NJOFTIM PËR PUNËSIM NË DEGËN E FINANCËS 2 (DY) “SPECIALIST” ME KONTRATË ME AFAT TË CAKTUAR NË FAKULTETIN E SHKENCAVE MJEKËSORE TEKNIKE,UNIVERSITETI I MJEKËSISË, TIRANË

Bazuar në ligjin nr. 80/2015, “Për arsimin e lartë dhe kërkimin shkencor në institucionet e arsimit të lartë në Republikën e Shqipërisë”, Statutin e Universitetit të Mjekësisë, Tiranë, në Vendimin nr.63, datë 08.10.2021 të Bordit të Administrimit, “Për miratimin e numrit të personelit të Universitetit të Mjekësisë, Tiranë, në të gjitha nivelet”, në shkresën e Dekanatit të Fakultetit të Shkencave Mjekësore Teknike nr. 1160 prot., datë 01.10.2021, protokolluar me tonën 2398 prot., data 01.10.2021 “Kërkesë për punësim me kontratë të përkohshme”, si dhe në shkresën e Administratorit të Fakultetit të Shkencave Mjekësore Teknike nr.1334 prot., datë 28.10.2021, protokolluar me tonën 2753 prot.,datë 29.10.2021 “Dërgim propozimi për zëvendësim për periudhën e leje lindjes për “Specialist Finance”, në Fakultetin e Shkencave Mjekësore Teknike, Universiteti i Mjekësisë, Tiranë si dhe në Urdhërin e Administratorit nr.180, datë 04.11.2021, shpall konkursin për pozicionin e punës “Personel administrativ “Specialist” në Degën e Financës, me afat të caktuar nga momenti i lidhjes së kontratës, në UMT”.

Për 2 (dy) vende pune për pozicionin “Specialist Finance” me kohë të plotë, me kontratë me afat të caktuar në Fakultetin e Shkencave Mjekësore Teknike, Universiteti i Mjekësisë, Tiranë.

Kriteret që duhet të plotësojnë kanditatët janë:

Kriteret:

• Të zotërojnë diplomë të nivelit “Master Shkencor” ose “Master Profesional” ose “Bachelor” në Shkenca Ekonomike.
• Të ketë 1 (një) vit eksperiencë pune në profesion;
• Të ketë aftësi të mira kompjuterike, njohja e programeve bazë;
• Njohuri të gjuhës së huaj anglisht, dhe/ose ndonjë gjuhë tjetër;

Kushtet

• Të ketë zotësi të plotë për të vepruar;
• Të jetë në kushte shëndetësore që e lejojnë të kryejë detyrën përkatëse;
• Të mos jetë dënuar me vendim të formës së prerë të gjykatës për kryerjen e një krimi apo për kryerjen e një kundravajtje penale me dashje;
• Ndaj tij të mos jetë marrë ndonjë masë disiplinore, për largim nga detyra.

Kërkesat e Përgjithshme që duhet të plotësojë kandidati janë:

• Të jetë shtetas shqipëtar;
• Të plotësojë kërkesat e posaçme për nivelin e arsimit, përvojës dhe kërkesave të tjera të posaçme për kategorinë, klasën, grupin dhe pozicionin përkatës;
• Të mos jetë marrë ndaj tij masa disiplinore, që nuk është shuar sipas ligjit;
• Të ketë vlerësime pozitive të përvojave të mëparshme të punës;
• Të zotërojë gjuhën shqipe, të shkruar e të folur.

Dokumentacioni i kërkuar:

Kandidatët që aplikojnë, duhet të dorëzojnë pranë Zyrës së Protokoll- Arkivës, në UMT , dosjen personale ( të inventarizuar), me dokumentat si më poshtë:

1. Kërkesë me shkrim për aplikim;
2. Jetëshkrimin (CV) sipas formatit standard (europass);
3. Fotokopje të pasaportës ose kartës së identitetit;
4. Kopje e noteruar e diplomës/diplomave dhe njehsimin e tyre në MAS (për diplomat e marra jashtë vendit), bashkë me listën e notave të noteruara (për ciklet përkatëse të  studimit);
5. Kopje e noteruar e librezës së punës (të gjitha faqet që vërtetojnë eksperiencën në punë)
6. Vërtetim i gjendjes shëndetësore të marrë brenda tre muajve të fundit (raport mjekësor për aftësinë në punë);
7. Vërtetim i Gjendjes Gjygjësore(Dëshmi Penaliteti të marrë brenda tre muajve të fundit).
8. Formular vetdeklarimi sipas formës së kërkuar nga ligji nr.138/2015;
9. Vërtetim nga punëdhënës të mëparshëm, që nuk ka masë disiplinore në fuqi;
10. Dëshmi të njohjes së gjuhës së huaj të noteruar;
11. Çertifikatë/Dëshmi të noteruar që vërtetojnë njohuri të avancuara profesionale të paketës Microsoft Office;
12. Dokument tjetër që vërteton trajnimet, kualifikimet, arsimin shtesë, apo të tjera të përmendura në jetëshkrimin tuaj;
13. Referenca nga punëdhënës të mëparshëm, që provojnë vlerësimet pozitive në punë;

Mungesa e një prej dokumentave të kërkuara më sipër, sjell skualifikim të kandidatit.

 Dokumentacioni i dorëzuar nuk do të kthehet mbrapsht, pasi bëhet pjesë e arkivës së  Institucionit.

 Afati i dorëzimit të dokumentacionit është 04.11.2021 – 11.11.2021 (tetë) ditë kalendarike që nga dita e shpalljes në faqen e UMED-it.

 Fusha e njohurive, aftësive dhe cilësitë të cilat do të zhvillohet intervista:

• Njohuri mbi ligjin nr. 80/2015 datë 22.07.2015, “Për arsimin e lartë dhe kërkimin shkencor në Institucionet e Arsimit të Lartë në Republikën e Shqipërisë”;
• Njohuri mbi ligjin nr. 10296, datë 08.07.2010, i ndryshuar në ligjin nr. 110/2015, datë 15.10.2015 “Për menaxhimin financiar dhe kontrollin”;
• Njohuri mbi ligjin nr. 44/2015, “Kodi i procedurave Administrative i Republikës së Shqipërisë”;
• Njohuri të akteve nënligjore në fuqi për fushën e arsimit të lartë, procedurave administrative, prokurimit publik dhe buxhetit.

Mënyra e vlerësimit:

 Përzgjedhja e kandidatit fitues do të bëhet nëpërmjet konkurimit me dosje dhe me intervista të drejtëpërdrejta.

Në lidhje me dokumentacionin e dorëzuar, kandidatët do të vlerësohen për përvojën, trajnimet apo kualifikimet e lidhura me fushën.

Në lidhje me intervistën e punës kandidatët do të vlerësohen për njohuritë mbi legjislacionin e sipërcituar, aftësitë, kompetencat, eksperiencën e tyre të mëparshme, motivimin, aspiratat si dhe pritshmëritë e tyre për karrierën.

Vlerësimi do të bëhet sipas formularit të vlerësimit të miratuar nga Bordi i Administrimit të Universitetit të Mjekësisë, Tiranë, i publikuar në faqen zyrtare.  www.umed.edu.al

Për çdo paqartësi mund të dërgohet email në adresën info@umed.edu.al