NJOFTIM PËR “PERSONEL AKADEMIK” ME KOHË TË PLOTË, PRANË DEPARTAMENTIT E KIRURGJISË OMF & PARAKLINIKE, NË FAKULTETIN E MJEKËSISË DENTARE, UMT-SË TIRANË

Mbështetur në ligjin nr. 80/2015, “Për arsimin e lartë dhe kërkimin shkencor në institucionet  e arsimit të lartë në Republikën e Shqipërisë”, në Statutin dhe Rregulloren e Universitetit të Mjekësisë, si dhe në Urdhrin e Rektorit nr. 31 datë 28.03.2024 “Për miratimin e kritereve për kandidatët për personel akademik në Fakultetin e Mjekësisë Dentare” shpall konkursin për pozicionin e punës “Personel Akademik” me kohë të plotë në Departamentin e Kirurgjisë OMF&Paraklinike, në Fakultetin e Mjekësisë Dentare, Universiteti i Mjekësisë, Tiranë.

Kandidatët për “Personel Akademik” me kohë të plotë, pranë Departamentit e Kirurgjisë OMF&Paraklinike, në Fakultetin e Mjekësisë Dentare, UMT-së Tiranë, duhet të plotësojnë këto kritere:

Kritere të përgjithshme:

1. Të jetë shtetas shqiptar me zotësi të plotë për të vepruar;
2. Të jetë në kushte shëndetësore që lejojnë kryerjen e detyrës;
3. Të mos jetë i dënuar nga Gjykata me vendim të formës së prerë për kryerjen e një vepre penale;
4. Të jetë diplomuar në “Master i Shkencave në Stomatologji” ose ekuivalent me të, brenda ose jashtë vendit;
5. Të zotërojë aftësitë e nevojshme profesionale për vendin e punës për të cilin konkuron;
6. Të ketë mbaruar studimet universitare me notë mesatare të ponderuar mbi 8.5
7. Të zotërojë gjuhën shqipe, të shkruar dhe të folur;
8. Të zotëroj me dëshmi të gjuhës së huaj një nga gjuhët e BE (Anglisht, Frëngjisht, Gjermanisht, Italisht, Spanjisht, etj.)
9. Të ketë licensë për ushtrimin e profesionit në specialitetin përkatës nga Urdhëri i Stomatologut;

Kritere specifike:

1. Të ketë përfunduar Specializimin Afatgjatë në Kirurgji OMF;
2. Të ketë eksperiencë pune në fushën përkatëse dhe të jetë i punësuar në Shërbimet Shëndetësore Univeristare;
3. Të ketë përfunduar ose të jetë në proces Doktorature;
4. Të ketë eksperiencë në mësimdhënie mbi 5 vite;

Kritere Preferenciale :

1. Të ketë përfunduar Specializimin Afatgjatë në Kirurgji OMF me notë mesatare të ponderuar mbi 9.5;
2. Të ketë eksperiencë pune në fushën përkatëse dhe të jetë i punësuar në Shërbimet Shëndetësore Univeristare Publike;
3. Të jetë pjesëmarrës në projekte kërkimore-shkencore;
4. Të ketë aktivitet të pasur shkencor në fushën përkatëse;

Dokumentacioni i kërkuar

Kandidatët që aplikojnë, duhet të dorëzojnë pranë Zyrës së Protokollit, në Fakultetin e Mjekësisë Dentare, dosjen personale (të inventarizuar), me dokumentat si më poshtë:

1. Kërkesë me shkrim për aplikim;
2. Jetëshkrimin (CV) sipas formatit standard (europass);
3. Fotokopje të pasaportës ose kartës së identitetit;
4. Kopje e noterizuar e diplomës/diplomave dhe njehsimin e tyre në MASR (për diplomat e marra jashtë vendit), bashkë me listën e notave të noterizuara (për secilin program përkatës studimi);
5. Dëshmi të kualifikimeve pasuniversitare ose të gradave dhe titujve (fotokopje të noteruara). Për diplomat master ose PhD të marra në universitetet e huaja, duhet të dorëzohet fotokopje e noteruar e çertifikatës së njohjes nga organi kompetent (MASR) ose vërtetim që janë në proces njohje.
6. Dëshmi të pjesëmarrjes në konferenca apo seminare, workshop etj.
7. Çdo dokumentacion tjetër që vërteton punësimin si pedagog i jashtëm, trajnimet, arsimin shtesë, vlerësimet pozitive apo të tjera të përmendura në jetëshkrimin tuaj;
8. Të paktën dy referenca nga profesorë të Fakultetit dhe/ose referenca nga punëdhënës të mëparshëm;
9. Kopje e noterizuar e librezës së punës (të gjitha faqet që vërtetojnë eksperiencën në punë);
10. Kopje e noterizuar e dëshmisë së njohjes së gjuhës së huaj;
11. Kopje të artikujve, teksteve, revista, projekte shkencore etj;
12. Vërtetim i gjendjes shëndetësore të marrë brenda 3 (tre) muajve të fundit (raport mjekësor për aftësinë në punë);
13. Vërtetim nga punëdhënësi që nuk ka masë disiplinore në fuqi;
14. Formular vetëdeklarimi sipas formës së kërkuar nga ligji nr.138/2015;
15. Vërtetim i Gjendjes Gjyqësore (Dëshmi Penaliteti) të marrë brenda 3 (tre) muajve të fundit.
16. Kopje e noterizuar e licencës për ushtrimin individual të profesionit, lëshuar nga Urdhri i Stomatologut.

 Afati i dorëzimit të dokumentacionit është 10 (dhjetë) ditë pune nga data e shpalljes në Buletinin e Agjencisë së Prokurimit Publik.

 Fusha e njohurive, aftësive dhe cilësitë të cilat do të zhvillohet intervista:

• Njohuri mbi ligjin nr. 80/2015 datë 22.07.2015, “Për arsimin e lartë dhe kërkimin shkencor në institucionet e arsimit të lartë në Republikën e Shqipërisë”.
• Njohuri të akteve ligjore dhe nënligjore në fuqi për fushën e mësimdhënies në institucionet e arsimit të lartë.

Mënyra e vlerësimit:

Përzgjedhja e kandidatit fitues do të bëhet nëpërmjet konkurimit me dosje dhe me intervista  të drejtëpërdrejta.

Në lidhje me dokumentacionin e dorëzuar kandidatët do të vlerësohen për përvojën, trajnimet apo kualifikimet e lidhura me fushën.

Në lidhje me intervistën e punës kandidatët do të vlerësohen për njohuritë mbi legjislacionin e sipërcituar, aftësitë, kompetencat, eksperiencën e tyre të mëparshme, motivimin, aspiratat si dhe pritshmëritë e tyre për karrierën.

Vlerësimi do të bëhet sipas formularit të vlerësimit të kandidatëve për personel akademik i miratuar nga Senati Akademik i Universitetit të Mjekësisë, Tiranë, i publikuar në faqen zyrtare  www.umed.edu.al

Për çdo paqartësi mund të dërgohet email në adresën info@umed.edu.al