NJOFTIM PËR 2 (DY) VENDE VAKANTE NË POZICIONIN E PUNËS, “SPECIALIST NË SEKTORIN E FINANCËS”, ME KOHË TË PLOTË, NË DREJTORINË EKONOMIKE, NË REKTORATIN E UNIVERSITETIT TË MJEKËSISË, TIRANË

Bazuar në ligjin nr. 80/2015 “Për arsimin e lartë dhe kërkimin shkencor në institucionet e arsimit të lartë në Republikën e Shqipërisë”, Statutin e Universitetit të Mjekësisë, Tiranë, në Vendimin e Bordit të Administrimit nr. 63, datë 08.10.2021“Për miratimin e kritereve të punësimit të personelit administrativ të Universitetit të Mjekësisë, Tiranë”, si dhe në Urdhrin e Administratorit të UMT-së nr. 3, datë 04.01.2024 “Për fillimin e procedurës së punësimit për 2 (dy) vende pune vakante në pozicionin “Specialist në Sektorin e Financës”, personel administrativ, në Drejtorinë Ekonomike, Universiteti i Mjekësisë, Tiranë”, shpallet konkursi për 2 (dy) vende të lira pune si më poshtë:

Fillimi i procedurës së punësimit për 2 (dy) vende vakante në pozicionin e punës “Specialist në Sektorin e Financës”, personel administrativ me kohë të plotë, në Drejtorinë Ekonomike, në Rektoratin e Universitetit të Mjekësisë, Tiranë.

Përshkrimi përgjithësues i punës:

• Ndjek dhe zbaton të gjitha procedurat të lidhura me veprimet që gjenerojnë shpenzimet dhe të ardhurat dhe garanton përputhshmëri me ligjin.
• Ndjek dhe kryen regjistrimet në librat e llogarisë të të gjitha veprimeve që lidhen me të ardhurat.
• Ndjekin dhe kryejnë regjistrimet në librat e llogarisë të të gjitha veprimeve që lidhen me shpenzimet e njësisë qendrore të UMT-së.
• Regjistron në bazë të dokumentacionit, të gjitha veprimet ekonomike financiare në mënyrë kronologjike dhe sistematike në regjistrat kontabël, ditarë: ( ditari i shpenzimeve, ditari i bankës, ditari i magazinës, ditari i pagave, ditari i veprimeve të ndryshme).
• Përgatit e përpilon situacionet e raportimit të të ardhurave dhe shpenzimeve si UMT, si dhe tabelat e raportimit progresiv, periodikisht çdo 4-mujor, në bazë të raportimeve progressive të dërguara nga çdo njësi shpenzuese.
• Mban dhe azhornon në mënyrë kronologjike gjendjen e Aktiveve të Qëndrueshme, kartelat e AQT-ve në përdorim ( zyrë dhe çdo punonjës ) për njësinë qendrore të UMT-së si dhe llogarit amortizimin e tyre.
• Mban, azhornon dhe kontabilizon të gjitha veprimet e magazinës qëndrore të UMT-së dhe përgatit raportet mujore të gjendjes.
• Mban, azhornon dhe kontabilizon të gjitha veprimet e pagave të punonjësve dhe të gjitha detyrimet që rrjedhin prej tyre (sig.shoqërore, pensionet etj.)
• Raporton për punën e kryer dhe problemet e konstatuara përpara përgjegjësit të sektorit.
• Realizon çdo detyrë tjetër të ngarkuar nga eprorët.
• Detyrat e tjera janë specifikuar në rregulloren e përgjithshme. 

Kandidatët për “Specialist në Sektorin e Financës”, me kohë të plotë, në Drejtorinë Ekonomike, Rektorati i Universitetit të Mjekësisë, Tiranë”, duhet të plotësojnë këto kritere:

Kriteret:

1. Të zotërojnë diplomë të nivelit “Master Shkencor” ose “Master Profesional” ose “Bachelor” në Shkenca Ekonomike;
2. Të ketë 1 vit eksperiencë pune në profesion;
3. Aftësi të mira kompjuterike, njohja e programeve bazë;
4. Njohuri të gjuhës së huaj anglisht dhe/ose ndonjë gjuhë tjetër;

Kushtet:

1. Të ketë zotësi të plotë për të vepruar;
2. Të jetë në kushte shëndetësore që e lejojnë të kryej detyraën përkatëse;
3. Të mos jetë i dënuar me vendim të formës së prerë për kryerjen e një krimi apo për kryerjen e një kundërvajtje penale me dashje;
4. Ndaj tij të mos jetë marrë ndonjë masë disiplinore për largimin nga detyra;

