifikuar në fusha specifike me përparësi në kërkimin shkencor si Kardiologjia dhe Angiologjia.

Kandidatët konkurrentë duhet të paraqesin këtë dokumentacion:

Kërkesë me shkrim për aplikim;
Jetëshkrimin (CV) sipas formatit standard (europass) i përditësuar;
Fotokopje të pasaportës ose kartës së identitetit;
Kopje e noterizuar e diplomës/diplomave dhe njehsimin e tyre në MAS (për diplomat e marra jashtë vendit), bashkë me listën e notave të noterizuara (për secilin program përkatës studimi);
Dëshmi të kualifikimeve pasuniversitare ose të gradave dhe titujve (fotokopje të noteruara). Për diplomat master ose PhD të marra në universitetet e huaja, duhet të dorëzohet fotokopje e noteruar e certifikatës së njohjes nga organi kompetent ose vërtetim që janë në proces njohje;
Dëshmi të pjesëmarrjes në konferenca apo seminare etj.
Kopje e noterizuar e dëshmisë së njohjes së gjuhës së huaj
Kopje e noterizuar e licencën për ushtrimin individual të profesionit, lëshuar nga Urdhri i Mjekëve
Kopje e noterizuar e librezës së punës (të gjitha faqet që vërtetojnë eksperiencën në punë);
Të paktën dy referenca nga punëdhënësit e fundit ose trupa akademike;
Kopje të artikujve, teksteve, revista, projekte shkencore etj.
Çdo dokumentacion tjetër që vërteton trajnimet, arsimin shtesë, vlerësimet pozitive apo të tjera të përmendura në jetëshkrimin tuaj dhe në mbështetje të kritereve ;
Vërtetim nga punëdhënësi që nuk ka masë disiplinore me fuqi;

Vërtetim i gjendjes shëndetësore të marrë brenda tre muajve të fundit (raport mjekësor për aftësinë në punë);
Formular vetëdeklarim sipas formës së kërkuar nga ligji nr.138/2015”Për garantimin e integritetit të personave që zgjidhen, emërohen, ose ushtrojnë funksione publike”;
Vërtetim i gjendjes gjyqësore (dëshmi penaliteti) të marrë brenda tri muajve të fundit

Mungesa e një prej dokumenteve të kërkuara më sipër, sjell shkualifikim të kandidatit.

Dokumentacioni i dorëzuar nuk mund t’ju kthehet konkurrentëve, pasi bëhet pjesë e arkivës së institucionit.

Kandidatët duhet të dorëzojnë dokumentacionin e kërkuar, në zyrën e Protokollit të Fakultetit të Mjekësisë, në Universitetin e Mjekësisë, Tiranë.

Afati i dorëzimit të dokumentacionit: 10 ditë pune me datën e shpalljes në buletinin e APP-së

Mënyra e vlerësimit:

Përzgjedhja e kandidatit fitues do të bëhet nëpërmjet konkurrimit me dosje dhe me intervista të drejtpërdrejta.

Vlerësimi do të bëhet sipas formularit të vlerësimit të kandidatëve për personel akademik i miratuar nga Senati Akademik i Universitetit të Mjekësisë, Tiranë, i publikuar në faqen zyrtare www.umed.edu.al

Për çdo paqartësi mund të dërgohet email në adresën info@umed.edu.al

8 November, 2021 |