KRITERET E PUNËSIMIT PËR VENDE PUNE NË UNIVERSITETIN E MJEKËSISË, TIRANË

Bazuar në ligjin nr. 80/2015, “Për arsimin e lartë dhe kërkimin shkencor në institucionet e arsimit të lartë në Republikën e Shqipërisë”, Universiteti i Mjekësisë, Tiranë, shpall konkursin për pozicionet e punës

Sekretare mësimore (me kohë të plotë) në Fakultetin e Mjekësisë;
Sekretare mësimore (me kohë të pjesshme) në Fakultetin e Mjekësisë.

Përshkrimi i përgjithshëm i punës:

Hapja e regjistrave të kursit sipas grupeve përkatëse;
Rregjistrimi i studentëve për herë të parë në vit të parë;
Hapja e regjistrave të notave sipas degëve e grupeve përkatëse;
Shpallja e studentëve përsëritës, në bazë të numrit të krediteve që kanë fituar në vitet paraardhëse;
Çelja e datave të provimeve për klasë, grupeve dhe sipas sesioneve përkatëse;
Hedhja e notave në regjistrat e notave, në sesionet e provimeve;
Hapja e indeksit për studentët e rinj të vitit të parë;
Nxjerrja e evidencave ardhur nga Rektorati për seionet e provimeve;
Hapja e proces-verbaleve të provimeve të mbartura (sipas sesioneve përkatëse);
Diplomimi i studentëve të kursit të gjashtë. Hedhja e tyre në regjistrin e diplomave;
Plotësimi i Formularit të Diplomave me të dhënat e studentëve të diplomuar në sesionet përkatëse;
Nxjerja e vërtetimeve për listë notash apo diplomash, për studentët;
Konfirmim dokumentacioni për studentët e diplomuar ne vite (nga Ministria, Rektorati, etj);
Mbledhja e faturave të tarifës vjetore të shkollimit si dhe mbledhje e dokumentacionit për studentët me status të veçantë;

Kriteret

Kandidatët për sekretare mesimorë (me kohë të plotë) dhe sekretare mësimore (me kohë të pjeshme) duhet të plotësojnë këto kritere:

Të zotëroj të paktën diplomë të nivelit Bachelor;
Të ketë eksperienca pune;
Të zotëroj gjuhën shqipe, të shkruar dhe të folur;
Të zotëroj me dëshmi një gjuhë të huaj, gjuha angleze përbën avantazh;
Të ketë njohuri të mira të përdorimit të kompjuterit dhe të programit Microsoft Office, të vërtetuara me dëshminë përkatëse;
Të ketë njohuri të mira të një prej programeve të sekretarisë;
Të jetë shtetas shqiptar;
Të ketë zotësi të plotë për të vepruar;
Të jetë në kushte shëndetësore që e lejojnë të kryejë detyrën përkatëse;
Të mos jetë i dënuar me vendim të formës së prerë për kryerjen e një krimi apo për kryerjen e një kundravajtjeje penale me dashje;
Të mos jetë marrë ndaj tij masa disiplinore, që nuk është shuar sipas ligjit.

Dokumentacioni i kërkuar

Kandidatët që aplikojnë, duhet të dorëzojnë pranë Sektorit të Protokoll Arkivës, në Rektoratin e Universitetit të Mjekësisë Tiranë, dokumentat si më poshtë:

Kërkesë me shkrim për aplikim;
Jetëshkrimin (CV) sipas formatit standard (europass);
Fotokopje të pasaportës ose kartës së identitetit;
Kopje e noterizuar e diplomës/diplomave dhe njëhsimin e tyre në MAS (për diplomat e marra jashtë vendit), bashkë me listën e notave të noterizuara (për secilin program përkatës studimi);
Kopje e noterizuar e librezës së punës (të gjitha faqet që vërtetojnë eksperiencën në punë);
Kopje e noterizuar e dëshmisë së njohjes së gjuhës së huaj;
Kopje e noterizuar e dëshmisë së njohjes së kompjuterit;
Vërtetim i gjendjes shëndetësore të marrë brenda tre muajve të fundit (raport mjekësor për aftësinë në punë);
Vërtetim i gjendjes gjyqësore, vetë deklarim sipas formës së kërkuar nga ligji;
Vërtetim nga punëdhënës të mëparshëm, që nuk ka masë disiplinore në fuqi;
Çdo dokument tjetër që vërteton trajnimet, kualifikimet, arsimin shtesë, apo të tjera të përmendura në jetëshkrim;
Referenca nga punëdhënës të mëparshëm, që provojnë vlerësimet pozitive në punë (nëse ka);
Dëshmi penaliteti të marrë brenda tre muajve të fundit.

Kandidatët e interesuar, duhet të dorëzojnë dokumentacionin e kërkuar në Sektorin e Protokoll Arkivës, në Universitetin e Mjekësisë, Tiranë (Adresa: Rruga e Dibrës, Nr.371, 1005, Tiranë)

Afati i dorëzimit të dokumentacionit : 17.09.2018-28.09.2018 (10 ditë pune)

Fusha e njohurive, aftësive dhe cilësitë të cilat do të zhvillohet intervista:

Njohuri mbi ligjin nr. 80/2015 datë 22.07.2015, “Për arsimin e lartë dhe kërkimin shkencor në institucionet e arsimit të lartë në Republikën e Shqipërisë”.
Njohuri të akteve ligjore dhe nënligjore në fuqi për fushën e procedurave administrative.

Mënyra e vlerësimit:

Përzgjedhja e kandidatit fitues do të bëhet nëpërmjët konkurimit me dosje dhe me intervista të drejtëpërdrejta.

Në lidhje me dokumentacionin e dorëzuar kandidatët do të vlerësohen për përvojën, trajnimet apo kualifikimet e lidhura me fushën.

Në lidhje me intervistën e punës kandidatët do të vlerësohen për njohuritë mbi legjislacionin e sipërcituar, aftësitë, kompetencat, eksperiencën e tyre të mëparshme, motivimin, aspiratat si dhe pritshmëritë e tyre për karrierën.

Për çdo paqartësi mund të dërgohet email në adresën info@umed.edu.al

17 September, 2018 |