NJOFTIM PËR POZICIONIN E PUNËS 1(NJË) VEND “KRYETAR I DEGËS SË FINANCËS”, NË FAKULTETIN E MJEKËSISË, UNIVERSITETI I MJEKËSISË, TIRANË.

Bazuar në ligjin nr. 80/2015, “Për arsimin e lartë dhe kërkimin shkencor në institucionet e arsimit të lartë në Republikën e Shqipërisë”, Statutin e Universitetit të Mjekësisë, Tiranë, në Vendimin e Bordit të Administrimit nr.63, datë 08.10.2021, “Për miratimin e numrit të personelit të Universitetit të Mjekësisë, Tiranë, në të gjitha nivelet” si edhe në Urdhërin  e Administratorit të UMT-së nr. 169, datë 31.08.2022 “Për fillimin e procedurës së punësimit për pozicionin e punës “Kryetar i Degës së  Financës” në Fakultetin e Mjekësisë, Universiteti i Mjekësisë, Tiranë”, shpall konkursin për 1 (një) vend të lirë pune “Kryetar i Degës së  Financës” në Fakultetin e Mjekësisë, Universiteti i Mjekësisë, Tiranë”,si më poshtë:

Kandidatët për pozicionin  e punës 1(një) vend “Kryetar i Degës së  Financës”, në Fakultetin e Mjekësisë, Universiteti i Mjekësisë, Tiranë.

 Përshkrimi i përgjithshëm i punës:

• Kryetari i degës është përgjegjësi kryesor për mbarëvajtjen e punës në Degën e Financës.
• Koordinon punën vertikalisht me strukturat që ka në varësi: specialist dhe raporton rregullisht te Administratori i  Njësisë Kryesore.
• Kryen rolin e nëpunësit zbatues.
• Ndjek gjithë veprimet financiare që lidhen me shpenzimet për veprimtarinë e njësisë dhe bën mbylljen e bilancit vjetor;
• Merr pjesë në hartimin e buxhetit vjetor, në bashkëpunim me strukturat e tjera të njësisë.
• Merr pjesë në përgatitjen e programit buxhetor afatmesëm në zbatim të kërkesave të ligjit dhe institucioneve përkatese.
• Ndjek gjithë veprimet financiare që lidhen me të ardhurat e njësisë dhe raporton për realizimin e tyre.
• Ndjek shpenzimet e buxhetit dhe të fondeve të tjera që disponon njësia, rakordon çdo
• muaj situacionin e shpenzimeve ekonomike, si dhe propozon, rialokime të planit buxhetor.
• Përgatit analiza periodike dhe vjetore për realizimin e treguesve ekonomik dhe financiarë.
• Raporton çdo muaj në formë elektronike dhe shkresore në UMT dhe jashtë radhe për të gjitha të dhënat qe kërkohen.
• Është përgjegjës për mbajtjen e librave të llogarisë në përputhje me legjislacionin në fuqi.
• Është përgjegjës dhe përgatit të gjithë materialet e nevojshme për kryerjen  inventareve të përgjithshme dhe periodike për njësinë kryesore.
• Koordinon aktivitetin e punës midis specialistëve, cakton detyra dhe ndjek e kontrollon zbatimin e tyre;
• Regjistron të gjitha kontratat e lidhura ndërmjet Njësisë dhe operatorëve ekonomik.
• Ndjek likuidimin e tyre;
• Detyrat e tjera  janë specifikuar në rregulloren e përgjithshme.

Kërkesat e Përgjithshme, që duhet të plotësojnë kandidatët për punësim si personel administrativ në Fakultetin e Mjekësisë, UMT janë:

Kritere të përgjithshme:

• Të zotërojnë diplomë të nivelit “Master Shkencor” në Shkenca Ekonomike. Edhe diploma e “Bachelor” duhet të jetë në të njëjtën fushë;
• Të ketë mbi 3 (tre) vite eksperiencë pune në profesion;
• Aftësi të mira kompjuterike, njohja e programeve bazë;
• Njohuri të gjuhës së huaj anglisht, dhe/ose ndonjë gjuhë tjetër;

Kushtet:

• Të ketë zotësi të plotë për të vepruar;
• Të jetë në kushte shëndetësore që e lejojnë të kryejë detyrën përkatëse;
• Të mos jetë dënuar me vendim të formës së prerë të gjykatës për kryerjen e një krimi apo për kryerjen e një kundravajtje penale me dashje;
• Ndaj tij të mos jetë marrë ndonjë masë disiplinore, që nuk është shuar sipas ligjit dhe ndaj tij të mos jetë marrë ndonjë masë disiplinore për largimin nga puna;
• Përbën avantazh për këto pozicion aftësia në komunikim, aftësia organizative dhe menaxheriale, aftësia për të punuar në grup.

