IN MEMORIAM!

Me hidhërim të thellë njoftojmë sot ndarjen nga jeta të Prof. Dr. Thanas Fureraj, i cili me punën dhe kontributin e tij ka lënëgjurmë të padiskutuara në fushën akademike në përgjithësi dhe në atë të Diabetologji /Endokrinologjisë në veçanti.

 Prof. Dr. Thanas Fureraj përfundoi studimet në Mjekësi e Përgjithshme në vitin 1983. Karrierën e tij si mjek i përgjithshëm e ka filluar në Spitalin e Çorovodës, Skrapar. Një vit më vonë ai vijoi të japë kontributin e tij në fushën e shëndetësisë, pranë Qendrës Spitalore Universitare “Nënë Tereza”. Gjithashtu ka kryer specializime të shumta pasuniversitare brenda dhe jashtë vendit në fushën e Diabetologji/Endokrinologjisë, ku veçohet Klinika e Diabetologjisë në spitalin Kantonal në Gjenevë, Zvicër. Ka qenë President i Shoqatës Shiptare të Endokrinologjisë dhe Diabetologjisë.

Në vitin 1983 nisi karrierën si personel akademik pranë Departamentit të Sëmundjeve të Brendshme, Fakulteti i Mjekësisë, Universiteti i Tiranës. Prof. Dr. Thanas Fureraj ështëautor i shumë publikimeve dhe artikujve shkencorë, të cilët i kanë shërbyer dhe do t’i shërbejnë si studentëve të Fakultetit të Mjekësisë, ashtu edhe kërkuesve shkencorë në fushën e endokrinologjisë.

Humanizmi, përkushtimi si dhe profesionalizmi i Prof. Dr. Thanas Fureraj do t’i mungojë kolegëve, studentëve dhe të gjithë atyre, që patën fatin të punonin dhe mësonin prej tij. Emri, puna, kontributi i Prof. Thanasit janë një gur themeli në fushën e endokrinologjisë shqiptare.

Universiteti i Mjekësisë, Tiranë i shpreh ngushëllimet familjarëve, të afërmve, miqve si dhe gjithë kolegëve të tij.

Mirënjohje dhe respekt për Ju, Prof. Thanasi!