NJOFTIM PËR POZICIONIN E PUNËS “PUNONJËS BIBLIOTEKE” PRANË FAKULTETIT TË SHKENCAVE MJEKËSORE TEKNIKE, UNIVERSITETI I MJEKËSISË, TIRANË

Bazuar në ligjin nr. 80/2015, “Për arsimin e lartë dhe kërkimin shkencor në institucionet e arsimit të lartë në Republikën e Shqipërisë”, Universiteti i Mjekësisë, Tiranë, Statuti i Universitetit të Mjekësisë si dhe në Urdhërin e Rektorit nr. 137, datë 24.11.2021, shpall konkursin për pozicionin e punës, personel ndihmës akademik me karakter administrativ

“Punonjës Biblioteke” pranë Fakultetit të Shkencave Mjekësore Teknike, Universiteti i

Mjekësisë, Tiranë.

Kriteret:

Kandidatët për “Punonjës Biblioteke” pranë Fakultetit të Shkencave Mjekësore Teknike, Universiteti i Mjekësisë, Tiranë, duhet të plotësojnë këto kritere:

Të ketë përfunduar minimalisht studimet universitare të ciklit të parë ( Bachelor);
Të ketë eksperiencë pune;
Të zotërojë me dëshmi një nga gjuhët e huaja perëndimore (Anglisht, Frengjisht, Spanjisht, Italisht, Gjermanisht);
Të ketë njohuri të mira të përdorimit të kompjuterit dhe të programit Microsoft Office, Exel, të vërtetuar me dëshmitë përkatëse;
Të jetë shtetas shqiptar;
Të ketë zotësi të plotë për të vepruar;
Të jetë në kushte shëndetësore që e lejojnë të kryejë detyrën përkatëse;
Të mos jetë i dënuar me vendim të formës së prerë të gjykatës për kryerjen e një vepre penale;
Të mos jetë marrë ndaj tyre masa disiplinore e largimit nga puna në institucione të tjera ku ka punuar;
Të ketë vlerësime pozitive të eksperiencave të mëparshme të punës.

Kritere preferenciale:

Të ketë aftësi të mira organizative dhe komunikuese të punës në grup;
Të ketë eksperiencë pune të ngjashme.

Dokumentacioni i kërkuar

Kandidatët që aplikojnë, duhet të dorëzojnë pranë Sektorit të Protokoll -Arkivës, në Fakultetin e Shkencave Mjeksore Teknike, Universiteti i Mjekësisë, Tiranë, dokumentet si më poshtë:

Kërkesë me shkrim për aplikim;
Jetëshkrimin (CV) sipas formatit standard (europass);
Fotokopje të pasaportës ose kartës së identitetit;
Kopje e noteruar e diplomës/diplomave dhe njehsimin e tyre në MAS (për diplomat e marra jashtë vendit), bashkë me listën e notave;
Kopje e noteruar e librezës së punës (të gjitha faqet që vërtetojnë eksperiencën në punë);
Dokument/Çertifikatë e noteruar që vërteton zotërimin e një gjuhe të huaj;
Kopje e noteruar e dëshmisë së paketës Microsoft Office;
Vërtetim i gjendjes shëndetësore të marrë brenda tre muajve të fundit (raport mjekësor për aftësinë në punë);
Formular vetdeklarimi sipas formës së kërkuar nga ligji nr. 138/2015;
Çdo dokumentacion tjetër që vërteton trajnimet, kualifikimet, arsimin shtesë, apo të tjera të përmendura në jetëshkrim;
Vërtetim që nuk ka masë disiplinore, që nuk është shuar sipas ligjit;
Referenca që provojnë vlerësimet pozitive;
Vërtetim i gjendjes gjygjësore (Dëshmi Penaliteti), të marrë brenda (tre muajve të fundit);

Mungesa e një prej dokumentacioneve të kërkuara më sipër, sjell s’kualifikim të kandidatit.

Dokumentacioni i dorëzuar nuk do të kthehet mbrapsht, pasi bëhet pjesë e arkivës së institucionit.

Afati i dorëzimit të dokumentacionit: 10 ditë pune nga data e publikimit në Buletinin e APP-së.

Fusha e njohurive, aftësive dhe cilësitë të cilat do të zhvillohet intervista:

Njohuri mbi ligjin nr. 80/2015 datë 22.07.2015, “Për arsimin e lartë dhe kërkimin shkencor në institucionet e arsimit të lartë në Republikën e Shqipërisë”.
Njohuri të akteve ligjore dhe nënligjore në fuqi për fushën përkatëse.

Mënyra e vlerësimit:

Përzgjedhja e kandidatit fitues do të bëhet nëpërmjët konkurimit me dosje dhe me intervista të drejtëpërdrejta.

Në lidhje me dokumentacionin e dorëzuar kandidatët do të vlerësohen për përvojën, trajnimet apo kualifikimet e lidhura me fushën.

Në lidhje me intervistën e punës kandidatët do të vlerësohen për njohuritë mbi legjislacionin e sipërcituar, aftësitë, kompetencat, eksperiencën e tyre të mëparshme, motivimin, aspiratat si dhe pritshmëritë e tyre për karrierën.

Për çdo paqartësi mund të dërgohet email në adresën info@umed.edu.al

1 December, 2021 |