Kërkesat  e Përgjithshme që duhet të plotësojë kandidati janë:   

1. Të jetë shtetas shqiptar;
2. Të plotësojë kërkesat e posaçme për nivelin e arsimit, përvojës dhe kërkesave të tjera të posaçme për kategorinë, klasën, grupin dhe pozicionin përkatës;
3. Të mos jetë marrë ndaj tij masa disiplinore që nuk është shuar sipas ligjit;
4. Të ketë vlerësime pozitive të përvojave të mëparshme të punës;
5. Të zotërojë gjuhën shqipe të shkruar e të folur;

Përbën avantazh për këtë pozicion aftësia në komunikim, aftësia organizative dhe manaxheriale, aftësia për të punuar në grup.

Dokumentacioni i kërkuar:

Kandidatët që aplikojnë, duhet të dorëzojnë dokumentat si më poshtë:

1. Kërkesë me shkrim për aplikim;
2. Jetëshkrimin (CV) sipas formatit standard (europass);
3. Fotokopje të pasaportës ose kartës së identitetit;
4. Kopje e noterizuar e diplomës/diplomave dhe/ose njëhsimin e tyre në MAS (për diplomat e marra jashtë vendit), bashkë me listën e notave të noterizuar (për ciklet përkatëse të studimit sipas rastit);
5. Kopje e librezës së punës e noterizuar (të gjitha faqet që vërtetojnë eksperiencën në punë);
6. Vërtetim i gjendjes shëndetësore të marrë brenda tre muajve të fundit (raport mjekësor për aftësinë në punë);
7. Vërtetim i Gjendjes Gjyqësore (Dëshmi Penaliteti) të marrë brenda tre muajve të fundit).
8. Formular vetdeklarimi sipas formës së kërkuar nga ligji nr.138/2015;
9. Vërtetim nga punëdhënës të mëparshëm, që nuk ka masë disiplinore në fuqi;
10. Dëshmi të njohjes së gjuhës së huaj të noterizuar;
11. Çertifikatë/Dëshmi të noterizuara që vërtetojnë njohuritë kompjuterike në programet bazë;
12. Dokument tjetër që vërteton trajnimet, kualifikimet, arsimin shtesë, apo të tjera të përmendura në jetëshkrim;
13. Referenca nga punëdhënës të mëparshëm, që provojnë vlerësimet pozitive në punë.

Mungesa e një prej dokumentave të kërkuara më sipër, sjell s’kualifikim të kandidatit.

 Dokumentacioni i dorëzuar nuk do të kthehet mbrapsht, pasi bëhet pjesë e Arkivës së Institucionit.

Kandidatët e interesuar, duhet të dorëzojnë dokumentacionin e kërkuar origjinal ose të njehsuar me origjinalin, të inventarizuar në Sektorin e Protokoll- Arkivës, në Universitetin e Mjekësisë, Tiranë. Adresa: Rruga e Dibrës, Nr. 371, 1005, Tiranë.

 Afati i dorëzimit të dokumentacionit është brenda 15 (pesëmbëdhjetë) ditëve  kalendarike, nga dita e shpalljes së njoftimit në Buletinin e APP-së.

Fusha e njohurive, aftësive dhe cilësitë të cilat do të zhvillohet intervista:

• Njohuri mbi ligjin nr. 80/2015 datë 22.07.2015, “Për arsimin e lartë dhe kërkimin shkencor në Institucionet e Arsimit të Lartë në Republikën e Shqipërisë”;
• Njohuri të akteve nënligjore në fuqi për fushën e arsimit të lartë, procedurave administrative.

Mënyra e vlerësimit:

Përzgjedhja e kandidatit fitues do të bëhet nëpërmjet konkurimit me dosje dhe me intervista të drejtëpërdrejta.

Në lidhje me dokumentacionin e dorëzuar, kandidatët do të vlerësohen për përvojën, trajnimet apo kualifikimet e lidhura me fushën.

Në lidhje me intervistën e punës kandidatët do të vlerësohen për njohuritë mbi legjislacionin e sipërcituar, aftësitë, kompetencat, eksperiencën e tyre të mëparshme, motivimin, aspiratat si dhe pritshmëritë e tyre për karrierën.

Për çdo paqartësi mund të dërgohet email në adresën info@umed.edu.al