Kërkesat  e Përgjithshme që duhet të plotësojë kandidati janë:

• Të jetë shtetas shqipëtar;
• Të plotësojë kërkesat e posaçme për nivelin e arsimit, përvojës dhe kërkesave të tjera të posaçme për kategorinë, klasën, grupin dhe pozicionin përkatës;
• Të ketë vlerësime pozitive të përvojave të mëparshme të punës;
• Të zotërojë gjuhën shqipe të shkruar e të folur.

Dokumentacioni i kërkuar:

1. Kërkesë me shkrim për aplikim;
2. Jetëshkrimin (CV) sipas formatit standard (europass);
3. Fotokopje të pasaportës ose kartës së identitetit;
4. Kopje e noteruar e diplomës/diplomave dhe njehsimin e tyre në MAS (për diplomat e marra jashtë vendit), bashkë me listën e notave të noteruara (për ciklet përkatëse të  studimit);
5. Kopje e noteruar e librezës së punës (të gjitha faqet që vërtetojnë eksperiencën në punë)
6. Vërtetim i gjendjes shëndetësore të marrë brenda tre muajve të fundit (raport mjekësor për aftësinë në punë);
7. Vërtetim i Gjendjes Gjygjësore(Dëshmi Penaliteti të marrë brenda tre muajve të fundit).
8. Formular vetdeklarimi sipas formës së kërkuar nga ligji nr.138/2015;
9. Vërtetim nga punëdhënës të mëparshëm, që nuk ka masë disiplinore në fuqi;
10. Dëshmi të njohjes së gjuhës së huaj të noteruar;
11. Çertifikatë/Dëshmi të noteruar që vërtetojnë njohuritë kompjuterike në programet bazë;
12. Dokument tjetër që vërteton trajnimet, kualifikimet, arsimin shtesë, apo të tjera të përmendura në jetëshkrimin tuaj;
13. Referenca nga punëdhënës të mëparshëm, që provojnë vlerësimet pozitive në punë.

 Mungesa e një prej dokumentave të kërkuara më sipër, sjell skualifikim të kandidatit.

 Dokumentacioni i dorëzuar nuk do të kthehet mbrapsht, pasi bëhet pjesë e arkivës së  Institucionit.

 Kandidatët e inrteresuar, duhet të dorëzojnë dokumentacionin e kërkuar original ose të njehsuar me origjinalin brenda 15 ditëve nga shpallja e njftimit, të inventarizuar , (listë inventari) pranë Zyrës së Sekretarisë së Protokoll – Arkivës, në Universitetitn eMjekësisë, Tiranë. (Adresa: Rruga e Dibrës, Nr.371, 1005, Tiranë).

 Afati i dorëzimi të dokumentacionit është 15 (pesëmbëdhjetë) ditë kalendarike që nga

 dita e shpalljes në Buletinin e APP-së.

  Përzgjedhja e kandidatit fitues do të bëhet nëlpërmjet konkurimit me dosje dhe me intervista të drejtëpërdrejta. Për çdo paqartësi munbd të dërgohet e-mail në adresën info@umed.edu.al.

Fusha e njohurive, aftësive dhe cilësitë të cilat do të zhvillohet intervista:

• Njohuri mbi ligjin nr. 80/2015 datë 22.07.2015, “Për arsimin e lartë dhe kërkimin shkencor në Institucionet e Arsimit të Lartë në Republikën e Shqipërisë”;
• Njohuri mbi ligjin nr. 44/2015, “Kodi i procedurave Administrative i Republikës së Shqipërisë”;
• Njohuri mbi ligjin nr. 9936, datë 26.6.2006, “Për menaxhimin e sistemit buxhetor në Republikën e Shqipërisë”, i ndryshuar;
• Njohuri të akteve nënligjore në fuqi për fushën e procedurave financiare e administrative.
• Njohuri mbi ligjin nr. 7703, datë 11.05.1993 “Për Sigurimet shoqërore në Republikën e Shqipërisë”, i ndryshuar.

Mënyra e vlerësimit:

Në lidhje me dokumentacionin e dorëzuar, kandidatët do të vlerësohen për përvojën, trajnimet apo kualifikimet e lidhura me fushën.

Në lidhje me intervistën e punës kandidatët do të vlerësohen për njohuritë, aftësitë, kompetencën në lidhje me përshkrimin e punës, eksperiencën e tyre të mëparshme, motivimin, aspiratat si dhe pritshmëritë e tyre për karrierën.