NJOFTIM PËR 1 (NJË) VEND PUNE PËR POZICIONIN “ASISTENTE E ADMINISTRATORIT” NË UNIVERSITETIN E MJEKËSISË, TIRANË

Bazuar në ligjin nr. 80/2015, “Për arsimin e lartë dhe kërkimin shkencor në institucionet e arsimit të lartë në Republikën e Shqipërisë”, Statutin e Universitetit të Mjekësisë, Tiranë, në Vendimin nr.40, datë 04.07.2019 të Bordit të Administrimit, “Për miratimin e numrit të personelit të Universitetit të Mjekësisë, Tiranë, në të gjitha nivelet”, në Vendimin e Bordit të Administrimit Nr.11, datë 03.02.2020 “Për miratimin e kritereve të punësimit të personelit administrativ të Universitetit të Mjekësisë, Tiranë”, në mbështetje të shkresës së Bordit të Administrimit nr. 1600/1 prot., datë 05.07.2021, “Kthim përgjigje” Administratorit, Universiteti i Mjekësisë, Tiranë, si dhe në Urdhërin e Administratorit nr.72 datë 18.08.2021, shpall konkurimin për vendin e lirë të punës, personel administrativ pozicioni “Asistente e Administratorit”

Kandidatët për pozicionin e punës “Asistente e Administratorit” në Universitetin e Mjekësisë, Tiranë, duhet të plotësojnë këto kritere:

Përshkrimi përgjithësues i punës:

Organizon e siguron rregullsinë e hyrjes së të gjitha materialeve informative për Administratorin.
Organizon axhendën ditore të Administratorit.
Nëpërmjet Sektorit të Protokoll-Arkivës siguron transmetimin korrekt të korrespondencës së Administratorit brenda Institucionit apo në marrëdhënie jashtë tij.
Mban evidencën e porosive që merr prej nëpunësve të Institucionit apo personave të tretë dhe ndjek përfundimin e dhënies së përgjigjes.
Koordinon takimet e planifikuara për Administratorin me nëpunësit apo me personat jashtë saj.
Asiston dhe mban procesverbalet në mbledhjet e ndryshme, duke nënvizuar konkluzionet dhe detyrat që dalin nga këto mbledhje.
Detyrat e tjera janë specifikuar në rregulloren e përgjithshme.

Kërkesat e përgjithshme, që duhet të plotësojnë kandidatët për punësim si personel administrativ në UMT janë:

Kritere:

Të ketë përfunduar studimet universitare dhe të jetë i pajisur me diplomë të studimeve “Bachelor” apo të barazvlefshme me to, sipas kuadrit të arsimit të lartë;
Të ketë aftësi të mira kompjuterike, njohja e programeve bazë;
Të ketë njohuri të gjuhës së huaj anglisht, dhe/ose ndonjë gjuhë e Komunitetit Evropian përbën avantazh;

Kushte:

Të jetë shtetas shqiptar.
Të ketë zotësi të plotë për të vepruar.
Të jetë në kushte shëndetësore që e lejojnë të kryejë detyrën përkatëse.
Të mos jetë dënuar me vendim të formës së prerë të gjykatës për kryerjen e një krimi apo për kryerjen e një kundravajtje penale me dashje.
Ndaj tij të mos jetë marrë ndonjë masë disiplinore, për largimin nga detyra.
Të zotërojë gjuhën shqipe, të shkruar dhe të folur.

Përbën avantazh për këtë pozicion aftësia në komunikim, aftësia organizative dhe manaxheriale, aftësia për të punuar në grup të jetë shtetas shqiptar

Kandidatët që aplikojnë, duhet të dorëzojnë pranë Sektorit të Protokollit dhe Arkivës , pranë UMT-së, dosjen personale (të inventarizuar), me dokumentat si më poshtë:

Kërkesë me shkrim për aplikim;
Jetëshkrimin (CV) sipas formatit standard (europass);
Fotokopje të pasaportës ose kartës së identitetit;
Kopje e noteruar e diplomës/diplomave dhe/ose njehsimin e tyre në MAS (për diplomat e marra jashtë vendit), bashkë me listën e notave të noteruara (për ciklet përkatëse të studimit, sipas rastit);
Kopje e librezës së punës e noteruar ( të gjitha faqet që vërtetojnë përvojën në punë);
Vërtetim i gjendjes shëndetësore të marrë brenda tri muajve të fundit (raport mjekësor për aftësinë në punë);
Formular vetdeklarimi sipas formës së kërkuar nga ligji nr.138/2015;
Vërtetim nga punëdhënës të mëparshëm, që nuk kanë masë disiplinore në fuqi;
Dëshmi të njohjes së gjuhës së huaj të noteruar;
Çertifikatë/Dëshmi që vërtetojnë njohuri të avancuara profesionale të paketës Microsoft Office;
Dokument tjetër që vërteton trajnimet, kualifikimet, arsimin shtesë, apo të tjera të përmendura në jetëshkrim;
Referenca nga punëdhënës të mëparshëm, që provojnë vlerësimet positive në punë;
Vërtetim i gjendjes gjygjësore (Dëshmi Penaliteti), të marrë brenda (tre muajve të fundit);

Mungesa e një prej dokumentave të kërkuara më sipër, sjell skualifikim të kandidatit.

Dokumentacioni i dorëzuar nuk do të kthehet mbrapsht, pasi bëhet pjesë e arkivës së Institucionit.

Afati i dorëzimit të dokumentacionit është 15 (pesëmbëdhjetë) ditë kalendarike që nga dita e shpalljes në Buletinin e APP-së.

Fusha e njohurive, aftësive dhe cilësitë të cilat do të zhvillohet intervista:

Njohuri mbi ligjin nr. 80/2015 datë 22.07.2015, “Për arsimin e lartë dhe kërkimin shkencor në Institucionet e Arsimit të Lartë në Republikën e Shqipërisë”;

Mënyra e vlerësimit:

Përzgjedhja e kandidatit fitues do të bëhet nëpërmjet konkurimit me dosje dhe me intervista të drejtëpërdrejta.

Në lidhje me dokumentacionin e dorëzuar, kandidatët do të vlerësohen për përvojën, trajnimet apo kualifikimet e lidhura me fushën.

Në lidhje me intervistën e punës kandidatët do të vlerësohen për njohuritë mbi legjislacionin e sipërcituar, aftësitë, kompetencat, eksperiencën e tyre të mëparshme, motivimin, aspiratat si dhe pritshmëritë e tyre për karrierën.

Vlerësimi do të bëhet sipas formularit të vlerësimit të kandidatëve për personel akademik i miratuar nga Senati Akademik i Universitetit të Mjekësisë, Tiranë, i publikuar në faqen zyrtare www.umed.edu.al

Për çdo paqartësi mund të dërgohet email në adresën info@umed.edu.al

30 August, 2021 |